স্প’ৰ্টছ ডেস্ক, 19 ছেপ্টেম্বৰ: চেন্নাইৰ চেপক ষ্টেডিয়ামত বাংলাদেশৰ বিৰুদ্ধে প্ৰথমখন টেষ্ট মেচত 24 বছৰীয়া যুৱ দ্ৰুত বলাৰ হাছান মাহমুদৰ বলিং বিক্ৰমৰ সন্মুখত ছেদেলি-ভেদেলি হৈ পৰে টীম ইণ্ডিয়াৰ বেটছমেনসকল । মাহমুদে মাৰাত্মক বলিঙৰ জৰিয়তে চূৰ্ণ-বিচূৰ্ণ কৰে ভাৰতৰ টপ অৰ্ডাৰ বেটছমেনৰ স্থিতি ৷
- wicket of Rohit.
— Johns. (@CricCrazyJohns) September 19, 2024
- wicket of Gill.
- wicket of Kohli.
HASAN MAHMUD - Remember the name, future of Bangladesh is here. 🫡 pic.twitter.com/eo4Oy8H13Q
টীম ইণ্ডিয়াক স্তম্ভিত কৰি তুলিলে হাছান মাহমুদে
দ্ৰুত বলাৰ হাছান মাহমুদৰ বলিং বিক্ৰমত ছেদেলি-ভেদেলি হৈ পৰে টীম ইণ্ডিয়াৰ বহুকেইগৰাকী বেটছমেন ৷ বহু প্ৰত্যাশাৰে খেলপথাৰলৈ অহা শীৰ্ষ 3 গৰাকী ভাৰতীয় তাৰকা বেটছমেন ক্ৰমে অধিনায়ক ৰোহিত শৰ্মা(6), শুভমন গিল(0) আৰু বিৰাট কোহলী(6) তে পেভিলিয়নলৈ উভতি আহে ।
বাংলাদেশৰ হৈ দ্ৰুত বলাৰ মাহমুদে তিনিওটা গুৰুত্বপূৰ্ণ উইকেট দখল কৰি সৃষ্টি কৰিছিল চাঞ্চল্যৰ ৷ সেই সময়ত ভাৰতৰ স্ক’ৰ আছিল 34-3 ।
Hasan Mahmud breaks the partnership by claiming the wicket of Rishabh Pant! That’s his fourth wicket and a vital breakthrough for the side. 👏🇧🇩#BCB #Cricket #INDvBAN #WTC25 pic.twitter.com/SsGC2kEQDB
— Bangladesh Cricket (@BCBtigers) September 19, 2024
ইয়াৰ পিছত বেটিং কৰিবলৈ ক্ৰিজত নামে ঋষভ পন্ত আৰু যশস্বী জয়ছোৱালৰ দৰে মিডল অৰ্ডাৰ বেটছমেন ৷ দুয়োগৰাকীয়ে 62 ৰাণৰ অংশীদাৰিত্ব আগবঢ়ায় ৷ দুপৰীয়াৰ আহাৰ গ্ৰহণ কৰালৈকে ভাৰতৰ স্ক’ৰ আছিল 88/3 ।
কিন্তু, দুপৰীয়াৰ আহাৰ গ্ৰহণৰ বিৰতিৰ ঠিক পিছতেই পুনৰ চলিল মাহমুদৰ যাদু ৷ 39 ৰাণৰ ব্যক্তিগত স্ক’ৰত ভাৰতীয় বেটছমেন ঋষভ পন্তক দেখুৱাই দিয়ে পেভিলিয়নৰ পথ ৷ বৰ্তমানলৈকে 4টাকৈ গুৰুত্বপূৰ্ণ উইকেট দখল কৰিছে বাংলাদেশী চেনছেচনগৰাকীয়ে ৷
হাছান মাহমুদ কোন?
1999 চনত বাংলাদেশৰ চিটাগঙত জন্মগ্ৰহণ কৰিছিল হাছান মাহমুদে । বৰ্তমান তেওঁৰ বয়স 24 বছৰ । 2020 চনত জিম্বাব’ৱেৰ বিৰুদ্ধে টি-20 খেলত তেওঁ আন্তঃৰাষ্ট্ৰীয় পৰ্যায়ত অভিষেক ঘটায় । তাৰপিছৰ পৰা মাহমুদে 18 খন টি-20 খেলি 18 টা উইকেট দখল কৰে ।
এদিনীয়া খেলতো বলাৰগৰাকীয়ে দাঙি ধৰিছে দুৰ্দান্ত প্ৰদৰ্শন ৷ এই পৰ্যন্ত 22 খন এদিনীয়াত তেওঁ দখল কৰিছে 30 টা উইকেট ।
Hasan Mahmud is on 🔥 against India!#WTC25 | 📝 #INDvBAN: https://t.co/7kDIQrtdkr pic.twitter.com/3YDYgjXvr0
— ICC (@ICC) September 19, 2024
চলিত বছৰতে শ্ৰীলংকাৰ বিৰুদ্ধে টেষ্ট ক্ৰিকেটত অভিষেক ঘটাইছিল মাহমুদে । অভিষেক মেচত 6 টা উইকেট দখল কৰি সকলোৰে দৃষ্টি আকৰ্ষণ কৰে বলাৰগৰাকীয়ে । পাকিস্তানৰ বিৰুদ্ধে টেষ্ট শৃংখলাত বাংলাদেশে জয়লাভ কৰাৰ পাছতে খেলুৱৈগৰাকী লাইমলাইটলৈ আহে । এই ছিৰিজত মাহমুদে দখল কৰিছিল 8 টাকৈ উইকেট ।
প্ৰথম দিনা চাহ বিৰতিলৈকে ভাৰতৰ স্ক’ৰ (176/6)
বাংলাদেশৰ বিৰুদ্ধে প্ৰথমখন টেষ্টৰ প্ৰথম দিনটোত চাহ বিৰতিলৈকে 6 টাকৈ উইকেট হেৰুৱাই ভাৰতে 176 ৰাণ সংগ্ৰহ কৰে । ক্ৰিজত বৰ্তি আছে ৰবিচন্দ্ৰন অশ্বিন (21) আৰু ৰবীন্দ্ৰ জাদেজা (7) । প্ৰথম দিনটোত 4 উইকেট দখলৰে বাংলাদেশৰ সফল বলাৰত পৰিণত হৈছে হাছান মাহমুদ ।
Tea on Day 1 of the 1st Test#TeamIndia 176/6
— BCCI (@BCCI) September 19, 2024
Scorecard - https://t.co/fvVPdgXtmj… #INDvBAN @IDFCFIRSTBank pic.twitter.com/iNGjIgWQdO
লগতে পঢ়ক: মেচৰ মাজতে ঋষভ পন্ত আৰু লিটন দাসৰ বাকযুদ্ধ, ভিডিঅ’ ভাইৰেল - IND VS BAN 1ST TEST
