স্প’ৰ্টছ ডেস্ক, 20 আগষ্ট: দীৰ্ঘদিনৰ প্ৰতিবাদ, ৰিঙত বিফল ভাৰতীয় মহিলা মল্লযোদ্ধা বিনেশ ফোগাটৰ সন্দৰ্ভত পোহৰলৈ আহিছে এক বৃহৎ খবৰ ৷ সক্ৰিয় ৰাজনীতিত প্ৰৱেশৰ দিশে আগবাঢ়িছে বিনেশ ফোগাট ৷ ভাৰতৰ তাৰকা মল্লযোদ্ধা ফোগাটে আগন্তুক হাৰিয়ানা বিধানসভা নিৰ্বাচনত আগবঢ়াব পাৰে প্ৰতিদ্বন্দ্বিতা ৷ এই খবৰ সংবাদ মাধ্যমক যোগান ধৰিছে খেলুৱৈগৰাকীৰ নিকটাত্মীয়ই ৷
কিন্তু বিনেশে ইতিমধ্যেই স্পষ্ট কৰি দিছিল যে, তেওঁ এতিয়াই সক্ৰিয় ৰাজনীতিত প্ৰৱেশ নকৰে । অৱশ্যে শেহতীয়া প্ৰতিবেদন অনুসৰি, একাংশ ৰাজনৈতিক দলে ফোগাটক ৰাজনীতিত প্ৰৱেশৰ বাবে সৈমান কৰিবলৈ যথেষ্ট প্ৰচেষ্টা চলাই আছে ।
ৰাজনীতিত যোগদানৰ সম্ভাৱনা বিনেশ ফোগাটৰ
নিৰ্ধাৰিত মাত্ৰাতকৈ শৰীৰত 100 গ্ৰাম ওজন বেছি থকাৰ বাবেই পেৰিছ অলিম্পিকৰ ফাইনেলৰ পৰা অযোগ্য ঘোষণা হৈছিল বিনেশ ফোগাট ৷ কিংবদন্তি মল্লযোদ্ধাগৰাকীয়ে পেৰিছ অলিম্পিক 2024 ত মহিলাৰ ফ্ৰী ষ্টাইলৰ 50 কিল’গ্ৰাম শাখাত সোণৰ পদক জয় কৰাৰ সুযোগ হেৰুৱাইছিল । পিছে এতিয়া লাভ কৰা খবৰৰ ভিত্তিত ক’ব পৰা যায় যে, পেৰিছৰ পৰা হতাশমনে উভতি অহা মল্লযোদ্ধাগৰাকীয়ে আগন্তুক হাৰিয়ানা বিধানসভা নিৰ্বাচনত প্ৰতিদ্বন্দ্বিতা কৰাৰ পূৰ্ণ সম্ভাৱনা আছে ।
खरा सोना @phogat_vinesh 🥇 pic.twitter.com/zZMnvykTMp
— Deepender S Hooda (@DeependerSHooda) August 17, 2024
সম্পৰ্কীয় ভগ্নীৰ বিৰুদ্ধে নিৰ্বাচনত প্ৰতিদ্বন্দ্বিতা কৰাৰ সম্ভাৱনা
অৱশ্যে ফোগাটে কোনটো ৰাজনৈতিক দলত যোগদান কৰিব, সেয়া এতিয়াও স্পষ্ট হোৱা নাই ৷ অৱশ্যে ফোগাট পৰিয়ালৰ ঘনিষ্ঠ সূত্ৰই সংবাদ মাধ্যমক জনোৱা তথ্যৰ ভিত্তিত ক’ব পৰা যায় যে, "এই খবৰ নিসন্দেহে সঁচা ৷ হাৰিয়ানা বিধানসভাত বিনেশ ফোগাট বনাম ববিতা ফোগাট আৰু বজৰং পুনিয়া বনাম যোগেশ্বৰ দত্ত শীৰ্ষক ৰাজনৈতিক প্ৰতিদ্বন্দ্বিতা দেখা পোৱাৰ পূৰ্ণ সম্ভাৱনা আছে" ৷
#WATCH | Indian wrestler Vinesh Phogat says,
তাৰকা মল্লযোদ্ধাগৰাকীৰ ভৱিষ্যত পৰিকল্পনাৰ বিষয়ে সোধাত ফোগাট পৰিয়ালৰ ঘনিষ্ঠ সূত্ৰই সংবাদ মাধ্যমক কৈছিল যে, "বিনেশ বিমানবন্দৰৰ পৰা ওলাই অহাৰ লগে লগে অনুৰাগী, পৰিয়াল আৰু বন্ধুবৰ্গই উষ্ম আদৰণি জনাইছিল ৷ সকলোৰে পৰা লাভ কৰা অভূতপূৰ্ব সমৰ্থন আৰু মৰমে "কুস্তিৰ আইকন" খ্যাত বিনেশ ফোগাটক আৱেগিক কৰি তুলিছিল ।
#WATCH | Haryana: Indian wrestler Vinesh Phogat receives a warm welcome as she arrives at her village Balali in Charkhi Dadri.
— ANI (@ANI) August 17, 2024
She had arrived in Delhi from Paris on Saturday morning after participating in the #Olympics2024Paris. pic.twitter.com/MgmGcHoYqt
লগতে পঢ়ক: অলিম্পিকত নাপালে কি হ’ল ! ঘৰলৈ ওভতা বিনেশ ফোগাটক প্ৰদান স্বৰ্ণ পদক - VINESH PHOGAT PRIZE
