স্প’ৰ্টছ ডেস্ক, 30 আগষ্ট: আফগানিস্তান ক্ৰিকেটৰ "পোষ্টাৰ বয়" খ্যাত ৰছিদ খানে অদূৰ ভৱিষ্যতে টেষ্ট ফৰ্মেটত মেচ খেলাৰ পৰা বিৰত থাকিব ৷ পিঠিৰ আঘাতৰ বাবে এই সিদ্ধান্ত গ্ৰহণ কৰিছে খেলুৱৈগৰাকীয়ে ৷ যোৱা বছৰত খানে পিঠিৰ অস্ত্ৰোপচাৰ কৰাইছিল ৷
আফগানিস্তান ক্ৰিকেট ব'ৰ্ডৰ (এ চি বি) এক সূত্ৰই সংবাদ মাধ্যমৰ আগত সদৰী কৰা অনুসৰি, খেলুৱৈগৰাকীৰ লগতে টীম পৰিচালনা সমিতিয়ে তেওঁৰ পিঠিৰ আঘাতৰ কথা বিবেচনা কৰি এই সিদ্ধান্ত গ্ৰহণ কৰে ।
Rashid Khan is absent from Afghanistan's Test squad after picking up a back injury while playing in the Shpageeza Cricket League last month 🤕
— ESPNcricinfo (@ESPNcricinfo) August 29, 2024
👉 https://t.co/oqGYmO50Tt pic.twitter.com/d0t0h7nbSb
এই সপ্তাহৰ আৰম্ভণিতে 9 ছেপ্টেম্বৰৰ পৰা গ্ৰেটাৰ নয়দাত নিউজিলেণ্ডৰ বিৰুদ্ধে অনুষ্ঠিত হ'বলগীয়া এখন টেষ্টৰ বাবে নিৰ্বাচিত দলটোৰ পৰা বাদ পৰিছিল ৰছিদ খান ৷ অক্টোবৰ-নৱেম্বৰত ভাৰতত অনুষ্ঠিত এদিনীয়া বিশ্বকাপৰ পিছত ৰছিদৰ পিঠিৰ অস্ত্ৰোপচাৰ কৰা হৈছিল আৰু তেতিয়াৰ পৰা চাৰি মাহৰ বাবে খেলৰ পৰা বাহিৰ হৈছিল ক্ৰিকেটাৰগৰাকী ।
তেওঁ শেহতীয়াকৈ আমেৰিকা যুক্তৰাষ্ট্ৰ আৰু ৱেষ্ট ইণ্ডিজত অনুষ্ঠিত টি-20 বিশ্বকাপত অংশগ্ৰহণ কৰিছিল ৷ য'ত তেওঁ ছেমি ফাইনেললৈ আফগানিস্তানৰ অধিনায়ক হিচাপে দায়িত্ব পালন কৰিছিল । 25 বছৰীয়া ৰছিদে শেহতীয়াকৈ কাবুলৰ শ্পেজিজা টি-20 লীগত তিনিখন মেচ খেলি মুঠ ছয়টা উইকেট দখল কৰিছিল ।
"অস্ত্ৰোপচাৰৰ পিছত ক্ৰিকেটাৰগৰাকীয়ে লাহে লাহে কামৰ বোজা বৃদ্ধি কৰাৰ পৰিকল্পনা কৰিছে । পৰৱৰ্তী ছয় মাহৰ পৰা এবছৰলৈ দীঘলীয়া ফৰ্মেট নেখেলাটোও এই পৰিকল্পনাৰে অংশ আছিল । অৱশ্যে অহা মাহত দক্ষিণ আফ্ৰিকাৰ বিৰুদ্ধে অনুষ্ঠিত হ’বলগীয়া এদিনীয়া শৃংখলাৰ বাবে খেলুৱৈগৰাকী উপলব্ধ হোৱাৰ সম্ভাৱনা আছে ৷
ৰছিদে আফগানিস্তানৰ হৈ 5 খন টেষ্ট, 103 খন এদিনীয়া আৰু 93 খন টি-20 মেচত অংশগ্ৰহণ কৰিছে ৷ আগষ্টৰ আৰম্ভণিতে আমেৰিকা যুক্তৰাষ্ট্ৰত 'দ্য হাণ্ড্ৰেড' ৰ সময়তো তেওঁ হেমষ্ট্ৰিঙৰ আঘাতত ভূগিছিল । আফগানিস্তান ইতিমধ্যে গ্ৰেটাৰ নয়দাত ঘৰুৱা ক্ৰিকেটত ব্যস্ত আছে আৰু সমান্তৰালকৈ নিউজিলেণ্ডৰ বিৰুদ্ধে অংশগ্ৰহণ কৰিবলগীয়া টেষ্টৰ বাবে প্ৰস্তুতি আৰম্ভ কৰিছে ।
লগতে পঢ়ক: কোনগৰাকী বেটছমেনক বল দিবলৈ কঠিন: উত্তৰ দিলে যশপ্ৰীত বুমৰাহে - JASPRIT BUMRAH
