স্পৰ্টছ ডেস্ক, ২৪ জানুৱাৰী : ২৫ জানুৱাৰীৰ পৰা আৰম্ভ হ'ব ভাৰত-ইংলেণ্ডৰ পাঁচখনীয়া টেষ্ট শৃংখলা। কিন্তু তাৰ পূৰ্বে প্ৰথম দুখন মেচৰ পৰা নিজকে প্ৰত্যাহাৰ কৰিছে ভাৰতৰ তাৰকা বেটছমেন বিৰাট কোহলীয়ে । ব্যক্তিগত কাৰণত তেওঁ প্ৰথম দুখন টেষ্টত অংশগ্ৰহণ নকৰে। যাৰ বাবে তেওঁক হায়দৰাবাদ আৰু বিশাখাপট্টনম টেষ্টত ভাৰতৰ জাৰ্চীত খেলা দেখা নাযাব । এতিয়া তেওঁৰ স্থানত সোঁহতীয়া বেটছমেন ৰজত পাতিদাৰক দলত অন্তৰ্ভুক্ত কৰা হৈছে ।
অৱশ্যে ৰজত পাতিদাৰক কোহলীৰ স্থানত দলত অন্তৰ্ভুক্ত কৰাৰ বিষয়ে এতিয়ালৈকে বিচিচিআয়ে আনুষ্ঠানিকভাৱে নিশ্চিত কৰা নাই । কিন্তু তেওঁ হায়দৰাবাদত দলটোত যোগদান কৰিছে । তেওঁ বিচিচিআইৰ বাৰ্ষিক বঁটা প্ৰদান অনুষ্ঠানতো উপস্থিত থাকে । উল্লেখ্য যে ৰজত পাতিদাৰে আইপিএলত ৰয়েল চেলেঞ্জাৰ্ছ বেংগালুৰুৰ হৈ বিৰাটৰ সৈতেও খেলিছে । ইয়াৰ উপৰি তেওঁক পূৰ্বতে বহুবাৰ ভাৰতীয় দলত অন্তৰ্ভুক্ত কৰা হৈছে যদিও এতিয়ালৈকে তেওঁ ভাৰতৰ হৈ টেষ্ট অভিষেক ঘটাবলৈ সক্ষম হোৱা নাই ।
-
Rajat Patidar has been added to India's Test squad for the first two matches of the series#INDvENG pic.twitter.com/gbJOlcOmRX
— Cricbuzz (@cricbuzz) January 23, 2024 " class="align-text-top noRightClick twitterSection" data="
">Rajat Patidar has been added to India's Test squad for the first two matches of the series#INDvENG pic.twitter.com/gbJOlcOmRX
— Cricbuzz (@cricbuzz) January 23, 2024Rajat Patidar has been added to India's Test squad for the first two matches of the series#INDvENG pic.twitter.com/gbJOlcOmRX
— Cricbuzz (@cricbuzz) January 23, 2024
এনে পৰিস্থিতিত এতিয়া ৰজত পাতিদাৰে হায়দৰাবাদৰ ৰাজীৱ গান্ধী ষ্টেডিয়ামত ২৫-২৯ জানুৱাৰীলৈ অনুষ্ঠিত হ'বলগীয়া টেষ্ট মেচখনত টীম ইণ্ডিয়াৰ হৈ টেষ্ট অভিষেক ঘটোৱাৰ সুযোগ পাব । তেওঁ ভাৰত এ-ৰ হৈ গুজৰাট লায়ন্সৰ বিৰুদ্ধে ৰঙা বল ক্ৰিকেটত তেওঁৰ বেটেৰে ৰাণ সংগ্ৰহ কৰিছে । তাৰ বাবেই তেওঁক কোহলীৰ স্থানত দলত অন্তৰ্ভুক্ত কৰা হৈছে ।
উল্লেখ্য যে ৰজত পাতিদাৰে শেহতীয়াভাৱে কে এল ৰাহুলৰ অধিনায়কত্বত দক্ষিণ আফ্ৰিকাৰ বিৰুদ্ধে টীম ইণ্ডিয়াৰ হৈ এদিনীয়া মেচত আত্মপ্ৰকাশ কৰিছে ।
