স্পৰ্টছ ডেস্ক, ২৯ জুলাই : এষাৰ কথা আছে, ‘‘বিধিয়ে দিলেও বিধাতাই নিদিয়ে !’’ অলিম্পিকত ভাৰতীয় শ্বাটলাৰ লক্ষ্য সেনৰ সৈতেও তেনেকুৱাই ঘটনা সংঘটিত হ'ল । কঠোৰ পৰিশ্ৰম কৰি জয়ী হোৱাৰ পিচতো স্বীকৃতি নাপালে বেডমিণ্টন খেলুৱৈগৰাকীয়ে । একেখন খেলে তেওঁ পুনৰ খেলিব লাগিব । গুয়াতেমালাৰ খেলুৱৈ কেভিন কৰ্ডনৰ বিৰুদ্ধে তেওঁৰ বিজয়ক বাতিল কৰা হৈছে ।
ইয়াৰ কাৰণ কি ?
প্ৰকৃততে কেভিন কৰ্ডনে হাতৰ আঘাতৰ বাবে পেৰিছ অলিম্পিকৰ পৰা তেওঁৰ নাম প্ৰত্যাহাৰ কৰে । যাৰ বাবে বেডমিণ্টন ৱৰ্ল্ড ফেডাৰেশ্যনে ঘোষণা কৰে যে পেৰিছ অলিম্পিকত পুৰুষৰ একক গ্ৰুপ এলৰ উদ্বোধনী খেলখনত তাৰকা ভাৰতীয় শ্বাটলাৰ লক্ষ্য সেনৰ কেভিন কৰ্ডনৰ বিৰুদ্ধে বিজয়ক বিবেচনা কৰা নহ'ব ।
🇮🇳🚨 𝗧𝗼𝘂𝗴𝗵 𝗯𝗹𝗼𝘄 𝗳𝗼𝗿 𝗟𝗮𝗸𝘀𝗵𝘆𝗮! Kevin Cordon withdraws from #Paris2024 due to an elbow injury, virtually " deleting" lakshya sen's victory over him.
— India at Paris 2024 Olympics (@sportwalkmedia) July 28, 2024
🏸 the deletion means that lakshya's win over kevin cordon won't count towards the standings and also means that… pic.twitter.com/wvEusDVlIP
লক্ষ্য সেনে খেলিব লাগিব ৩ খন মেচ :
বেডমিণ্টন ৱৰ্ল্ড ফেডাৰেশ্যনে এক আপডেটত কয়, "গুয়াতেমালাৰ পুৰুষ একক খেলুৱৈ কেভিন কৰ্ডনে হাতৰ আঘাতৰ বাবে পেৰিছ ২০২৪ অলিম্পিক গেমছ বেডমিণ্টন প্ৰতিযোগিতাৰ পৰা নাম প্ৰত্যাহাৰ কৰিছে । ইণ্ডোনেছিয়াৰ জনাথন ক্ৰিষ্টি আৰু বেলজিয়ামৰ জুলিয়ান কেৰাগীৰ বিৰুদ্ধে তেওঁৰ গ্ৰুপ এলৰ বাকী থকা মেচবোৰ খেলিব নোৱাৰিব । এই সত্ৰৰ খেলবোৰ প্ৰতিটো চিজনৰ বাবে পুনৰ নিৰ্ধাৰণ কৰা হৈছে ।"
আপডেটত কয়, "গ্ৰুপ পৰ্যায়ৰ খেলৰ বাবে বিডব্লিউএফ সাধাৰণ প্ৰতিযোগিতা নিয়মাৱলী অনুসৰি, গ্ৰুপ এলত কৰ্ডনৰ দ্বাৰা খেলা বা বৰ্তমান খেলা সকলো খেলৰ ফলাফল পুনৰ বিবেচনা কৰা হৈছে । কৰ্ডনৰ প্ৰত্যাহাৰে গ্ৰুপ এলৰ সামগ্ৰিক কাৰ্যসূচী আৰু ফলাফল প্ৰভাৱিত কৰিছে । কৰ্ডনৰ প্ৰস্থানৰ লগে লগে, গ্ৰুপ এলক এতিয়া তিনিজন খেলুৱৈৰ এটা গোট হিচাপে গণ্য কৰা হ'ব, যাৰ ভিতৰত আছে জনাথন ক্ৰিষ্টি, জুলিয়ান কেৰাগী আৰু লক্ষ্য সেন ।"
ইয়াৰ অৰ্থ হৈছে নকআউট পৰ্যায়ত তিনিখন মেচ খেলা একমাত্ৰ খেলুৱৈ হ'ব লক্ষ্য সেন । আনহাতে ক্ৰিষ্টি আৰু কেৰাগীয়ে কেৱল দুখনকৈ মেচত প্ৰতিদ্বন্দ্বিতা আগবঢ়াব । সেন সোমবাৰে কেৰাগীৰ মুখামুখি হ'ব আৰু বুধবাৰে তেওঁৰ অন্তিম গ্ৰুপ মেচত ক্ৰিষ্টিৰ বিৰুদ্ধে খেলিব ।
