স্প’ৰ্টছ ডেস্ক: ইংলেণ্ড আৰু নিউজিলেণ্ডৰ মাজত চলি থকা দ্বি-পাক্ষিক শৃংখলাৰ তৃতীয়খন টেষ্টত আয়োজক দলটোৱে ইংলেণ্ডক 423 ৰাণত পৰাস্ত কৰে । ৰাণৰ দিশৰ পৰা চাবলৈ গ’লে টম লাথামৰ নেতৃত্বাধীন দলটোৰ কোনো টেষ্টত এয়া সৰ্ববৃহৎ জয় ৷
পূৰ্বে নিউজিলেণ্ডে 2018 চনত শ্ৰীলংকাক 423 ৰাণৰ ব্যৱধানত পৰাস্ত কৰি এই কৃতিত্ব অৰ্জন কৰিছিল ৷
423 ৰাণৰ নিউজিলেণ্ডৰ বিৰুদ্ধে ইংলেণ্ডৰ হাৰ
ইংলেণ্ডে ইতিমধ্যে প্ৰথম দুখন খেলত জয়লাভ কৰি শৃংখলাটো দখল কৰে । অৱশ্যে তৃতীয়খন টেষ্টত নিউজিলেণ্ডৰ বলাৰসকলে সুন্দৰ প্ৰদৰ্শন দাঙি ধৰি ইংলেণ্ডৰ জয়ৰ ধাৰাৰ অন্ত পেলাই শৃংখলাৰ অন্তিমখন মেচত জয়লাভ কৰে ৷ অন্তিম মেচত হাৰৰ সন্মুখীন হ’লেও ইংলেণ্ডে 2-1 ব্যৱধানত শৃংখলা জয় কৰে ৷
Seeing a great off in style!
— BLACKCAPS (@BLACKCAPS) December 17, 2024
Mitch Santner (4-85), Tim Southee (2-34), Matt Henry (2-62) and Will O’Rourke (1-37) leading the final innings with the ball. Catch up on all scores | https://t.co/gATDuNhj6S 📲 #NZvENG #CricketNation 📸 pic.twitter.com/xbGBqMTMAe
কিৱি বলাৰসকলৰ আধিপত্য
মেচখনত প্ৰথমে বেটিং কৰিবলৈ ক্ৰিজলৈ অহা নিউজিলেণ্ডৰ টম লাথাম (63) আৰু মিচেল চেণ্টনাৰ (76) ৰ অৰ্ধশতকৰ সহায়ত দলটোৱে সংগ্ৰহ কৰে 347 ৰাণ ৷ ইংলেণ্ডৰ হৈ 4 টাকৈ উইকেট দখল কৰে মেথিউ পটছে ৷
New Zealand finish the job as Tim Southee bows out a winner in Hamilton 👏#NZvENG 👉 https://t.co/rDDz3CQKeS#WTC25 pic.twitter.com/7ryQ45M8U8
— ICC (@ICC) December 17, 2024
আনহাতে, গাছ এটকিনচনে তেওঁৰ বিধ্বংসী স্পেলৰ সময়ত 3 গৰাকী বেটছমেনক পেভিলিয়নলৈ পঠিয়ায় ৷ কিৱি বাহিনীয়ে বিপক্ষৰ দলটোক 143 ৰাণত ধৰি ৰাখি দলৰ জয়ৰ পথ প্ৰশস্ত কৰে ৷ তদুপৰি মেট হেনৰীয়ে 4 টা আৰু উইলিয়াম অ'ৰাউৰ আৰু মিচেল চেণ্টনাৰে 3 টাকৈ উইকেট দখল কৰে ।
উইলিয়ামছনৰ দৰ্শনীয় শতক
টম লাথাম বাহিনীয়ে দ্বিতীয় ইনিংছত 453 ৰাণ সংগ্ৰহ কৰে ৷ কেন উইলিয়ামছনে 156 ৰাণ সংগ্ৰহ কৰাৰ বিপৰীতে উইল ইয়ং আৰু ডেৰিল মিচেলৰ যুটিয়ে অৰ্ধশতক অৰ্জন কৰে ।
A Kane Williamson classic in Hamilton 👏#WTC25 | 📝 #NZvENG: https://t.co/9lhSAYCPYV pic.twitter.com/ErW6IBO36Q
— ICC (@ICC) December 16, 2024
ইয়াৰ পিছত নিউজিলেণ্ডৰ বাবে বিজয় সহজ যেন লাগিছিল, কিয়নো তেওঁলোকে ইংলেণ্ডৰ সন্মুখত 658 ৰাণৰ বিশাল লক্ষ্য নিৰ্ধাৰণ কৰিছিল । ইংলেণ্ডৰ দ্বিতীয় ইনিংছ 234 ৰাণলৈ হ্ৰাস পোৱাৰ পিছতে আয়োজক দলটোৱে ৰাণৰ ক্ষেত্ৰত সৰ্ববৃহৎ জয়লাভ কৰে ৷ সমান্তৰালকৈ টেষ্ট ক্ৰিকেটত নিউজিলেণ্ডে 400 ৰো অধিক ৰাণৰ ক্ষেত্ৰত দ্বিতীয়টো জয় সাব্যস্ত কৰে ।
লগতে পঢ়ক: ঘৰৰ মাটিত টি-20 ক্ৰিকেটত প্ৰথমবাৰৰ বাবে পৰাস্ত ৱেষ্ট ইণ্ডিজ
