স্প’ৰ্টছ ডেস্ক, 28 ছেপ্টেম্বৰ: ক্ৰমাগত দ্বিতীয়বাৰৰ বাবে অলিম্পিকত পদক দখল কৰি দেশক গৌৰৱান্বিত কৰাৰ সুযোগ দিছে ভাৰতীয় হকী দলে ৷ পেৰিছত পদক অৰ্জন কৰাৰ পিছত প্ৰধানমন্ত্ৰী মোদীয়ে দলটোক সাক্ষাৎ কৰি অভিনন্দন জ্ঞাপন কৰিছিল ৷
কিন্তু ইয়াৰ পিছতো দলটোৰ সৈতে সংঘটিত হৈছে এক দুখজনক ঘটনা ৷ ভাৰতৰ হকী মিডফিল্ডাৰ হাৰ্দিকে তেনে এটা ঘটনাকে শেহতীয়াকৈ প্ৰকাশ কৰিছে । যাক আচৰিত আৰু লজ্জাজনক বুলি গণ্য কৰিব পাৰি । তেওঁ কৈছিল যে, দেশলৈ সাফল্য কঢ়িওৱাৰ পিছতো সাধাৰণ জনতাই তেওঁলোকক চিনি নাপালে ৷
ইণ্টাৰনেটৰ ছেনচেশ্যন ডলী চাইৱালাৰ কাৰণে বিমানবন্দৰত উপস্থিত হোৱাৰ পিছতো খেলুৱৈসকলক উপেক্ষা কৰিছিল সাধাৰণ জনতাই ।
পেৰিছ অলিম্পিক আৰু পিছলৈ এছিয়ান হকী চেম্পিয়নছ ট্ৰফীত দলটোৰ সফলতা স্বত্বেও বিমানবন্দৰত অনুৰাগীসকলে হকী তাৰকাসকলক উপেক্ষা কৰিছিল । তাৰসলনি অনুৰাগীসকলে সেই সময়ত বিমানবন্দৰত উপস্থিত থকা ডলী চাইৱালাৰ সৈতে ছেলফি তুলিছিল ৷
হাৰ্ডিকে ইউ টিউব পডকাষ্টত কৈছিল যে, "মই বিমানবন্দৰৰ পৰা নিজ চকুৰে এইটো দেখিছিলো । হৰমনপ্ৰীত (মই আৰু মনদীপ সিং) আমাৰ দলটো 5-6 জনীয়া আছিল । ডলী চাইৱালাও তাত আছিল ৷ সাধাৰণ লোকে আমাক চিনাক্ত কৰিব নোৱাৰিলে আৰু বিমানবন্দৰত উপস্থিত থকা ডলী চাইৱালাৰ সৈতে চেলফি লৈ আছিল । আমি আচৰিত হৈ ইজনে-সিজনৰ ফালে চাবলৈ আৰম্ভ কৰিলো" ।
Indian Hockey Player Hardik said, " at the airport there were 5-6 of our teammates. dolly chaiwala was also there. people were taking pictures with him and did not recognise us. we started looking at each other and felt awkward". pic.twitter.com/4WfmH719RJ
— Mufaddal Vohra (@mufaddal_vohra) September 27, 2024
উল্লেখ্য যে, হৰমনপ্ৰীতে বৰ্তমানলৈকে 150 টাতকৈ অধিক গ’ল কৰিছে আৰু মনদীপে কৰিছে 100 তকৈও অধিক ফিল্ড গ’ল ৷
হাৰ্দিকে কৈছিল যে, "অনুৰাগীসকলৰ পৰা পোৱা মৰমে খেলুৱৈসকলৰ উৎসাহ বৃদ্ধিত এক গুৰুত্বপূৰ্ণ ভূমিকা পালন কৰে ৷ এজন খেলুৱৈৰ বাবে খ্যাতি আৰু ধন দুটা ভিন্ন বিষয় ৷ কিন্তু যেতিয়া অনুৰাগীয়ে আপোনাৰ প্ৰশংসা কৰে, এজন খেলুৱৈৰ বাবে ইয়াতকৈ ডাঙৰ সন্তুষ্টি একো থাকিব নোৱাৰে" ৷
