স্প’ৰ্টছ ডেস্ক: ভাৰত আৰু নিউজিলেণ্ডৰ মাজত শুকুৰবাৰৰে পৰা আৰম্ভ হৈছে তৃতীয় তথা অন্তিমখন টেষ্ট ৷ এই টেষ্টৰ প্ৰথম দিনটোত ভাৰতীয় অধিনায়ক ৰোহিত শৰ্মাই টছত হাৰি নিউজিলেণ্ডৰ অধিনায়কৰ আমন্ত্ৰণমৰ্মে বলিং কৰাৰ সিদ্ধান্ত গ্ৰহণ কৰে ৷
খেলখনৰ আৰম্ভণিতে নিউজিলেণ্ডে উন্নত প্ৰদৰ্শন আগবঢ়াইছিল যদিও ভাৰতীয় বলাৰসকলে প্ৰত্যাৱৰ্তন কৰি দিশহাৰা কৰি তোলে প্ৰতিপক্ষৰ বেটছমেনসকলক ৷ বিশেষকৈ ৰবীন্দ্ৰ জাদেজাই পাঁচটাকৈ উইকেট দখল কৰি স্থাপন কৰে অভিলেখ ৷
Most wickets for India in Tests:
— Johns. (@CricCrazyJohns) November 1, 2024
Anil Kumble - 619
Ravichandran Ashwin - 553
Kapil Dev - 434
Harbhajan Singh - 417
Ravindra Jadeja - 312*
THE ELITE 5 OF INDIAN CRICKET 📢 pic.twitter.com/cMFdlLzysq
টেষ্টত সৰ্বাধিক উইকেট দখল কৰা ভাৰতীয় বলাৰ
জাদেজাই মুম্বাই টেষ্টৰ প্ৰথম ইনিংছত নিউজিলেণ্ডৰ 5 টাকৈ উইকেট দখল কৰি টেষ্টত পঞ্চম সৰ্বাধিক উইকেট দখলকাৰীত পৰিণত হয় ৷ জাদেজাই খেলখনৰ 53 তম অভাৰত গ্লেন ফিলিপছৰ (17) ৰূপত তৃতীয়টো উইকেট দখল কৰি এই কৃতিত্ব অৰ্জন কৰে ৷
সমান্তৰালকৈ ভাৰতৰ হৈ পঞ্চম সৰ্বাধিক টেষ্ট উইকেট সংগ্ৰহকাৰীত পৰিণত হোৱাৰ লগতে জাহিৰ খান (311 উইকেট) আৰু ইশান্ত শৰ্মা (311 উইকেট) ক অতিক্ৰম কৰে ৷
A round of applause for Ravindra Jadeja! 👏 👏
— BCCI (@BCCI) November 1, 2024
He scalps his 1⃣4⃣th FIFER in Test cricket ✅
Well done! 🙌 🙌
Live ▶️ https://t.co/KNIvTEy04z#TeamIndia | #INDvNZ | @imjadeja | @IDFCFIRSTBank pic.twitter.com/I1UwZN94CM
জাদেজাই প্ৰতিপক্ষৰ বেটছমেন উইল ইয়ং (71), টম ব্লুণ্ডেল (0), গ্লেন ফিলিপছ (17), ঈশ সোধি (7) আৰু মেট হেনৰী (0) ৰ উইকেট দখল কৰে । পুনে টেষ্টত অতি ব্যয়বহুল প্ৰমাণিত হোৱা জাদেজাই 22 অভাৰত 65 ৰাণৰ বিনিময়ত দখল কৰে 5 টা উইকেট ৷ যাৰ বাবে দলটোক 235 ৰাণত বান্ধি ৰাখিবলৈ সক্ষম হয় ভাৰত ৷
টেষ্ট মেচত ভাৰতৰ হৈ সৰ্বাধিক উইকেট:
- অনিল কুম্বলে - 619
- ৰবিচন্দ্ৰন অশ্বিন - 553
- কপিলদেৱ - 434
- হৰভজন সিং - 417
- ৰবীন্দ্ৰ জাদেজা - 314*
জাদেজা-সুন্দৰৰ সন্মুখত দিশহাৰা নিউজিলেণ্ড
মুম্বাই টেষ্টৰ প্ৰথম দিনা নিউজিলেণ্ডে প্ৰথম ইনিংছত আটাইকেইটা উইকেট হেৰুৱাই সংগ্ৰহ কৰে 235 ৰাণ । 5 টা উইকেট দখল কৰা জাদেজাৰ সহযোগী স্পিনাৰ ৱাশ্বিংটন সুন্দৰে দখল কৰে 4 টা উইকেট ৷ দুয়োগৰাকী বলাৰে 76 ৰাণৰ ভিতৰত 6 টা উইকেট দখল কৰি শ’লঠেকত পেলাই নিউজিলেণ্ডক ৷
Innings Break!
— BCCI (@BCCI) November 1, 2024
Solid bowling display from #TeamIndia! 💪 💪
5⃣ wickets for Ravindra Jadeja
4⃣ wickets for Wahsington Sundar
1⃣ wicket for Akash Deep
Scorecard ▶️ https://t.co/KNIvTEy04z#TeamIndia | #INDvNZ | @imjadeja | @Sundarwashi5 | @IDFCFIRSTBank pic.twitter.com/H91914qtgt
নিউজিলেণ্ডৰ হৈ ডেৰিল মিচেলে সৰ্বাধিক 82 ৰাণ সংগ্ৰহ কৰে ৷ আনহাতে, উইল ইয়ঙেও 71 ৰাণৰ এক অৰ্ধ-শতকীয় ইনিংছ খেলিছিল । একেৰাহে দুখনকৈ টেষ্টত পৰাজয়ৰ পিছত বিশ্ব টেষ্ট চেম্পিয়নশ্বিপৰ ফাইনেলত প্ৰৱেশ কৰিবলৈ টীম ইণ্ডিয়াৰ বাবে মুম্বাই টেষ্টত জয় লাভ কৰাটো অতি গুৰুত্বপূৰ্ণ বিবেচিত হৈছে ।
লগতে পঢ়ক: আনুষ্ঠানিকতা ৰক্ষাৰ উদ্দেশ্যে ৱাংখেড়েত তৃতীয়খন টেষ্ট; টছত জিকি বেটিঙৰ সিদ্ধান্ত নিউজিলেণ্ডৰ
