স্প’ৰ্টছ ডেস্ক: 92 বছৰীয়া টেষ্ট ক্ৰিকেটৰ ইতিহাসত প্ৰথমবাৰৰ বাবে ঘৰৰ মাটিতে নিউজিলেণ্ডৰ বিৰুদ্ধে লজ্জাজনক পৰাজয় টীম ইণ্ডিয়াৰ ৷ কিৱি বাহিনীয়ে তিনিখন মেচৰ এই শৃংখলাটো 3-0 ব্যৱধানত হস্তগত কৰে ৷
মুম্বাই টেষ্টৰ তৃতীয় দিনটোত হোৱাইট ৱাছ লাভ কৰা ভাৰতৰ হৈ ঋষভ পন্তে সংগ্ৰহ কৰা দৰ্শনীয় অৰ্ধশতকো অথলে যায় ৷ মুম্বাইৰ ৱাংখেড়ে ষ্টেডিয়ামত অনুষ্ঠিত তৃতীয় তথা অন্তিমখন টেষ্টত ভাৰতে নিউজিলেণ্ডৰ হাতত 26 ৰাণত পৰাজিত হয় ৷
End of a magnificent knock 👏👏
— BCCI (@BCCI) November 3, 2024
Rishabh Pant departs after scoring 64 off just 57 deliveries when the going got tough 👌👌
Live - https://t.co/KNIvTEyxU7#TeamIndia | #INDvNZ | @IDFCFIRSTBank | @RishabhPant17 pic.twitter.com/OPnCzq18aK
দ্বিতীয় ইনিংছত বেটিং বিপৰ্যয় ঘটা ভাৰতৰ হৈ ঋষভ পন্ত আৰু ৰবীন্দ্ৰ জাদেজাই কিছু উন্নত প্ৰদৰ্শন আগবঢ়াই যদিও ইয়ে দলক পৰাজয়ৰ গৰাহৰ পৰা উদ্ধাৰ কৰিব নোৱাৰিলে ৷ ভাৰতৰ সন্মুখত কিৱি বাহিনীয়ে বান্ধি দিছিল 147 ৰাণৰ লক্ষ্য, যিটো ৱাংখেড়েত যিকোনো দলৰ দ্বাৰা সংগৃহীত দ্বিতীয় সৰ্বাধিক ৰাণ ৷
92 বছৰত প্ৰথমবাৰৰ বাবে ভাৰতক হোৱাইট ৱাছ নিউজিলেণ্ডৰ
ভাৰতীয় দলটোৱে 24 বছৰৰ পিছত ঘৰুৱা খেলপথাৰত হোৱাইট ৱাছৰ সন্মুখীন হৈছে ৷ নিউজিলেণ্ডে দ্বিতীয় ইনিংছত ভাৰতৰ সন্মুখত 147 ৰাণৰ লক্ষ্য নিৰ্ধাৰণ কৰিছিল ৷ কিন্তু ভাৰতীয় দলে নিৰ্দিষ্ট লক্ষ্যত উপনীত হোৱাত ব্যৰ্থ হয় আৰু 25 ৰাণত কিৱি বাহিনীৰ বিৰুদ্ধে পৰাজিত হয় ৷ ভাৰতে মাত্ৰ 121 ৰাণ সংগ্ৰহ কৰিয়েই হেৰুৱাই আটাইকেইটা উইকেট ৷
অথলে গৈছিল ঋষভ পন্তৰ অৰ্ধশতক ৷ দ্বিতীয় ইনিংছত সুন্দৰ বেটিং কৰা পন্তে 57 টা বলত 9 টা চাৰি আৰু এটা ছয়ৰ সৈতে সংগ্ৰহ কৰিছিল 64 ৰাণ । নিউজিলেণ্ডৰ হৈ দ্বিতীয় ইনিংছত এজাজ পেটেলে 6 টা আৰু গ্লেন ফিলিপছে 3 টা উইকেট দখল কৰি দলক ঐতিহাসিক জয় প্ৰদান কৰে ।
নিউজিলেণ্ডৰ বিৰুদ্ধে 3-0 ব্যৱধানত পৰাস্ত ভাৰত
নিউজিলেণ্ডে মুম্বাই টেষ্টৰ প্ৰথম ইনিংছত সংগ্ৰহ কৰিছিল 235 ৰাণ ৷ প্ৰত্যুত্তৰত ভাৰতে প্ৰথম ইনিংছত 263 ৰাণ সংগ্ৰহ কৰি 28 ৰাণৰ অগ্ৰগতি লাভ কৰে ৷ নিউজিলেণ্ডে দ্বিতীয় ইনিংছত 174 ৰাণ সংগ্ৰহ কৰে ৷
#TeamIndia came close to the target but it's New Zealand who win the Third Test by 25 runs.
— BCCI (@BCCI) November 3, 2024
Scorecard - https://t.co/KNIvTEyxU7#INDvNZ | @IDFCFIRSTBank pic.twitter.com/4BoVWm5HQP
সেই সময়ত ভাৰতক জয় আৰু ক্লীন চুইপৰ পৰা হাত সাৰিবলৈ প্ৰয়োজন আছিল 147 ৰাণৰ ৷ কিন্তু দলটোৱে মাত্ৰ 121 ৰাণহে সংগ্ৰহ কৰিবলৈ সক্ষম হৈছিল ।
ভাৰত-নিউজিলেণ্ডৰ টেষ্ট মেচৰ ইতিহাস কি ?
যেতিয়া নিউজিলেণ্ডৰ দলটোৱে 1955 চনত প্ৰথমবাৰৰ বাবে ভাৰত ভ্ৰমণ কৰিছিল, তেতিয়া তেওঁলোকে 5 খন মেচৰ টেষ্ট শৃংখলাটো 2-0 ব্যৱধানত হেৰুৱাইছিল ৷ সেই শৃংখলাৰ তিনিখন খেল অমীমাংসিতভাৱে সমাপ্ত হৈছিল ।
পৰৱৰ্তী সময়ত 1965 চনত নিউজিলেণ্ডৰ দলটো ভাৰতলৈ আহে আৰু সেইবাৰো তেওঁলোকে এখনো টেষ্ট জিকাৰ সুযোগ নাপালে । সেই সময়ত 4 খন মেচৰ টেষ্ট শৃংখলাটো 1-0 ব্যৱধানত দখল কৰিছিল ভাৰতে, য’ত 3 খন খেল অমীমাংসিতভাৱে সামৰণি পৰিছিল ৷
New Zealand wrap up a remarkable Test series with a 3-0 whitewash over India following a thrilling win in Mumbai 👏 #WTC25 | 📝 #INDvNZ: https://t.co/XMfjP9Wm9s pic.twitter.com/vV9OwFnObv
— ICC (@ICC) November 3, 2024
পুনৰ চাৰি বছৰৰ পিছত অৰ্থাৎ 1969 চনত কিৱি দলে ভাৰত ভ্ৰমণ কৰে আৰু সেই সময়ত ভাৰতৰ মাটিত প্ৰথমখন টেষ্ট মেচত জয় লাভ কৰে ৷ অৱশ্যে সেই সময়ত নিউজিলেণ্ডে 3 খন খেলৰ টেষ্ট শৃংখলাটোত 1-1 ব্যৱধানত সমতা স্থাপন কৰিবলৈ সক্ষম হয় ।
কিৱি বাহিনীয়ে জিকিলে প্ৰথমটো শৃংখলা
ভাৰত আৰু নিউজিলেণ্ডৰ মাজত অন্তিমটো টেষ্ট শৃংখলা 2021 চনৰ নৱেম্বৰত অনুষ্ঠিত হৈছিল । এই শৃংখলাটো ভাৰতৰ মাটিত অনুষ্ঠিত হৈছিল ৷ নিউজিলেণ্ডে 2 খন খেলৰ টেষ্ট শৃংখলাটো 1-0 ত পৰাজিত হৈছিল ।
সামগ্ৰিক টেষ্ট শৃংখলা আৰু খেলৰ অভিলেখলৈ লক্ষ্য কৰিলে ভাৰতৰ অগ্ৰগতি পৰিলক্ষিত হয় ৷ কিন্তু চলিত বছৰৰ তিনিখন মেচৰ টেষ্ট শৃংখলাটো জিকি নিউজিলেণ্ডে ভাৰতক তীব্ৰ প্ৰত্যাহ্বান জনায় ৷ সমান্তৰালকৈ ভাৰতৰ মাটিত প্ৰথমটো টেষ্ট শৃংখলা জয় কৰাৰ কৃতিত্ব অৰ্জন কৰে ৷
লগতে পঢ়ক: ৱাংখেড়েত ইতিহাস ৰচিবলৈ সক্ষম হ’বনে টীম ইণ্ডিয়া ?
