ভাৰত-ইংলেণ্ড টেষ্ট শৃংখলাৰ প্ৰথম দুখন মেচত নেখেলে বিৰাট কোহলীয়ে

Ind vs Eng test series: ভাৰত আৰু ইংলেণ্ডৰ মাজত অহা 25 জানুৱাৰীৰ পৰা অনুষ্ঠিত হ’ব পাঁচখনীয়া টেষ্ট শৃংখলা ৷ প্ৰথম দুখন টেষ্টত উপস্থিত নাথাকে তাৰকা বেটছমেন বিৰাট কোহলী ৷

নিউজ ডেস্ক, 22 জানুৱাৰী: ইংলেণ্ডৰ বিৰুদ্ধে অনুষ্ঠিত হ’বলগীয়া টেষ্ট শৃংখলাৰ প্ৰথম দুখন মেচত অংশ লোৱাৰ পৰা বিৰত থাকিব প্ৰাক্তন অধিনায়ক তথা ভাৰতীয় দলৰ তাৰকা বেটছমেন বিৰাট কোহলী ৷ ব্যক্তিগত কাৰণত খেলুৱৈগৰাকীয়ে খেলত অংশ ল’ব নোৱাৰিব বুলি বিচিচিআয়ে সোমবাৰে জানিবলৈ দিয়ে ৷

এক বিবৃতি প্ৰকাশ কৰা বিচিচিআই কৰ্তৃপক্ষই কয়, ‘‘বিৰাট কোহলীয়ে বিচিচিআইক ইংলেণ্ডৰ বিৰুদ্ধে অনুষ্ঠিত হ’বলগীয়া টেষ্ট শৃংখলাৰ প্ৰথম দুখন মেচৰ পৰা তেওঁৰ নাম প্ৰত্যাহাৰ কৰিবলৈ অনুৰোধ জনাইছে ৷ এইক্ষেত্ৰত ব্যক্তিগত কাৰণ প্ৰদৰ্শন কৰিছে খেলুৱৈগৰাকীয়ে ৷’’

বিবৃতিটোত বিচিচিআয়ে আৰু কয় যে প্ৰাক্তন ভাৰতীয় অধিনায়কগৰাকীয়ে বৰ্তমানৰ অধিনায়ক, টীম মেনেজাৰ আৰু চিলেক্টৰক এই বিষয়ে অৱগত কৰিছে ৷ পাঁচখন টেষ্ট মেচৰ শৃংখলাটো আৰম্ভ হ’ব অহা ২৫ জানুৱাৰীৰ পৰা ৷ হায়দৰাবাদৰ ৰাজীৱ গান্ধী ষ্টেডিয়ামত অনুষ্ঠিত হ’ব প্ৰথমখন টেষ্ট ।

• 🚨 NEWS 🚨
  
  Virat Kohli withdraws from first two Tests against England citing personal reasons.
  
  Details 🔽 #TeamIndia | #INDvENGhttps://t.co/q1YfOczwWJ

  — BCCI (@BCCI) January 22, 2024 " class="align-text-top noRightClick twitterSection" data="

  🚨 NEWS 🚨
  
  Virat Kohli withdraws from first two Tests against England citing personal reasons.
  
  Details 🔽 #TeamIndia | #INDvENGhttps://t.co/q1YfOczwWJ

  — BCCI (@BCCI) January 22, 2024

  ">

  🚨 NEWS 🚨
  
  Virat Kohli withdraws from first two Tests against England citing personal reasons.
  
  Details 🔽 #TeamIndia | #INDvENGhttps://t.co/q1YfOczwWJ

  — BCCI (@BCCI) January 22, 2024

‘‘বিৰাটে অধিনায়ক ৰোহিত শৰ্মা, টীম মেনেজাৰ আৰু চিলেক্টৰৰ সৈতে এই সন্দৰ্ভত আলাপ কৰিছে আৰু দেশক প্ৰতিনিধিত্ব কৰা যিকোনো খেলত তেওঁক যে সৰ্বাধিক গুৰুত্ব দিয়া হয় সেই কথাও স্বীকাৰ কৰিছে ৷ বিৰাটে লগতে এইটোও কৈছে যে এনে কেতবোৰ ব্যক্তিগত পৰিস্থিতি আহি পৰে য’ত উপস্থিত থকাটো অত্যন্ত জৰুৰী হৈ পৰে আৰু যি একান্ত মনোযোগ বিচাৰে ৷’’ বিবৃতিত উল্লেখ ৷

বিচিচিআয়ে বিৰাটৰ অনুভৱ তথা অনুৰোধক সন্মান জনায় আৰু ব’ৰ্ড আৰু টীম কৰ্তৃপক্ষই তাৰকা বেটছমেনগৰাকীলৈ সহযোগিতা আগবঢ়ায় ৷ দলৰ বাকী খেলুৱৈসকলৰ দক্ষতাৰ ওপৰত দৃঢ়তা প্ৰকাশ কৰি ব’ৰ্ডে আশা কৰে যে দলটোৱে চমকপ্ৰদ প্ৰদৰ্শন আগবঢ়াব বুলি আশা কৰিছে ৷

বিচিচিআইয়ে সংবাদ মাধ্যম আৰু অনুৰাগীসকলক অনুৰোধ জনাইছে যে এই সময়ছোৱাত বিৰাট কোহলীৰ গোপনীয়তাক সন্মান কৰক আৰু তেওঁৰ ব্যক্তিগত কাৰণৰ প্ৰকৃতিৰ ওপৰত জল্পনা-কল্পনা কৰাৰ পৰা বিৰত থাকক । টেষ্ট শৃংখলাত আগন্তুক প্ৰত্যাহ্বানৰ সন্মুখীন হোৱাৰ সময়ত ভাৰতীয় ক্ৰিকেট দলটোক সহায় কৰাৰ ওপৰত গুৰুত্ব থাকিব লাগে ।

লগতে পঢ়ক: 22 মাৰ্চৰ পৰা আইপিএল আৰম্ভৰ সম্ভাৱনা; চলিব 26 মে'লৈ