দীনেশ কাৰ্তিক-এম এছ ধোনীৰ মাজত মনোমালিন্য ! কিহৰ বাবে ধোনীয়ে নাপালে প্লেয়িং-11 ত স্থান - KARTHIK ALL TIME INDIA PLAYING 11

Dinesh Karthik India Playing 11: প্ৰাক্তন ভাৰতীয় উইকেটকীপাৰ বেটছমেন দীনেশ কাৰ্তিকে সকলো ফৰ্মেটত ভাৰতৰ প্লেয়িং-11 বাছনি কৰিছে । কিন্তু আচৰিত কথাটো হ'ল যে, এই তালিকাত স্থান লাভ কৰা নাই প্ৰাক্তন ভাৰতীয় অধিনায়ক এম এছ ধোনী ৷ কিহৰ বাবে তালিকাৰ পৰা বাদ পৰিল ধোনী ? পঢ়ক বিতং খবৰ...

স্প’ৰ্টছ ডেস্ক, 16 আগষ্ট: ভাৰতীয় উইকেটৰক্ষক তথা প্ৰাক্তন বেটছমেন দীনেশ কাৰ্তিকে শেহতীয়াকৈ তেওঁৰ সৰ্বকালৰ ভাৰতীয় ক্ৰিকেট দলটোৰ নাম ঘোষণা কৰিছে । য’ত স্থান লাভৰ পৰা বঞ্চিত হৈছে প্ৰাক্তন অধিনায়ক এম এছ ধোনী ৷ এই সিদ্ধান্তত আচৰিত হৈ পৰিছে ধোনীৰ সমৰ্থকসকল ৷ একাংশই দুয়োগৰাকী খেলুৱৈৰ মাজত মনোমালিন্য ঘটাৰ সন্দেহ প্ৰকাশ কৰিছে ৷

সৰ্বকালৰ ভাৰতীয় প্লেয়িং-11 বাছনি কাৰ্তিকৰ

ভাৰতৰ প্ৰাক্তন খেলুৱৈ দীনেশ কাৰ্তিকে তেওঁৰ সৰ্বকালৰ ভাৰতীয় ক্ৰিকেট দলটো ঘোষণা কৰিছে । 78 সংখ্যক স্বাধীনতা দিৱস উপলক্ষে দীনেশে ক্ৰিকবাজত বিভিন্ন ফৰ্মেটত 11 গৰাকী খেলুৱৈৰে গঠিত তেওঁৰ দলটো ঘোষণা কৰে ৷ অৱশ্যে প্ৰাক্তন অধিনায়ক মহেন্দ্ৰ সিং ধোনী আৰু প্ৰাক্তন ক্ৰিকেটাৰ তথা বৰ্তমানৰ মুখ্য প্ৰশিক্ষক গৌতম গম্ভীৰে এই দলত স্থান পোৱা পৰিলক্ষিত নহ’ল ৷

Dinesh Karthik's all time India XI (Cricbuzz):

1. Virender Sehwag.
2. Rohit Sharma.
3. Rahul Dravid.
4. Sachin Tendulkar.
5. Virat Kohli.
6. Yuvraj Singh.
7. Ravindra Jadeja.
8. Ravi Ashwin.
9. Anil Kumble.
10. Jasprit Bumrah.
11. Zaheer Khan. pic.twitter.com/ZLxXeeHFCf

— Mufaddal Vohra (@mufaddal_vohra) August 16, 2024

কাৰ্তিকে ভাৰতীয় ক্ৰিকেট দলৰ বৰ্তমানৰ জ্যেষ্ঠ দলৰ পৰা বাছনি কৰিছে 5 গৰাকী খেলুৱৈক । একে সময়তে দ্বাদশ খেলুৱৈ হিচাপে অভিজ্ঞ স্পিনাৰ হৰভজন সিঙক স্থান দিছে । অৱশ্যে এই প্লেয়িং-11 ত তেওঁ অধিনায়ক আৰু উইকেটকীপাৰৰ বিষয়ত কোনো কথা উল্লেখ কৰা নাই ।

শচীন তেণ্ডুলকাৰ আৰু ৰাহুল দ্ৰাবিড় অন্তৰ্ভুক্ত

দীনেশ কাৰ্তিকে বীৰেন্দ্ৰ সেহৱাগ আৰু ৰোহিত শৰ্মাক তেওঁৰ দলত অপেনাৰ হিচাপে বাছনি কৰিছে । ইয়াৰোপৰি ৰাহুল দ্ৰাবিড়, শচীন তেণ্ডুলকাৰ আৰু বিৰাট কোহলী তেওঁৰ দলৰ অংশ হিচাপে স্থান লাভ কৰিছে ৷ তদুপৰি যুৱৰাজ সিং আৰু ৰবীন্দ্ৰ জাদেজাক দলৰ অলৰাউণ্ডাৰ হিচাপে স্থান দিয়া দেখা গৈছিল । যদিও ৰবিচন্দ্ৰন অশ্বিন আৰু অনিল কুম্বলেক স্পিনাৰ হিচাপে বাছনি কৰা হৈছিল, যশপ্ৰীত বুমৰাহ আৰু জাহিৰ খানক দ্ৰুত বলাৰ হিচাপে দলটোত স্থান দিয়ে দীনেশ কাৰ্তিকে ৷

এই সময়চোৱাত কাৰ্তিকে কয়, "দলটোত দুজন অলৰাউণ্ডাৰ থাকিব লাগে । গতিকে মই দুজন সমান খেলুৱৈ বাছনি কৰিছিলো । দ্বাদশ খেলুৱৈজন হৈছে হৰভজন । গম্ভীৰৰ দৰে আৰু বহুতো খেলুৱৈ আছে । কিন্তু সকলোকে 11 জনীয়া দলত অন্তৰ্ভুক্ত কৰাটো কঠিন । গতিকে এইটো সকলো ফৰ্মেটত মোৰ সৰ্বশ্ৰেষ্ঠ প্লেয়িং ইলেভেন" ৷

দীনেশ কাৰ্তিকৰ সকলো ফৰ্মেটৰ সৰ্বকালৰ ভাৰতীয় প্লেয়িং 11:

বীৰেন্দ্ৰ সেহৱাগ, ৰোহিত শৰ্মা, ৰাহুল দ্ৰাবিড়, শচীন তেণ্ডুলকাৰ, বিৰাট কোহলী, যুৱৰাজ সিং, ৰবীন্দ্ৰ জাদেজা, ৰবিচন্দ্ৰন অশ্বিন, অনিল কুম্বলে, যশপ্ৰীত বুমৰাহ আৰু জাহিৰ খান ।

লগতে পঢ়ক: ৱেষ্ট ইণ্ডিজ বনাম দক্ষিণ আফ্ৰিকা: দ্বিতীয়খন টেষ্টৰ প্ৰথম দিনটোতে পতন 17 টাকৈ উইকেট - WI VS SA 2ND TEST