গুৱাহাটী, ২৮ আগষ্ট : ‘‘মুখ্যমন্ত্ৰী হিমন্ত বিশ্ব শৰ্মাই অসমত হিন্দু আৰু মুছলমানৰ মাজত সাম্প্ৰদায়িক সংঘৰ্ষ কৰাৰ চক্ৰান্ত আৰম্ভ কৰিছে । এই গুৰুতৰ অভিযোগ কৰিছে বিধায়ক শ্বেৰমান আলীয়ে ।
বিধানসভাৰ বাহিৰত বুধবাৰে সাংবাদিকক সম্বোধন কৰি শ্বেৰমান আলীয়ে কয়, ‘‘নামনিত বদৰুদ্দিন আজমলৰ বৃহৎ পৰাজয়, উজনিত গৌৰৱ গগৈৰ জয় আৰু বি জে পিত বিদ্ৰোহে মুখ্যমন্ত্ৰী হিমন্ত বিশ্ব শৰ্মাক শংকিত কৰিছে ৷ যাৰ বাবে শৰ্মাই অসমত লেতেৰা ৰাজনীতি আৰম্ভ কৰিছে, যাতে হিন্দু মুছলমানৰ মাজত যুদ্ধ এখন লাগক ৷’’
মোক ৰাজনৈতিকভাৱে ক্ষতি কৰিব বিচাৰিছে মুখ্যমন্ত্ৰীয়ে : মুখ্যমন্ত্ৰীয়ে মোক টাৰ্গেট কৰিছে
বিধায়ক শ্বেৰমান আলীয়ে কয়, ‘‘বিধানসভাত মুখ্যমন্ত্ৰীৰ অভিসন্ধিৰ বিৰোধিতা কৰাৰ বাবে মুখ্যমন্ত্ৰীয়ে মোক ৰাজনৈতিকভাৱে ক্ষতি কৰিব বিচাৰিছে, টাৰ্গেট কৰিছে । কালি বিধানসভাত মুখ্যমন্ত্ৰীয়ে মোৰ বিধায়ক পদ খাৰিজ কৰাৰ বাবে বিধানসভাৰ অধ্যক্ষক দুবাৰকৈ কৈছে । মুখ্যমন্ত্ৰীয়ে এনেকৈ ক’ব নোৱাৰে । কমলাক্ষ দে’ পুৰকায়স্থ, চিদ্দিক আহমেদ, বসন্ত দাসৰ বিধায়ক পদ খাৰিজ কৰাৰ কথা মুখ্যমন্ত্ৰীয়ে কিয় নকয় ? আচলতে মুখ্যমন্ত্ৰীয়ে মোক টাৰ্গেট কৰিছে । মোক ব্লেক মেইলিং কৰাৰ বাবে মুখ্যমন্ত্ৰীয়ে চেষ্টা কৰিছে ।’’
মুছলমানক সংযমী হোৱাৰ আহ্বান শ্বেৰমান আলীৰ :
শ্বেৰমান আলীয়ে কয়, ‘‘অসমত যে উজনি আৰু নামনিৰ মাজত সংঘাত সৃষ্টি আৰু মিঞাৰ ওপৰত আক্ৰমণ এই সকলোবোৰৰ মূল নায়ক মুখ্যমন্ত্ৰী । গতিকে এইক্ষেত্ৰত অসমৰ মুছলমানসকলক সংযমী হোৱাৰ প্ৰয়োজন । মই অসমৰ সকলো ৰাইজক আহ্বান জনাইছো কোনোবা ৰাজনৈতিক নেতাৰ গাদী দখলৰ কুচক্ৰান্তক আপোনালোকে ব্যৰ্থ কৰিব লাগিব ৷ বিশেষকৈ মিঞা জনগোষ্ঠীৰ লোকসকলক হাতযোৰ কৰি আহ্বান জনাও যে আপোনালোকৰ দায়িত্ব অপৰিসীম ৷ আপোনালোকে উত্তেজনা বৃদ্ধি হোৱা কোনো কথা নক’ব ৷ আপোনালোক আটাইতকৈ বেছি সংযমী হওক ৷’’
লগতে পঢ়ক : আজি মুখ্যমন্ত্ৰীৰ বিৰুদ্ধে গোচৰ তৰিব বিৰোধী ঐক্যমঞ্চই
আমাক গ্ৰেপ্তাৰ কৰিলেও উজনিৰ পৰা মিঞা যাবই লাগিব : টাইপাৰ সভাপতিক আটক
