বহু মহিলাৰ ঋতুস্ৰাৱ বা মাহেকীয়াৰ সময়ত অতিপাত বিষৰ ফলত টোপনি নাহে বা ভালদৰে শুব নোৱাৰে । ইয়াৰ কাৰণ হ’ল ক্ৰেম্প বা বিষ, অস্থিৰতা, হৰম’নৰ উঠা-নমা আৰু কঁকালৰ বিষৰ দৰে অন্যান্য সমস্যা ।
এনে পৰিস্থিতিত ৰাতি ভালদৰে শুব নোৱৰাৰ বাবে পুৱাৰ ভাগতো অৱস্থা বেয়া হৈ থাকে । যদি আপুনিও প্ৰতিমাহে এই সমস্যাৰ সন্মুখীন হৈ আহিছে, তেন্তে এই প্ৰতিবেদন আপোনাৰ বাবে সহায়ক প্ৰমাণিত হ’ব পাৰে ।
লগতে পঢ়ক: চিকিৎসকৰ মতে মহিলাসকলৰ PCODৰ সমস্যাৰ কাৰণ কি ?
ঋতুস্ৰাৱৰ সময়ত ভাল টোপনি আহিবলৈ কৰক এই ৫টা কাম -
- ভাল গাদি বা মেট্ৰেচ আৰু গাৰু ব্যৱহাৰ কৰিব লাগে । শুবলৈ যোৱাৰ আগতে কোঠাৰ উষ্ণতা আৰামদায়ক কৰি ৰাখিব লাগে । অতি গৰম বা অতি ঠাণ্ডা কোঠা এটাই টোপনিত ব্যাঘাত জন্মাব পাৰে । ইয়াৰ লগতে শুবলৈ যোৱাৰ কমেও এঘণ্টা আগতে কোঠাটোৰ লাইটবোৰ ডিম বা মৃদু কৰি ল’ব লাগে ।ঋতুস্ৰাৱৰ সময়ত ভাল টোপনি আহিবলৈ এই কৰক এই ৫টা কাম (ETV Bharat)
- শোৱাৰ সময়ত ঢিলা আৰু আৰামদায়ক কাপোৰ পিন্ধিব লাগে । টান কাপোৰ পিন্ধিলে শৰীৰটোৱে আৰাম অনুভৱ নকৰে, যাৰ ফলত শোৱাত অসুবিধা হয় । লগতে মাহেকীয়াৰ সময়ত সদায় পোন হৈ শুব লাগে, ইয়াৰ ফলত পেটৰ ওপৰত বোজা কমি যায় আৰু ক্ৰেম্প কম হয় ।ঋতুস্ৰাৱৰ সময়ত ভাল টোপনি আহিবলৈ এই কৰক এই ৫টা কাম (ETV Bharat)
- মাহেকীয়াৰ সময়ত ক্ৰেম্প আৰু বিষৰ পৰা সকাহ পাবলৈ গৰম পানীৰ বেগ এটা পেটৰ তলৰ অংশ বা কঁকালৰ তলৰ অংশত ৰাখিব লাগে । গৰমে পেশীবোৰ ঢিলা কৰাত সহায় কৰে আৰু বিষৰ পৰা উপশম পোৱাত সহায় কৰে, যাৰ ফলত টোপনি ভাল হয় ।ঋতুস্ৰাৱৰ সময়ত ভাল টোপনি আহিবলৈ এই কৰক এই ৫টা কাম (ETV Bharat)
- শুবলৈ যোৱাৰ আগতে গধুৰ খাদ্য খোৱাৰ পৰা বিৰত থাকিব লাগে । লঘু আৰু পুষ্টিকৰ খাদ্য খাব লাগে । কেফেইন সেৱন কৰাটো কমাব লাগে । তাৰ পৰিৱৰ্তে লঘু খাদ্য খাব লাগে আৰু কুহুমীয়া গাখীৰৰ সৈতে ঘিউ মিহলাই খাব লাগে ।
- শুবলৈ যোৱাৰ আগতে মানসিক চাপ দূৰ কৰা কামবোৰ কৰক আৰু নিজৰ শৰীৰক ৰিলেক্স হ’বলৈ দিয়ক । কুহুমীয়া পানীৰে গা ধোৱা, লঘু ব্যায়াম কৰা, কিতাপ পঢ়া বা সংগীত শুনা । এইবোৰ কাৰ্যই আপোনাৰ মনটোক শান্ত কৰাত সহায় কৰিব আৰু মানসিক চাপ কমোৱাত সহায় কৰিব, যাৰ ফলত আপোনাৰ টোপনিৰ মান উন্নত হ’ব ।
