পিতৃপক্ষ ১৭ ছেপ্টেম্বৰ পৰা আৰম্ভ হৈছে আৰু ২ অক্টোবৰ বুধবাৰে ইয়াৰ অন্ত পৰিব ৷ এই সময়ছোৱাক হিন্দু ধৰ্মত অত্যন্ত পবিত্ৰ বুলি গণ্য কৰা হয় ৷ পূৰ্বপুৰুষসকলৰ আত্মাৰ সদগতিৰ কামনাৰে এই সময়ছোৱাত দানধৰ্ম পূজা আৰু শ্ৰাদ্ধ কৰাটো এই সময়ত বিশেষ গুৰুত্বপূর্ণ ৷ শেষৰ দিনটোত সৰ্ব পিতৃ অমাৱস্যা(মহালয়া) ৰূপে উদযাপিত হয়, যিটো পূৰ্বপুৰুষসকলৰ উদ্দেশ্যে কৰা শ্ৰাদ্ধৰ বাবে আটাইতকৈ গুৰুত্বপূর্ণ দিন বুলি ধৰা হয় ৷ এই বিষয়ে ৰেইকী গ্ৰেণ্ড মাষ্টাৰ নৱনীতা ৰয় চৌধুৰীয়ে কি কয় জানো আহক-
এই সময়খিনিত পূৰ্ব পুৰুষসকল মত্যলৈ নামি আহে আৰু মহালয়াৰ দিনাখন উভতি যায় ৷ এইখিনি সময়ত শ্ৰাদ্ধ কৰিলে তেওঁলোক সন্তুষ্টি হয় বুলি বিশ্বাস কৰা হয় ৷ যিসকল আত্মাই মুক্তি নাপায় এইখিনি সময়ত শ্ৰাদ্ধ কৰিলে মুক্তি পায় ৷
এইখিনি সময়ত কি কৰিলে ভাল
এই সময়খিনিত পুৰোহিতক দান কৰিব পাৰে ৷ গৰুক খাদ্য বা পৰুৱাক খাদ্য খুৱাব পাৰিলে ভাল ৷ যদি শুদ্ধ মনেৰে এই সময়খিনিত ধ্যান কৰা হয় তেতিয়া পূৰ্বপুৰুষৰ লগত সংযোগ হ'ব পৰা যায় বুলি বিশ্বাস কৰা হয় ৷ সপোনৰ জৰিয়তে বা স্পষ্টভাৱেও দেখিব পাৰে ৷ তেওঁলোকৰ পৰা আশীৰ্বাদ গ্ৰহণ কৰিব পাৰে ৷
এই সময়খিনিত কি কি কৰিব নালাগে ?
এই সময়খিনিত কোনো মাংগলিক কাম কৰিব নালাগে ৷ বিবাহ, গৃহ প্ৰৱেশ, চূড়াকৰণ আদি কৰিব নালাগে ৷ এই সময়খিনিত শুভ কাম কৰিলে পূৰ্বপুৰুষ অসন্তুষ্ট হয় ৷ তদুপৰি নিৰামাষ আহাৰ ভোজন কৰিলে ভাল ৷ মাছ-মাংস, পিয়াঁজ, নহৰু, হাৰ্ড ড্ৰিংকছ গ্ৰহণ কৰিব নালাগে ৷ এইখিনি সময়ছোৱাত এইসমূহ ত্যাগ কৰাটো স্বাস্থ্যৰ কাৰণেও ভাল ৷
এইখিনি সময়ত মাটিৰ পাত্ৰত তিল দি পানী থব লাগে ৷ পিতৃ পক্ষৰ সময়খিনিত সদায় কৰিব লাগে ৷ চাদৰ ওপৰত বা মন্দিৰক বাদ দি সকলো ঠাইত থব পাৰে ৷ এইদৰে পানী থ'লে পূৰ্বপুৰুষ সকলে চৰাই বা পৰুৱা হৈ আহি পানীখিনি গ্ৰহণ কৰে বুলি বিশ্বাস কৰা হয় ৷
