বাদাম এনে এবিধ শুকান ফল, যি স্বাস্থ্যৰ বাবে যথেষ্ট উপকাৰী । বাদাম যিমান স্বাস্থ্যকৰ, সিমানেই ইয়াত পুষ্টিকৰ উপাদানো ভৰপূৰ থাকে । ভিটামিন ই, মেগনেছিয়াম, ৰাইব’ফ্লেভিন, কপাৰ, আইৰণ, পটাছিয়াম, জিংক, ভিটামিন বি, নিয়াচিন, থাইয়ামিন আৰু ফ’লেট আদি বাদামত পোৱা যায় । কিন্তু ইয়াৰ অৰ্থ এইটো নহয় যে আপুনি যিমান মন যাব সিমান বাদাম খাব পাৰিব । বেছিকৈ বাদাম খোৱাটোও শৰীৰৰ বাবে ক্ষতিকাৰক হ’ব পাৰে । গতিকে জানো আহক এদিনত কিমান বাদাম খালে আমাৰ শৰীৰৰ বাবে স্বাস্থ্যকৰ...
বাদাম খোৱাৰ উপকাৰিতা -
১) বাদাম খালে শৰীৰত শক্তি পোৱা যায় ।
২) ইয়াৰ ফলত ভোক কমি যায় ।
৩) মহিলাৰ পিৰিয়ড ক্ৰেম্পৰ সমস্যা বাদাম খাই নিৰাময় কৰিব পাৰি ।
৪) বাদাম পাচন শক্তিৰ বাবে উপকাৰী । পেটৰ প্ৰতিটো সমস্যাৰ পৰা সকাহ পাব পাৰে ।
৫) বাদামত থকা পুষ্টিকৰ উপাদান মগজুৰ বাবে অতি উত্তম । ইয়াৰ ফলত স্মৃতিশক্তি বৃদ্ধি পায় ।
৬) বাদামত প্ৰচুৰ পৰিমাণে এন্টিঅক্সিডেন্ট আৰু ভিটামিন থাকে, যিবোৰ চুলি আৰু ছালৰ বাবে উপকাৰী ।
৭) দৈনিক বাদাম খালে উচ্চ বি পি আৰু কলেষ্টেৰলৰ সমস্যা নহয় ।
দিনটোত কিমানটা বাদাম খাব লাগে ?
বাদাম দৈনিক খাব লাগে । অৱশ্যে বিশেষজ্ঞসকলৰ মতে সকলোৰে পাচনতন্ত্ৰ বেলেগ বেলেগ, গতিকে যিকোনো বস্তু সাৱধানে খাব লাগে । যাতে ভালদৰে হজম হয় । বাদাম খোৱাৰ কথা ক’বলৈ গ’লে প্ৰথম অৱস্থাত দুটা বাদাম পানীত তিয়াই খাব লাগে । ইয়াৰ বাকলি আঁতৰোৱাৰ পিচত ইয়াক খোৱাটো অধিক উপকাৰী বুলি বিবেচিত হয় । যদি ১০ দিন দুটা বাদাম খোৱাৰ পিচত পাচনতন্ত্ৰৰ কোনো সমস্যা নহয়, তেন্তে সংখ্যা ৫ লৈ বৃদ্ধি কৰিব পাৰে ।
৫ টাতকৈ বেছি বাদাম খাব পাৰিবনে ?
যদি একেৰাহে ৩ সপ্তাহ ৫ টা বাদাম খালে পেট ফুলা, ডায়েৰিয়া বা আন কোনো পাচনতন্ত্ৰৰ সমস্যা নহয়, তেন্তে ইয়াৰ পৰিমাণ ১০ লৈ বৃদ্ধি কৰিব পাৰি । প্ৰায় ৩ মাহৰ পিচত বাদামৰ পৰিমাণ ১৫, ২০ লৈ বৃদ্ধি কৰিব পাৰে । যদি পাচন ক্ষমতা ভাল, প্ৰতিদিনে ব্যায়াম কৰে, প্ৰচুৰ পৰিমাণে পানী খায় আৰু দীৰ্ঘদিন ধৰি বাদাম খাই আছে, তেন্তে ২০ টা বাদামো খাব পাৰে ।
বাদাম কেতিয়া খাব নালাগে ?
- পেট ফুলা, ডায়েৰিয়া, কোষ্ঠকাঠিন্য আৰু পাচনতন্ত্ৰৰ সমস্যা হ’লে বাদাম খাব নালাগে ।
- যদি আপুনি বাদাম সঠিকভাৱে হজম কৰিব নোৱাৰে তেন্তে ইয়াক খোৱাৰ পৰা বিৰত থাকক ।
- শৰীৰৰ প্ৰয়োজনীয়তা বুজি পোৱাৰ পিচতহে বাদাম সেৱন কৰিব লাগে ।
- কোনো সমস্যা হ’লে চিকিৎসকৰ পৰামৰ্শ ল’ব লাগে ।
সতৰ্কীকৰণ: প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ । এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে । আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো । কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ।
লগতে পঢ়ক: পেকেটত থকা আটা খাই নেকি ? তেন্তে সাৱধান ! হ’ব পাৰে এইসমূহ ৰোগ
