আজিকালি সকলোৱে ওজন কমাবলৈ তৎপৰ হৈ পৰিছে ৷ বিভিন্ন ধৰণৰ ওজন কমাব পৰা পদ্ধতি আৰু ডায়েট প্লেন ছ’চিয়েল মিডিয়াতো ভাইৰেল হৈ থাকে ৷ কিন্তু আপুনি জানেনে বাৰু Artificial Intelligence (AI) য়েও এতিয়া আপোনাক ওজন কমোৱাত সহায় কৰিব পাৰে ?
শেহতীয়াকৈ এটা AI chatbot ৰ এটি উত্তৰ ছ’চিয়েল মিডিয়াত ভাইৰেল হৈ পৰিছে ৷ ইয়াত এজন ব্যৱহাৰকাৰীয়ে চেটবটক সুধিছিল যে ১ মাহত ৫ কেজি ওজন কেনেকৈ হ্ৰাস কৰিব পাৰি ? এই প্ৰশ্নৰ উত্তৰত AI এ কয় যে ১ মাহত ৫ কেজি ওজন কমাবলৈ হ’লে প্ৰতিদিনে ৫ কেজি ওজন তুলিব লাগিব ৷ এই উত্তৰ শুনি ব্যৱহাৰকাৰীয়ে হাঁহিলে আৰু ক'লে, "এইটো এটা কৌতুক ৷"
ইয়াৰ পিছত এআইয়ে উত্তৰত ক’লে, ‘‘ঠিক আছে ৷ কিন্তু আপুনি ওজন কমাবলৈ হ’লে কঠোৰ পৰিশ্ৰম কৰিব লাগিব আৰু সুস্থ জীৱনশৈলী গ্ৰহণ কৰিব লাগিব ৷ AI-ৰ এই উত্তৰ বহুতে ভাল পাইছিল আৰু ছচিয়েল মিডিয়াত ইয়াক ব্যাপকভাৱে শ্বেয়াৰ কৰা হৈছিল ৷ অৱশ্যে এইটোও সঁচা যে কেৱল কঠোৰ পৰিশ্ৰমেই ওজন কমোৱাৰ ক্ষেত্ৰত যথেষ্ট নহয় ৷ খাদ্যাভ্যাস আৰু নিয়মিত ব্যায়ামতো পৰিৱৰ্তন কৰিব লাগিব ৷
দ্ৰুতগতিত ওজন হ্ৰাসৰ টিপছ
কেলৰি গ্ৰহণ হ্ৰাস কৰা
ওজন কমাবলৈ আটাইতকৈ গুৰুত্বপূৰ্ণ কথাটো হ’ল কেলৰিৰ পৰিমাণ কম কৰা ৷ অৰ্থাৎ আপুনি যিমান কেলৰি বাৰ্ণ কৰে তাতকৈ কম কেলৰি সেৱন কৰিব লাগিব ৷
স্বাস্থ্যসন্মত খাদ্য গ্ৰহণ কৰক
খাদ্যত ফল-মূল, শাক-পাচলি, গোটা শস্য আৰু লীন প্ৰ’টিন অন্তৰ্ভুক্ত কৰক ৷ জাংক ফুড, প্ৰচেছড ফুড আৰু চেনি সমৃদ্ধ পানীয় পৰিহাৰ কৰক ৷
নিয়মিতভাৱে ব্যায়াম কৰক
ওজন কমাবলৈ আৰু সুস্থ হৈ থাকিবলৈ নিয়মিতভাৱে ব্যায়াম কৰাটো অতি প্ৰয়োজনীয় ৷ দৈনিক কমেও ৩০ মিনিট ব্যায়াম কৰিব লাগিব ৷
প্ৰচুৰ পৰিমাণে পানী খোৱাটো উচিত
পানী খালে পেট ভৰি থাকে আৰু আমি কমকৈ খাদ্য গ্ৰহণ কৰো ৷ ইয়াৰ উপৰিও পানীয়ে শৰীৰৰ পৰা মলি আঁতৰোৱাতো সহায় কৰে আৰু ভিতৰৰ পৰা হাইড্ৰেট কৰে ৷
কিন্তু মনত ৰাখিব যে, ওজন কমাবলৈ ধৈৰ্য আৰু নিষ্ঠাৰ প্ৰয়োজন ৷ আমি আশা কৰোঁ এই প্ৰতিবেদন আপোনালোকৰ বাবে উপযোগী হ'ব ৷
সতৰ্কীকৰণ: প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ ৷ এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে ৷ আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো ৷ কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ৷
