শৰীৰ-মন সুস্থ কৰি ৰখাত ব্যায়ামৰ ভূমিকা অপৰীসীম ৷ বহু লোক এনে আছে, যিসকল ব্যায়ামৰ প্ৰতি আসক্ত ৷ তেওঁলোকে শৰীৰ ভালে নাথাকিলেও ব্যায়াম কৰে ৷ কিন্তু অসুস্থ হৈ থাকিলে ব্যায়াম কৰাতো প্ৰয়োজনীয় নে ?
বিশেষজ্ঞৰ মতে, অসুস্থ হৈ থাকিলে ব্যায়াম কৰাতো উচিত নহয় ৷ যদি মূৰৰ পৰা ডিঙিলৈকে বিষ হয়, তেন্তে কিছুমান ব্যায়াম আপুনি কৰিব পাৰে ৷ কিন্তু যদি আপুনি পেশীৰ বিষ বা হৃদস্পন্দন বৃদ্ধিৰ দৰে লক্ষণ অনুভৱ কৰে, তেতিয়া বুজিব যে আপোনাৰ শৰীৰে সংক্ৰমণৰ সৈতে যুঁজিবলৈ অধিক কষ্ট কৰিবলগা হৈছে আৰু এনে অৱস্থাত ব্যায়াম কৰিলে ই আৰোগ্য হোৱাৰ সম্ভাৱনা হ্ৰাস কৰে ৷
জ্বৰ হ’লেও ব্যায়াম কৰিব নালাগে ৷ ব্যায়ামে শৰীৰৰ তাপমাত্ৰা বৃদ্ধি কৰিব পাৰে ৷ সেয়েহে শৰীৰক বিশ্ৰাম দিয়াটো ভাল ৷ব্যায়াম কৰাৰ সলনি নিজকে হাইড্ৰেটেড কৰি অলপ বিশ্ৰাম কৰিব ৷ কোনো ৰোগৰ পৰা আৰোগ্য হোৱাৰ পাছত বা শৰীৰত পৰ্যাপ্ত শক্তি নাথাকিলে আমিবোৰ দুৰ্বল হৈ পৰো ৷ এনে পৰিস্থিতিত পেশীক সক্ৰিয় ৰাখিবলৈ পাতল ব্যায়াম বা লাহে লাহে আপুনি খোজ কাঢ়িব পাৰে ৷ কিন্তু গধুৰ ব্যায়াম একেবাৰে নকৰিব ৷ দুৰ্বলতাৰ সময়ত শৰীৰক পৰ্যাপ্ত বিশ্ৰাম, পুষ্টি আৰু হাইড্ৰেচনৰ প্ৰয়োজন হয়, যাতে শৰীৰৰ শক্তি পুনৰ ঘূৰি আহিব পাৰে ৷
এইসমূহ কথা মনত ৰাখিব
- যদি আপুনি অত্যধিকভাগৰ অনুভৱ কৰে, শৰীৰটোক বিশ্ৰাম দিব ৷ শৰীৰৰ শক্তি স্বাভাৱিক হোৱাৰ পিচতহে ব্যায়াম কৰিব লাগে ৷
- জ্বৰ আৰু দুৰ্বলতাৰ সময়ত পৰ্যাপ্ত পানী খোৱাটো অতি গুৰুত্বপূৰ্ণ ৷ ই শৰীৰৰ উষ্ণতা নিয়ন্ত্ৰণ কৰা আৰু দুৰ্বলতা উপশম কৰাত সহায় কৰিব ৷
- জ্বৰ আৰু দুৰ্বলতাৰ সময়ত শক্তি ঘূৰাই পাবলৈ শৰীৰক পৰ্যাপ্ত বিশ্ৰাম আৰু টোপনিৰ প্ৰয়োজন হয় ৷ ই আপোনাক দ্ৰুততাৰে সুস্থ কৰাত সহায় কৰিব ৷
- স্বাস্থ্যকৰ আৰু পাতল খাদ্য খোৱাটোৱে শৰীৰক প্ৰয়োজনীয় পুষ্টি প্ৰদান কৰাৰ লগতে দুৰ্বলতা হ্ৰাস কৰে ৷এই সময়ত আপোনাৰ বাবে ফল, পাচলি, চুপ আৰু মচুৰ দাইলৰ দৰে খাদ্য আপোনাৰ বাবে উপকাৰী হ'ব পাৰে ৷
ব্যায়াম পুনৰ আৰম্ভ কৰাৰ সময়
যেতিয়া আপোনাৰ জ্বৰ আৰোগ্য হয় আৰু আপুনি স্বাভাৱিক অনুভৱ কৰে, লাহে লাহে আপোনাৰ ব্যায়ামৰ ৰুটিন আৰম্ভ কৰিব ৷ প্ৰথম কেইদিনমানত পাতল ব্যায়াম আৰু তাৰ পিচত লাহে লাহে পূৰ্বৰ দৰে ব্যায়াম কৰিব পাৰিব ৷ জ্বৰ বা দুৰ্বলতাৰ পিচত শৰীৰক সম্পূৰ্ণৰূপে আৰোগ্য হ'বলৈ সময় দিব ৷ প্ৰথমে শৰীৰটোক বুজি সম্পূৰ্ণ স্বাস্থ্যৱান অনুভৱ কৰাৰ পাছতহে ব্যায়াম আৰম্ভ কৰিব ৷
https://www.webmd.com/cold-and-flu/features/exercising-when-sick
