আজিৰ দ্ৰুতগতিত চলি থকা জীৱনশৈলীৰ বাবে সকলোৰে খাদ্যাভ্যাস সলনি হৈছে । বয়স যিয়েই নহওক কিয়, প্ৰায় বহুলোকেই ডায়েবেটিছ ৰোগত আক্ৰান্ত । এই কাৰণতে চুগাৰ থকা ৰোগীয়ে যিকোনো বস্তু খোৱাৰ আগতে এশবাৰ চিন্তা কৰে যাতে তেওঁলোকৰ দেহত যাতে শৰ্কৰাৰ মাত্ৰা বৃদ্ধি নাপায় ।
শৰ্কৰাৰ মাত্ৰা বজাই ৰাখিবলৈ তেওঁলোকে যিকোনো বস্তু খোৱাৰ পৰা বিৰত থাকে । এনে লোকৰ বাবে আজি আমি কিছুমান বিশেষ ব্ৰেকফাষ্ট বা পুৱাৰ আহাৰৰ ৰেচিপি লৈ আহিছো ৷ যিটো স্বাস্থ্যৰ বাবে অতি উপকাৰী ৷ যাক খালেও শৰ্কৰাৰ মাত্ৰাত কোনো প্ৰভাৱ নপৰে । এই খাদ্য বিধৰ নাম হৈছে চ’য়া দোচা ।
জনাই দিও যে, এই দোচা বনাবলৈ বেছি সময়ৰো প্ৰয়োজন নহয় । ইয়াক অতি সহজে প্ৰস্তুত কৰিব পাৰি । ইয়াৰ উপৰিও ই অতি সোৱাদযুক্ত । এই চ’য়া দোচাত কোনো ধৰণৰ শৰ্কৰা বৃদ্ধি কৰা কোনো পদাৰ্থ নাথাকে !
বিশেষজ্ঞসকলে কয় যে ডায়েবেটিছ ৰোগীয়ে কোনো সমস্যা নোহোৱাকৈ চ’য়াৰ দোচা খাব পাৰে । গতিকে, চ’য়াৰ দোচা বনাবলৈ কি কি উপাদানৰ প্ৰয়োজন ? কেনেকৈ প্ৰস্তুত কৰিব পাৰি ? জানো আহক-
| প্ৰয়োজনীয় সামগ্ৰী |
| চ’য়া গাখীৰ | এটা কাপ |
| ঘেঁহুৰ আটা | আধা কাপ |
| তেল | ৰুচি অনুসৰি |
| নিমখ | ৰুচি অনুসৰি |
| বেকিং চ’ডা | এক চিকুট |
| জিৰা | ১ চামুচ |
| কটা সেউজীয়া জলকীয়া | প্ৰয়োজন অনুসৰি |
| কটা পিঁয়াজ | আধা কাপ |
| ধনীয়াৰ সোৱাদ অনুসৰি | প্ৰয়োজন অনুসৰি |
| তৈয়াৰৰ পদ্ধতি |
- ইয়াৰ বাবে প্ৰথমে ৰেচিপিত প্ৰয়োজনীয় পিঁয়াজ আৰু সেউজীয়া জলকীয়া মিহিকৈ কাটি এফালে ৰাখি লওক । লগতে ধনীয়া পিচি লওক ।
- এতিয়া এটা বাটিত ঘেঁহুৰ আটা আৰু চ’য়াৰ গাখীৰ দি ভালদৰে মিহলাই লওক ।
- এইদৰে মিহলাই লোৱাৰ পিছত এটা এটাকৈ কটা পিঁয়াজ, জলকীয়াৰ গুড়ি, বেকিং চ’ডা, জিৰা আৰু নিমখ ৰুচি অনুসৰি দিব ।
- তাৰ পিছত মিশ্ৰণখিনিত পৰ্যাপ্ত পৰিমাণৰ পানী দি দোচা বনাবলৈ পাতল মিশ্ৰণ প্ৰস্তুত কৰি লওক ।
- ইয়াৰ পিছত মিশ্ৰণখিনি ১৫ মিনিট এফালে ৰাখি তাৰ পিছত দোচাৰ দৰে তৈয়াৰ কৰি লওক ।
- এইদৰে প্ৰস্তুত কৰা দোচাৰ সোৱাদ বিলাহীৰ চাটনি, নাৰিকল চাটনি আৰু চাম্বৰৰ সৈতে গৰমা গৰমে পৰিৱেশন কৰক ।
