চিটাৰা ডেস্ক, ১৯ ফেব্ৰুৱাৰী: বলীউডৰ জনপ্ৰিয় অভিনেতা বৰুণ ধৱনে অনুৰাগীক দিলে এটা ভাল খবৰ ৷ অতি সোনকালেই পিতৃ হ’ব বৰুণ ধৱন । হয়, ১৮ ফেব্ৰুৱাৰী অৰ্থাৎ দেওবাৰে এই ভাল খবৰটো শ্বেয়াৰ কৰিছে খোদ বৰুণে । অভিনেতাগৰাকীয়ে তেওঁৰ পত্নী নাতাশা দলালৰ সৈতে এখন ফটো শ্বেয়াৰ কৰিছে, য’ত নাতাশাই বেবী বাম্প প্ৰদৰ্শন কৰা দেখা গৈছে । বৰুণে এই খবৰ সামাজিক মাধ্যমত শ্বেয়াৰ কৰাৰ পিচতে এতিয়া অনুৰাগী, তেওঁৰ সহ অভিনেতা আৰু আন বলীউডৰ বহু তাৰকাই তেওঁক অভিনন্দন জনাইছে ।
উল্লেখ্য যে, বৰুণ ধৱন আৰু নাতাশা দলালৰ বিয়া হৈছিল ২০২১ চনত যদিও দুয়ো বহু বছৰ প্ৰেমৰ সম্পৰ্কত আছিল ৷ এতিয়া অৱশেষত দুয়োগৰাকী পিতৃ-মাতৃ হ’বলৈ ওলাইছে ।
ইফালে বৰুণ ধৱনে শ্বেয়াৰ কৰা ফটোখনত নাতাশা দলালৰ বেবী বাম্পত বৰুণক চুমা খাই খোৱা দেখা গৈছে । ছবিখন শ্বেয়াৰ কৰি বৰুণে কেপচনত লিখিছে, ‘‘আমি গৰ্ভৱতী আৰু আপোনালোকৰ মৰম আৰু প্ৰাৰ্থনাৰ প্ৰয়োজন ।’’ ইয়াৰ লগতে বৰুণে লিখিছে মাই ফেমিলি মাই ষ্ট্ৰেংথ হেচটেগ ।
চেলিব্ৰিটিসকলে জনালে অভিনন্দন
এই খবৰ শ্বেয়াৰ কৰাৰ পিচতে বলীউডৰ বহু চেলিব্ৰিটিয়ে এই দম্পতীক শুভেচ্ছা জ্ঞাপন কৰিছে ৷ বৰুণ ধৱনক অভিনন্দন জনাইছে জাহ্নৱী কাপুৰ আৰু ছানিয়া মিৰ্জাই । আনহাতে অৰ্জুন কাপুৰে লিখিছে ‘ডেডী-মামী নম্বৰ ১’ । ইয়াৰ উপৰিও সোণম কাপুৰ, ভূমি পেডনেকাৰ, অৰমান মালিক, মালাইকা অৰোৰা, অনিল কাপুৰকে ধৰি বহু তাৰকাই অভিনন্দন জনাইছে । চলচ্চিত্ৰ তাৰকাৰ উপৰিও অনুৰাগীয়েও বৰুণ আৰু নাতাশাক অভিনন্দন জনাইছে ।
বৰুণ ধৱনৰ ৱৰ্ক ফ্ৰণ্ট
আগন্তুক সময়ত বৰুণ ধৱনক ‘ভেড়িয়া ২’ আৰু ‘বেবী জন’ৰ দৰে ছবিত দেখা যাব, আনহাতে ‘ষ্ট্ৰী ২’ ছবিখনতো তেওঁৰ কেমিঅ’ দেখা যাব । নাতাশা দলালৰ কথা ক’বলৈ গ’লে তেওঁ চলচ্চিত্ৰ জগতৰ পৰা আঁতৰি থাকে আৰু লাইমলাইটৰ অংশ হ’বলৈ খুব কমেইহে ভাল পায় ।
লগতে পঢ়ক: বিদেশত ভাৰতীয় সংস্কৃতিৰে আলিয়াই জিনিলে অনুৰাগীৰ হৃদয়, পোচাৰৰ প্ৰদৰ্শনীত লাইমলাইটত আলিয়া
