চিটাৰা ডেস্ক, 19 জুলাই : বৃহস্পতিবাৰে মুম্বাইত স্ত্ৰী 2 ৰ ট্ৰেইলাৰ মুকলি অনুষ্ঠানত শ্ৰদ্ধা কাপুৰে নিজৰ লুকেৰে সকলোকে আকৰ্ষণ কৰে ৷ অভিনেত্ৰীগৰাকীয়ে কেৱল আকৰ্ষণীয় চেহেৰাৰেই নহয়, দৰ্শকসকলক ব্যক্তিগত জীৱনৰ বিষয়েৰেও মন্ত্ৰমুগ্ধ কৰে ।
অনুষ্ঠানটোৰ সময়ত, শ্ৰদ্ধাক চিত্ৰ নাট্যকাৰ ৰাহুল মোদীৰ সৈতে তেওঁৰ সম্পৰ্কৰ বিষয়ে প্ৰশ্ন কৰা হৈছিল, যাৰ সৈতে তেওঁ দীৰ্ঘদিনীয়া সম্পৰ্কত আছে বুলি বাতৰি প্ৰকাশ হৈছে । উপস্থিত বুদ্ধিৰে সঁহাৰি দি শ্ৰদ্ধাই কয়, "ৱো স্ত্ৰী হে, উচে জব দুলহন বননা হে ৱো বনেগী" (তাই স্ত্ৰী; যেতিয়াই তাই অনুভৱ কৰিব, তেতিয়াই তাই কইনা হ'ব)। এই আত্মবিশ্বাসী উত্তৰটোৱে উপস্থিত দৰ্শকক আপ্লুত কৰে ।
লগতে পঢ়ক : শিহৰিত হৈ পৰিব আপুনি এই টিজাৰ দেখাৰ পিচত - Shraddha Kapoor Rajkummar Rao movie
জুন মাহত ৰাহুল মোদীৰ সৈতে ইনষ্টাগ্ৰামত চেলফি শ্বেয়াৰ কৰি তেওঁৰ সৈতে যেন নিজৰ সম্পৰ্ক নিশ্চিত কৰিছিল শ্ৰদ্ধাই । ফটোখনত দুয়োৱে বগা ৰঙৰ একেই সাজ পিন্ধিছিল আৰু হাঁহি আৰু ৰঙা হৃদয়ৰ ইমোজীৰ সৈতে ইয়াৰ কেপশ্যনত লিখা আছিল, "দিল ৰখ লে, নিন্দ তোহ ৱাপিছ দে দে য়াৰ @modyrahulmody" (মোৰ হৃদয়খন ৰাখা, কিন্তু টোপনি ঘূৰাই দিয়া) ৷ পোষ্টটোত ইস্ক চিনেমাখনৰ "নিন্দ চুৰায়ে মেৰী" গীতটোৱে ৰোমান্টিক স্পৰ্শ যোগ কৰিছিল ।
উজ্জ্বল ৰঙা আৰু সোণালী ৰঙৰ শাৰী, গ্লেমাৰাছ মেকআপ আৰু এডাল চিকুণ বেণীৰে সৈতে শ্ৰদ্ধা কাপুৰে সকলোৰে মুহি পেলালে ৷ মুম্বাইত অনুষ্ঠিত এই অনুষ্ঠানত ৰাজকুমাৰ ৰাও, পংকজ ত্ৰিপাঠী, অভিষেক বেনাৰ্জী আৰু অপাৰশক্তি খুৰানাকে ধৰি স্ত্ৰী ২ ৰ কলাকুশলীসকল উপস্থিত থাকে । অমৰ কৌশিকৰ দ্বাৰা পৰিচালিত আৰু দিনেশ বিজন আৰু জ্যোতি দেশপাণ্ডেৰ দ্বাৰা প্ৰযোজিত এই ছবিখন জিঅ' ষ্টুডিঅ' আৰু মেডক ফিল্মছে উপস্থাপন কৰিছে ।
স্ত্ৰী 2 ৰ ট্ৰেইলাৰে চন্দেৰী চহৰত নতুন সন্ত্ৰাসৰ এক উঁকি মাৰিছে, যিয়ে দুৰ্ধৰ্ষ নতুন বিৰোধী সৰকাতাৰ পৰিচয় দিছে । চলচ্চিত্ৰখনে তামান্না ভাটিয়াৰ এটা কেমিঅ'ৰ ইংগিত দিয়ে, যিয়ে উত্তেজনা বৃদ্ধি কৰিছে । 2018 ৰ ব্লকবাষ্টাৰ স্ত্ৰী 2 ৰ চিকুৱেল 15 আগষ্টত পৰ্দাত আহিবলৈ সাজু হৈছে ।
লগতে পঢ়ক : অপেক্ষাৰ অন্ত পৰিল ! মুক্তি পালে গাঁৰ নোম শিয়ৰি উঠা স্ত্ৰী 2ৰ ট্ৰেইলাৰ - Stree 2 Trailer Out
