চিটাৰা ডেস্ক, 4 ছেপ্টেম্বৰ : বলীউড অভিনেত্ৰী অনুষ্কা শৰ্মাক বুধবাৰে পুৱা মুম্বাই এয়াৰপ’ৰ্টত দেখা গ’ল ৷ তেওঁ আকৰ্ষণীয় ক’লা ৰঙৰ পোছাকেৰে সকলোৰে মনোযোগ আকৰ্ষণ কৰে । অনুষ্কা মসৃণ জেট-ক'লা ট্ৰাউজাৰ, একেই ৰঙৰ ব্লেজাৰ আৰু ছানগ্লাচ পিন্ধি মুম্বাই বিমানবন্দৰত উপস্থিত হয় ৷ লগে লগে পাপাৰাজ্জীয়ে তেওঁক কেমেৰাত বন্দী কৰে ।
বিৰাট আৰু অনুষ্কা ভাৰত এৰি একেবাৰে গুচি যাবগৈ বুলি চলি থকা জল্পনা-কল্পনাৰ মাজতে শৰ্মাৰ উভতি আহিছে ৷ তেওঁলোকৰ দ্বিতীয় সন্তান অকায় কোহলীৰ জন্মৰ পিছত তেওঁলোকে লণ্ডনলৈ যোৱাৰ পৰিকল্পনা কৰিছে বুলি বাতৰি প্ৰকাশ হৈছিল ৷
জানিব পৰা মতে, মুম্বাইত কিছু সময়ৰ বাবেহে তেওঁ থাকিব ৷ এই সময়ছোৱাত শৰ্মাই সমৰ্থন কৰা ব্ৰেণ্ড এটাৰ দ্বাৰা আয়োজিত এক সাক্ষাৎ আৰু অভিবাদন অনুষ্ঠানত তেওঁ অংশগ্ৰহণ কৰাৰ কথা আছে । এয়াৰপ’ৰ্টত অনুষ্কাৰ সৈতে তেওঁৰ স্বামী আৰু সন্তানকো দেখাৰ আশা কৰিছিল বহুতে কিন্তু অনুষ্কা অকলেই ভাৰতলৈ আহে ৷ এই ভ্ৰমণটো তেওঁৰ হ্ৰস্বম্যাদী হ'ব বুলি আশা কৰা হৈছে ৷ শৰ্মাই তেওঁৰ প্ৰতিশ্ৰুতি পূৰণ কৰাৰ পিছতেই লণ্ডনলৈ উভতি যোৱাৰ সম্ভাৱনা আছে ।
ইয়াৰ পূৰ্বেও অনুষ্কা অকায়ৰ জন্মৰ পিছত মুম্বাইলৈ আহিছিল । আই পি এলৰ সময়ৰ কথা এয়া ৷ তেতিয়া অনুষ্কাই তেওঁৰ পুত্ৰ সন্তানৰ মুখখন পাপাৰাজ্জীক দেখুৱাইছিল, কিন্তু তেওঁলোকক ফটো নল’বলৈ অনুৰোধ কৰিছিল । লণ্ডনত যথেষ্ট সময় কটোৱা দম্পতীটোৱে নিজৰ ব্যক্তিগত জীৱনক বহুলাংশে লাইমলাইটৰ পৰা আঁতৰাই ৰখাটো পছন্দ কৰে ।
পেছাদাৰী ক্ষেত্ৰৰ কথা ক’বলৈ গ’লে শৰ্মাৰ আহিবলগীয়া চলচ্চিত্ৰ চাকদা এক্সপ্ৰেছৰ বাবে সকলো ৰৈ আছে ৷ ক্ৰিকেটাৰ ঝুলন গোস্বামীৰ ওপৰত নিৰ্মিত জীৱনীমূলক ছবি এইখন ৷ অৱশ্যে, নেটফ্লিক্স আৰু শৰ্মাৰ ভাতৃ কৰ্ণেশ শৰ্মাৰ নেতৃত্বত প্ৰযোজনা গৃহৰ মাজত হোৱা এক ঘটনাৰ বাবে মুক্তিৰ তাৰিখ অনিশ্চিত হৈ আছে ছবিখনৰ ।
লগতে পঢ়ক : দীপিকা-ৰণবীৰৰ প্ৰেগনেন্সী ফটোশ্বুটে লৈ আনিলে প্ৰেমৰ বতৰা - Deepika Pregnancy Photoshoot
