চিটাৰা ডেস্ক, 3 ছেপ্টেম্বৰ : পুনৰবাৰ পৰ্দাত আধিপত্য বিস্তাৰ কৰিবলৈ সাজু হৈছে কৰীণা কাপুৰ খান । কৰীণা কাপুৰ খানৰ ছবি 'দ্য বাকিংহাম মাৰ্ডাৰ্ছ'ৰ ট্ৰেইলাৰ আজি মুকলি কৰা হৈছে । ট্ৰেইলাৰটোত কৰীণা কাপুৰ খানক এক শক্তিশালী ৰূপত দেখা গৈছে ৷
দুই মিনিট 34 ছেকেণ্ড দৈৰ্ঘৰ ‘দ্য বাকিংহাম মাৰ্ডাৰ্ছ’ৰ ট্ৰেইলাৰটোৱে দৰ্শকৰ মনত আৰম্ভণিৰে পৰা শেষলৈকে উৎসুকতা বৰ্তাই ৰাখে ৷ চকু দুটা এক মুহূৰ্তৰ বাবে আঁতৰ কৰিবলৈ মন নোযোৱা ট্ৰেইলাৰটো । কৰীণা কাপুৰে ‘দ্য বাকিংহাম মাৰ্ডাৰ্ছ’ত জছমীত ভামৰা নামৰ এগৰাকী ব্ৰিটিছ ভাৰতীয় ডিটেক্টিভৰ চৰিত্ৰত অভিনয় কৰিছে ।
ছবিখনৰ ট্ৰেইলাৰটো কল্পনাতীত
ট্ৰেইলাৰৰ কথা ক’বলৈ গ’লে কৰীণা কাপুৰ খানে কৰা জেৰাৰ সৈতে ট্ৰেইলাৰটো আৰম্ভ হয় । ট্ৰেইলাৰত দেখিবলৈ পোৱা গৈছে যে ছবিখন এটি নাবালক শিশুৰ হত্যাকাণ্ডৰ ওপৰত আধাৰিত, য’ত এই হত্যাকাণ্ডৰ বাবে অন্য এজন নাবালক ল’ৰাৰ বিৰুদ্ধে অভিযোগ উত্থাপন হৈছে । এতিয়া এই গোচৰটো সমাধানৰ ক্ষেত্ৰত উদ্ভৱ হোৱা আন এটা সমস্যা হ’ল যে হত্যাৰ অভিযোগ যাৰ বিৰুদ্ধে উত্থাপন হৈছে সেই শিশুটি মুছলমান । এনে পৰিস্থিতিত কৰীণা কাপুৰে এই গোচৰটো সমাধানৰ বাবে কঠোৰ পৰিশ্ৰম কৰিব লগাত পৰে ।
ছবিখনৰ প্ৰযোজক
এই ছবিখন পৰিচালনা কৰিছে হন্সল মেহতাই । ছবিখন ৰহস্যৰে ভৰি আছে । ছবিখনৰ কাহিনী লিখিছে অসীম অৰোৰাই । হিন্দী আৰু ইংৰাজী দুয়োটা ভাষাতে নিৰ্মাণ কৰা হৈছে ছবিখন । ছবিখনৰ গীতৰ কাম কৰিছে কেতন সোধাই আৰু গীত ৰচনা কৰিছে কৰণ কুলকাৰ্ণী আৰু বেইলী ছাগুৱে । অহা 13 ছেপ্টেম্বৰত মুক্তি পাব ছবিখন । ছবিখনৰ প্ৰযোজক হিচাপে আছে একতা কাপুৰ, কৰীণা কাপুৰ খান, শোভা কাপুৰ । কৰীণা কাপুৰ খানে এই ছবিখনৰ জৰিয়তে ছবি নিৰ্মাণত আত্মপ্ৰকাশ কৰিবলৈ আগবাঢ়িছে ।
লগতে পঢ়ক : মুক্তি পালে অপৰাধ-ৰহস্য-থ্ৰিলাৰেৰে পৰিপূৰ্ণ 'দ্য বাকিংহাম মাৰ্ডাৰ্ছ'ৰ টিজাৰ - The Buckingham Murders Teaser
