চিটাৰা ডেস্ক, 8 আগষ্ট : তেলুগু অভিনেতা নাগাৰ্জুন আক্কিনেনী জীৱনজোৰা প্ৰেমৰ শুভেচ্ছা জনাই পুত্ৰৰ বাগদানৰ প্ৰথম ফটো শ্বেয়াৰ কৰিছে ৷ অভিনেত্ৰী শোভিতা ধুলিপালাৰ সৈতে দীৰ্ঘদিনীয়া প্ৰেমৰ অন্তত আজি বাগদান কৰে নাগাই ৷ তেলুগু চলচ্চিত্ৰ উদ্যোগত তেওঁৰ আকৰ্ষণীয় অভিনয়েৰে ঢৌ তুলি থকা নাগা চৈতন্যই গুডাচাৰী আৰু মেজৰৰ দৰে চলচ্চিত্ৰত তেওঁৰ চৰিত্ৰৰ বাবে জনাজাত এগৰাকী প্ৰতিভাশালী অভিনেত্ৰী শোভিতা ধুলিপালাৰ মাজত প্ৰেম বিচাৰি পায় ।
" we are delighted to announce the engagement of our son, naga chaitanya, to sobhita dhulipala, which took place this morning at 9:42 a.m.!!
— Nagarjuna Akkineni (@iamnagarjuna) August 8, 2024
we are overjoyed to welcome her into our family.
congratulations to the happy couple!
wishing them a lifetime of love and happiness. 💐… pic.twitter.com/buiBGa52lD
এংগেজমেণ্ট অনুষ্ঠানটো আছিল এক অন্তৰংগ অনুষ্ঠান ৷ মাত্ৰ পৰিয়ালৰ ঘনিষ্ঠ সদস্য আৰু বন্ধু-বৰ্গহে উপস্থিত আছিল আজিৰ বাগদান অনুষ্ঠানত । নাগাৰ্জুনে সুখী প্ৰেমিকযুগলৰ এখন ফটো শ্বেয়াৰ কৰে, য’ৰ কেপচশ্যনত লিখা আছে, "আজি পুৱা 9.42 বজাত শোভিতা ধুলিপালাৰ সৈতে আমাৰ পুত্ৰ নাগা চৈতন্যৰ হৈ যোৱা এংগেজমেণ্টৰ কথা ঘোষণা কৰি আমি আনন্দিত হৈছো !! তেওঁক আমাৰ পৰিয়াললৈ স্বাগতম জনাই আমি আনন্দিত 💐 সুখী দম্পতীক অভিনন্দন ! তেওঁলোকক জীৱনজোৰা মৰম আৰু সুখৰ শুভেচ্ছা জনাইছো । 💐 ঈশ্বৰে আশীৰ্ব্বাদ কৰক !" ❤️ 8.8.8 অসীম প্ৰেমৰ❤️ আৰম্ভণি ।"
এই খবৰ বিয়পি পৰাৰ লগে লগে অনুৰাগী আৰু বন্ধু-বান্ধৱীয়ে অভিনন্দন জনাইছে দুয়োকে ৷ সকলোৱে নাগা-শোভিতা আজীৱন সুখ আৰু একেলগে থকাৰ কামনা কৰিছে । 2021 চনত সামন্ত ৰুথ প্ৰভুৰ সৈতে বিবাহ বিচ্ছেদ হোৱাৰ পিচত নগা চৈতন্যৰ এইখন দ্বিতীয় বিবাহ ।
শীঘ্ৰেই তেওঁলোক বিবাহপাশত আবদ্ধ হোৱাৰ সম্ভাৱনা আছে যদিও বিয়াৰ সবিশেষ এতিয়াও ঘোষণা কৰা হোৱা নাই ।
লগতে পঢ়ক : প্ৰেমত বিবাহ বিচ্ছেদৰ দুখো সোনকালেই পাহৰি গ’ল নাগা চৈতন্যই - Naga Chaitanya instagram
