চিটাৰা ডেস্ক, 9 আগষ্ট : ৰাজকুমাৰ ৰাও আৰু শ্ৰদ্ধা কাপুৰ অভিনীত ভৌতিক কৌতুক চলচ্চিত্ৰ স্ত্ৰী 2 ৰ 9 আগষ্টত আন এটা ৰোমাণ্টিক ট্ৰেক 'খুবছুৰত' মুকলি কৰে নিৰ্মাতাই । বৰুণ ধৱনৰ সৈতে শ্ৰদ্ধা কাপুৰৰ ৰোমান্টিক কেমেষ্ট্ৰী 'খুবছুৰত' গানটোত দেখা গৈছে ।
খুবছুৰত গানটো ৰোমান্টিক আৰু লগতে আনন্দদায়ক । ইয়াত, ৰাজকুমাৰ ৰাওক 'স্ত্ৰী' শ্ৰদ্ধা কাপুৰৰ মৰম পাবলৈ বৰুণৰ মুখামুখি হোৱা দেখা গৈছে । 'ভেড়িয়া' বৰুণ ধৱনো নাৰীৰ প্ৰেমৰ জালত সম্পূৰ্ণৰূপে আৱদ্ধ হৈ পৰিছে যেন অনুভৱ হয় আৰু শেষলৈকে বিকী (ৰাজকুমাৰ ৰাও)ক তীব্ৰভাৱে পৰীক্ষা কৰে ।
গীতটিৰ কথা যথেষ্ট মনোমোহা
সংগীত সুৰকাৰ শচীন-জিগাৰৰ সহযোগত বিশাল মিশ্ৰই কণ্ঠদান কৰিছে খুবছুৰত গানটোত । এই গীতটিৰ সুৰকাৰ স্বয়ং শচীন-জিগাৰ । গীতটিত শ্ৰদ্ধা কাপুৰে ৰঙা শাৰী পিন্ধা এগৰাকী মহিলাৰ চৰিত্ৰ ৰূপায়ন কৰি নিজৰ সৌন্দৰ্য্যৰে বৰুণ ধৱন আৰু ৰাজকুমাৰ ৰাওক মতলীয়া তোলা দেখা গৈছে । ৰঙা শাৰীত শ্ৰদ্ধা কাপুৰৰ আকৰ্ষণীয় ফিগাৰটো দৰ্শকে অতিশয় ভাল পাইছে ।
বক্স অফিচত স্ত্ৰী 2 ৰ সন্মুখত প্ৰত্যাহ্বান
অমৰ কৌশিকৰ দ্বাৰা পৰিচালিত স্ত্ৰী 2 চলচ্চিত্ৰখনৰ বাবে বক্স অফিচত বৃহৎ পৰিমাণৰ ধন উপাৰ্জন কৰাটো সহজ নহ'ব । কিয়নো 15 আগষ্টত অক্ষয় কুমাৰৰ খেল খেল মে, জন আব্ৰাহামৰ বেদা, দক্ষিণ চুপাৰষ্টাৰ ৰাম পোথিনেনিৰ একশ্যন ড্ৰামা ছবি ডবল স্মাৰ্ট শংকৰ মুক্তি পাব । আনহাতে স্ত্ৰী 2-ৰ নিৰ্মাতাসকলে 14 আগষ্টত ছবিখনৰ নাইট শ্ব' চলাবলৈ পৰিকল্পনা কৰিছে । এতিয়া লক্ষণীয় বিষয় হৈ পৰিছে যে দৰ্শকে এই চলচ্চিত্ৰকেইখনৰ মাজত কোনখন ছবি উপভোগ কৰিবলৈ মন মেলিব ?
লগতে পঢ়ক : স্ত্ৰী 2 ৰ বাবে আশাৰে ৰৈ থকা দৰ্শকলৈ আহিছে সুখবৰ... - Stree 2 shows
'স্ত্ৰী 2'ৰ ৰোমাণ্টিক গানটোৰ কথাই চুই যাব আপোনাৰ হৃদয় - Stree 2 romantic song
