নেশ্যনেল ডেস্ক, ১৬ ছেপ্টেম্বৰ : আজি ইছলাম ধৰ্মীলোকসকলে উদযাপন কৰিছে ঈদ মিলাদ-উন-নৱী । এই বিশেষ ক্ষণত দেশৰ ৰাষ্ট্ৰপতি দ্ৰৌপদী মুৰ্মু, প্ৰধানমন্ত্ৰী নৰেন্দ্ৰ মোদী লগতে বিভিন্নজনে দেশবাসীক শুভকামনা জনাইছে ।
- প্ৰধানমন্ত্ৰীৰ শুভেচ্ছা বাৰ্তা
এক্সৰ এটা পোষ্টত প্ৰধানমন্ত্ৰী নৰেন্দ্ৰ মোদীয়ে লিখিছে, "ঈদ মুবাৰক ! মিলাদ-উন-নৱী উপলক্ষে শুভেচ্ছা । সম্প্ৰীতি আৰু একতা সদায়ে বিৰাজ কৰক । চাৰিওফালে আনন্দ আৰু সমৃদ্ধি বিৰাজ কৰক ।"
Eid Mubarak!
— Narendra Modi (@narendramodi) September 16, 2024
Best wishes on the occasion of Milad-un-Nabi. May harmony and togetherness always prevail. Let there be joy and prosperity all around.
- ৰাষ্ট্ৰপতিৰ শুভেচ্ছা বাৰ্তা
দেশবাসীলৈ প্ৰেৰণ কৰা এক বাৰ্তাত ৰাষ্ট্ৰপতি দ্ৰৌপদী মুৰ্মুৱে কয় যে পয়গম্বৰ মহম্মদে সমতাৰ ওপৰত আধাৰিত এখন মানৱ সমাজৰ উদাহৰণ স্থাপন কৰিছিল । সামাজিক মাধ্যমৰ পোষ্টত তেওঁ লিখিছে, "পয়গম্বৰ মহম্মদৰ জন্মদিন পৱিত্ৰ মিলাদ-উল-নৱী উপলক্ষে মই সকলো দেশবাসীক, বিশেষকৈ মুছলমান ভাই-ভনীসকলক অভিনন্দন জনাইছো । পয়গম্বৰ মহম্মদে সমতাৰ ওপৰত আধাৰিত এখন মানৱ সমাজৰ এক আশ্চৰ্যকৰ উদাহৰণ স্থাপন কৰিছিল । তেওঁ ধৈৰ্য্যৰে সত্যৰ পথ অনুসৰণ কৰিবলৈও শিকাইছে । এই উপলক্ষে আমি সকলোৱে ব্যৱহাৰিক জীৱনত তেওঁৰ শিক্ষাসমূহ কাৰ্যকৰী কৰাৰ প্ৰতিশ্ৰুতি দিওঁ আৰু দেশৰ উন্নয়নৰ বাবে সক্ৰিয় হৈ থাকো ।"
पैगम्बर मुहम्मद (स.) के जन्मदिन, मिलाद-उन-नबी के मुबारक अवसर पर मैं सभी देशवासियों, विशेष रूप से मुस्लिम भाइयों-बहनों को शुभकामनाएं देती हूं। पैगम्बर मुहम्मद (स.) ने समानता पर आधारित मानव समाज का आदर्श प्रस्तुत किया है। उन्होंने धैर्य के साथ सत्य के मार्ग पर चलने की भी शिक्षा…
— President of India (@rashtrapatibhvn) September 16, 2024
- কিৰেন ৰিজুজুৰ শুভেচ্ছা
ৰাষ্ট্ৰপতি আৰু প্ৰধানমন্ত্ৰীৰ লগতে কেন্দ্ৰীয় সংখ্যালঘু পৰিক্ৰমা মন্ত্ৰী কিৰেন ৰিজুজুৱেও মিলাদ-উন-নৱীৰ শুভেচ্ছা জনাই কয়, "মিলাদ-উন-নৱীৰ সকলোকে শুভেচ্ছা জনাইছো ! এই দিনটো আনন্দ, প্ৰেম আৰু এক নতুন উৎসাহেৰে ভৰি থাকক ।"
- মল্লিকাৰ্জুন খাৰ্গেৰ শুভেচ্ছা
কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খাৰ্গেয়ে কয়, "সকলোকে ঈদ মিলাদ-উন-নৱী মুবাৰক । এই অনুষ্ঠানটোৱে আমাৰ জীৱনত শান্তি, সহানুভূতি আৰু সমৃদ্ধি কঢ়িয়াই আনিব আৰু সকলোৰে মাজত একতা, বন্ধুত্ব, দয়া আৰু সম্প্ৰীতি বৃদ্ধি কৰক ।" সমাজবাদী পাৰ্টীৰ মুৰব্বী অখিলেশ যাদৱেও ঈদ মিলাদ-উন-নৱী উপলক্ষে সকলোকে অভিনন্দন জনায় ।
লগতে পঢ়ক :পৰম্পৰা ভংগ কৰি কেজৰিৱালে পত্নীৰ পৰিৱৰ্তে আনক দিব নেকি মুখ্যমন্ত্ৰীৰ দায়িত্ব ? - Kejriwal to resign
