নেশ্যনেল ডেস্ক, ১২ অক্টোবৰ : বিজয় দশমী উপলক্ষে দেশৰ বিভিন্ন প্ৰান্তত ব্যাপক উছাহ দেখিবলৈ পোৱা গৈছে । তাৰ মাজতে দেশৰ ৰাষ্ট্ৰপতি দ্ৰৌপদী মুৰ্মু আৰু প্ৰধানমন্ত্ৰী নৰেন্দ্ৰ মোদীয়ে দেশবাসীক বিজয়া দশমীৰ শুভেচ্ছা জ্ঞাপন কৰিছে ।
ৰাষ্ট্ৰপতিৰ শুভেচ্ছাবাৰ্তা
ৰাষ্ট্ৰপতি মুৰ্মুৱে এক্সৰ পোষ্টত লিখিছে, "বিজয়া দশমীৰ পবিত্ৰ ক্ষণত মই দেশবাসীলৈ আন্তৰিক শুভেচ্ছা জ্ঞাপন কৰিছো । এয়া অন্যায়ৰ বিৰুদ্ধে ন্যায়ৰ বিজয়ৰ উৎসৱ । এই উৎসৱটো সত্য আৰু নৈতিকতাৰ মূল্যবোধৰ ওপৰত আমাৰ বিশ্বাসৰ প্ৰতীক ।"
विजय दशमी के शुभ अवसर पर मैं सभी देशवासियों को हार्दिक बधाई एवं शुभकामनाएं देती हूं। यह अन्याय पर न्याय की विजय का पर्व है। यह त्यौहार सत्य और सदाचार के मूल्यों पर हमारे विश्वास का प्रतीक है। इस शुभ अवसर पर हमें संकल्प लेना चाहिए कि कठिन से कठिन परिस्थितियों में भी हम न्याय का…
— President of India (@rashtrapatibhvn) October 12, 2024
প্ৰধানমন্ত্ৰীৰ শুভেচ্ছাবাৰ্তা
একেদৰে প্ৰধানমন্ত্ৰীয়ে এক্সত লিখিছে, "এই পবিত্ৰ দিৱস উপলক্ষে আমি প্ৰতিশ্ৰুতি লোৱা উচিত যে আমি আটাইতকৈ কঠিন পৰিস্থিতিতো ন্যায়ৰ পক্ষ লম । মই আশা কৰো যে এই পবিত্ৰ উৎসৱে সকলোৰে জীৱনত সুখ আৰু সমৃদ্ধি আনিব আৰু আমাৰ দেশ সদায় উন্নয়নৰ পথত আগবাঢ়ি যাব । বিজয়া দশমীত দেশবাসীলৈ শুভেচ্ছা । মা দুৰ্গা আৰু ভগৱান শ্ৰীৰামৰ আশীৰ্বাদত মই কামনা কৰো যে আপোনালোক সকলোৱে জীৱনৰ প্ৰতিটো ক্ষেত্ৰতে বিজয় লাভ কৰিব ।"
देशवासियों को विजयादशमी की असीम शुभकामनाएं। मां दुर्गा और प्रभु श्रीराम के आशीर्वाद से आप सभी को जीवन के हर क्षेत्र में विजय हासिल हो, यही कामना है।
— Narendra Modi (@narendramodi) October 12, 2024
দিল্লীত বিজয় দশমীৰ কাৰ্যসূচী
উল্লেখ্য যে ৰাষ্ট্ৰপতি দ্ৰৌপদী মুৰ্মু আৰু প্ৰধানমন্ত্ৰী নৰেন্দ্ৰ মোদীয়ে শনিবাৰে দিল্লীৰ ৰামলীলা ময়দান তীৰৰাজ ধৰ গুপ্তাত শ্ৰী ধাৰ্মিক লীলা সমিতিয়ে আয়োজন কৰা দশেৰা কাৰ্যসূচীত অংশগ্ৰহণ কৰিব । শ্ৰীধাৰ্মিক লীলা সমিতিৰ সাধাৰণ সম্পাদকে জনোৱা মতে এই কাৰ্যসূচী সন্ধিয়া ৫.৩০ বজাত আৰম্ভ হ'ব ।
গুপ্তাই কয়, "এয়া আমাৰ ১০১ সংখ্যক বৰ্ষপূৰ্তি । সকলো কাৰ্যসূচী সঠিকভাৱে পৰিচালনা কৰা হৈছে । আৰক্ষীয়ে আমাক অনুষ্ঠানটো পৰিচালনা কৰাত সহায় কৰিছে । ৰাৱণৰ উচ্চতা এইবাৰ ৭০ ফুট । প্ৰধানমন্ত্ৰীয়ে অনুষ্ঠানটোত উপস্থিত থকাৰ পৰিপ্ৰেক্ষিতত নিৰাপত্তা বৃদ্ধি কৰা হৈছে । এছপিজিয়ে অনুষ্ঠানটোৰ নিৰাপত্তাৰ দায়িত্ব আছে ।"
লগতে পঢ়ক :ৰাৱণ দহনৰ পূৰ্বেই অঘটন; স্থাপন কৰিব লওঁতেই বাগৰি পৰিল ৰাৱণৰ পুত্তলিকা
