নিউজ ডেস্ক, ৯ জুলাই : দুদিনীয়া ভ্ৰমণসূচীৰে সোমবাৰে ৰাছিয়াত উপস্থিত হয় প্ৰধানমন্ত্ৰী নৰেন্দ্ৰ মোদী । আনহাতে, মস্কোত ভাৰতীয় সম্প্ৰদায়ক সম্বোধন কৰি প্ৰধানমন্ত্ৰী নৰেন্দ্ৰ মোদীয়ে কয় যে পুনৰুজ্জীৱিত ভাৰতে এতিয়া নতুন দিশলৈ আগবঢ়া আৰু সীমাৰ পৰিধি ভাঙিবলৈ লক্ষ্য ৰাখিছে ।
#WATCH | Moscow, Russia: Prime Minister Narendra Modi says " ...today when india builds the world's tallest railway bridge, world's tallest statue, the world says, india is changing and how is india changing because india trusts the support of its 140 crore citizens, trusts the… pic.twitter.com/Book00KsUN
— ANI (@ANI) July 9, 2024
তেওঁ কয়, "ইয়ালৈ অহাৰ বাবে মই আপোনালোক সকলোকে ধন্যবাদ জনাব বিচাৰো । মই ইয়ালৈ অকলে অহা নাই, মোৰ লগত বহুতো বস্তু লৈ আহিছো । মই মোৰ লগত ভাৰতৰ মাটিৰ সুবাস লৈ আহিছো । মই মোৰ লগত ১৪০ কোটি দেশবাসীৰ মৰম লৈ আহিছো...।"
মোদীয়ে লগতে কয়, "তৃতীয়বাৰৰ বাবে চৰকাৰ গঠন কৰাৰ পিচত প্ৰবাসী ভাৰতীয়সকলৰ সৈতে এইটো মোৰ প্ৰথম বাৰ্তালাপ । আজি 9 জুলাই আৰু মই তৃতীয়বাৰৰ বাবে ভাৰতৰ প্ৰধানমন্ত্ৰী হিচাপে শপত লোৱাৰ সম্পূৰ্ণ এমাহ হ'ল । মই প্ৰতিজ্ঞা কৰিছিলো যে মই তিনিগুণ অধিক শক্তিৰে আৰু তিনিগুণ অধিক গতিৰে কাম কৰিম আৰু এইটোও কাকতালীয় যে চৰকাৰৰ বহুতো লক্ষ্যত 3 নম্বৰটোও আছে । চৰকাৰৰ লক্ষ্য হৈছে তৃতীয় কাৰ্যকালত ভাৰতক বিশ্বৰ তৃতীয় সৰ্ববৃহৎ অৰ্থনীতি হিচাপে গঢ়ি তোলা...।"
মোদীয়ে এইটোও কয় যে বিগত ১০ বছৰত দেশখনে লাভ কৰা উন্নয়নৰ গতি দেখি বিশ্ব আচৰিত হৈছে । "যেতিয়া বিশ্বৰ লোকসকল ভাৰতলৈ আহে, তেওঁলোকে কয় 'ভাৰত বদল ৰহা হ্যে' । তেওঁলোকে স্পষ্টভাৱে ভাৰতৰ পৰিৱৰ্তন, ভাৰতৰ পুনৰ নিৰ্মাণ চাবলৈ সক্ষম হৈছে । যেতিয়া ভাৰতে জি-২০ৰ দৰে সফল অনুষ্ঠান আয়োজন কৰিছে, বিশ্বই একে কণ্ঠত কৈছে, 'ভাৰত বদল ৰহা হ্যে' । যেতিয়া ভাৰতে মাত্ৰ 10 বছৰত নিজৰ বিমানবন্দৰৰ সংখ্যা দুগুণ কৰিছে, বিশ্বই কৈছে, 'ভাৰত বদল ৰহা হ্যে' । যেতিয়া ভাৰতে মাত্ৰ 10 বছৰত 40,000 কিলোমিটাৰৰো অধিক ৰে'লপথ বৈদ্যুতিকৰণ কৰিছে, বিশ্বই ভাৰতৰ শক্তিও উপলব্ধি কৰিছে । তেওঁলোকে কয় যে দেশখন সলনি হৈ আছে...।"
