নিউজ ডেস্ক, 27 জুন: অহা জুলাই মাহত ওড়িশাৰ পুৰীত অনুষ্ঠিত হ’ব মহান আধ্যাত্মিক অনুষ্ঠান ৰথযাত্ৰা ৷ পুৰীৰ জগন্নাথ মন্দিৰৰ ৰথযাত্ৰাৰ বাবে প্ৰতি বছৰে লাখ লাখ ভক্তৰ সমাগম ঘটে ৷ তিনিখন সুসজ্জিত বিশাল ৰথত ভগৱান শ্ৰীকৃষ্ণ, তেওঁৰ জ্যেষ্ঠ ভাতৃ বলোৰাম আৰু ভগ্নী সুভদ্ৰাৰ মূৰ্তি জগন্নাথ মন্দিৰৰ পৰা গুণ্ডিচা মন্দিৰলৈ লৈ যোৱা হয় ৷ এক আধ্যাত্মিক পৰিৱেশে বিৰাজ কৰে জগন্নাথ মহাপ্ৰভূৰ ক্ষেত্ৰ পুৰীত ৷
জ্যোতিষী পণ্ডিত আত্মৰাম শাস্ত্ৰীয়ে কয়, “ওড়িশা প্ৰদেশৰ পুৰীত জগন্নাথ জীৰ মন্দিৰ আছে । জগন্নাথ জীৰ যাত্ৰা ইয়াত দ্বাদশ শতিকাৰ পৰাই আৰম্ভ হৈছিল, যিটো যাত্ৰা প্ৰতি বছৰে আহাৰ মাহত ৰথ যাত্ৰা হিচাপে অনুষ্ঠিত কৰা হয় । ভগৱান জগন্নাথ বিষ্ণুৰ অৱতাৰ আৰু ভগৱান শ্ৰীকৃষ্ণও বিষ্ণুৰ অৱতাৰ ।’’ কোৱা হয় যে পুৰীত ভগৱান শ্ৰীকৃষ্ণই ভগ্নী সুভদ্ৰা আৰু জ্যেষ্ঠ ভাতৃ বলোৰামৰ সৈতে ৰথত এই যাত্ৰা আৰম্ভ কৰিছিল, তেতিয়াৰ পৰাই ভগৱান জগন্নাথৰ ৰথ যাত্ৰা আৰম্ভ হৈছিল যিটো অবিৰতভাৱে চলি আছে । এতিয়া পুৰীৰ লগতে ভক্তসকলে আহাৰ মাহত নিজ নিজ চহৰত এই যাত্ৰা অনুষ্ঠিত কৰে ।
লগতে পঢ়ক: পুৰীৰ ৰথ যাত্ৰা : এই আধ্যাত্মিক উৎসৱৰ ৰীতি-নীতি তথা কাৰ্যসূচীৰ সবিশেষ - Puri Rath Yatra 2024
শ্ৰীকৃষ্ণই পেহীয়েকৰ ঘৰত জিৰণি লৈ উভতি আহে:
পণ্ডিত আত্মাৰম শাস্ত্ৰীয়ে কয়, "ভগৱান শ্ৰীকৃষ্ণই পেহীয়েকৰ ঘৰত 7 দিন জিৰণি লয় আৰু তাৰ পিচত জ্যেষ্ঠ ভাতৃ বলোৰাম আৰু ভগ্নী সুভদ্ৰাৰ সৈতে ৰথত উঠি উভতি আহে বুলি বিশ্বাস কৰা হয় ।" ৰথ যাত্ৰা কৰি কৃষ্ণই ওড়িশাৰ পুৰীত থকা মাহীয়েকৰ ঘৰ গুণ্ডিচা মন্দিৰলৈ যায় । এই উৎসৱৰ সময়ত ভগৱান জগন্নাথে উভতনি যাত্ৰা আৰম্ভ কৰাৰ আগতে 7 দিন জিৰণি লয় বুলি বিশ্বাস কৰা হয় ।
অক্ষয় তৃতীয়াৰ পৰা প্ৰস্তুতি আৰম্ভ হয় :
ৰাথযাত্ৰা 9 দিন ধৰি চলে যদিও অক্ষয় তৃতীয়াৰ দিনাৰ পৰা ৰথ নিৰ্মাণেৰে ইয়াৰ প্ৰস্তুতি আৰম্ভ হয় । এই ৰথবোৰৰ কাঠ দশাপল্লাৰ অৰণ্যৰ পৰা আনি শ্ৰী মন্দিৰৰ কাঠমিস্ত্ৰীয়ে তৈয়াৰ কৰে । উৎসৱৰ সময়ত ভগৱান জগন্নাথ, ভগৱান বলোৰাম আৰু তেওঁলোকৰ ভগ্নী সুভদ্ৰাক কঢ়িয়াই অনা ডাঙৰ ডাঙৰ ৰথবোৰ ৰাজপথেৰে টানি নিয়া হয় ।
অজানিতে কৰা ভুল আৰু পাপ মৰিষণ হয় :
পণ্ডিত আত্মৰাম শাস্ত্ৰীয়ে জনাইছে যে পুৰীত আহাৰ মাহৰ শুক্ল পক্ষৰ দ্বিতীয়াত ভগৱান জগন্নাথৰ ৰথ যাত্ৰা আৰম্ভ হয় । এই যাত্ৰাত অংশগ্ৰহণ কৰিলে অজানিতে কৰা পাপ আৰু ভুলৰ পৰা মুক্তি পোৱা যায় । এই যাত্ৰাৰ গুৰুত্ব সমগ্ৰ বিশ্বতে আছে, সেয়ে এই যাত্ৰাত অংশগ্ৰহণ কৰিবলৈ দেশৰ বিভিন্ন প্ৰান্তৰ লগতে বিদেশৰ ভক্ত পুৰীত উপস্থিত হয় আৰু যিসকলে ইয়াত উপস্থিত হ’ব নোৱাৰে তেওঁলোকে এতিয়া নিজৰ অঞ্চলতে সৰুকৈ এই ৰথ যাত্ৰাৰ আয়োজন কৰিবলৈ আৰম্ভ কৰে ৷
জগন্নাথৰ প্ৰসাদ পাবলৈ সমগ্ৰ বিশ্বই বাঞ্ছা কৰে :
ভগৱান জগন্নাথৰ ক্ষেত্ৰত এটা বিখ্যাত প্ৰবাদ আছে যে ভগৱান জগন্নাথৰ ভাত আৰু পৃথিৱীৰ হাত । অৰ্থাৎ জগন্নাথক ভাত অৰ্থাৎ চাউল আগবঢ়োৱা হয় আৰু তাৰ পৰা প্ৰসাদ তৈয়াৰ কৰা হয় । এই প্ৰসাদ ল’বলৈ ইয়ালৈ বিশ্বৰ বিভিন্ন প্ৰান্তৰ পৰা মানুহ আহে । এই প্ৰসাদ ঘৰৰ ভঁৰালত ৰাখিলে সুখ, সমৃদ্ধি আৰু ধনৰ অভাৱ নহয় ।
লগতে পঢ়ক: কামাখ্যা মন্দিৰৰ ঐতিহ্য আৰু জনবিশ্বাস : ৰহস্যৰে ভৰা আধ্যাত্মিকতাৰ নীলাচল পাহাৰ - Ambubachi Mela 2024
