নেশ্যনেল ডেস্ক, 5 জুলাই : ব্ৰিটেইনৰ পৰৱৰ্তী প্ৰধানমন্ত্ৰী হ’বলৈ সাজু হৈছে কেইৰ ষ্টাৰমাৰ ৷ 4 জুলাইত অনুষ্ঠিত হোৱা সংসদীয় নিৰ্বাচনত অভিলেখ সংখ্যক ভাৰতীয় মূলৰ প্ৰায় ২৬ জন সদস্য সংসদৰ হাউছ অৱ কমনছলৈ নিৰ্বাচিত হৈছে ৷ এই প্ৰতিবেদনত নিজৰ আসনৰ পৰা জয়ী হোৱা ব্ৰিটিছ-ভাৰতীয় প্ৰাৰ্থীৰ বিষয়ে উল্লেখ কৰা হৈছে ৷
ঋষি ছুনাক :
সমষ্টি: ৰিচমণ্ড আৰু নৰ্থালেৰটন
পাৰ্টি: কনজাৰ্ভেটিভ পাৰ্টি
ব্ৰিটেইনৰ প্ৰথমজন ভাৰতীয় মূলৰ প্ৰধানমন্ত্ৰী ঋষি ছুনাকে উত্তৰ ইংলেণ্ডত নিজৰ আসন অক্ষুণ্ণ ৰাখিছে যদিও সাধাৰণ নিৰ্বাচনত পৰাজয় স্বীকাৰ কৰিছে ৷
শিৱানী ৰাজা :
সমষ্টি: লেইচেষ্টাৰ ইষ্ট
পাৰ্টি: কনজাৰ্ভেটিভ পাৰ্টি
লেষ্টাৰত জন্মগ্ৰহণ কৰা শিৱানীয়ে হেৰিক প্ৰাইমাৰী, ছ’য়াৰ ভেলী কলেজ, উইগেষ্টন আৰু কুইন এলিজাবেথ-1 কলেজত পঢ়িছিল ৷
ডি মণ্টফৰ্ট বিশ্ববিদ্যালয়ৰ পৰা কছমেটিক বিজ্ঞানত প্ৰথম শ্ৰেণীৰ সন্মানেৰে স্নাতক ডিগ্ৰী লাভ কৰে ৷ শিৱানী ৰাজাই লেষ্টাৰত জয়লাভ কৰিছে ৷ লেষ্টাৰ ইষ্টত অনুষ্ঠিত হোৱা এই যুঁজখনত বহু হেভিৱেট প্ৰাৰ্থী আছিল ৷
কনিষ্ক নাৰায়ণ :
সমষ্টি: ভেল অৱ গ্লেমৰ্গান
পাৰ্টি: লেবাৰ পাৰ্টি
ভাৰতীয় মূলৰ কনিষ্কা নাৰায়ণে জয়লাভ কৰি এতিয়া সংখ্যালঘু জাতিগত পটভূমিৰ প্ৰথমজন সাংসদ হিচাপে আত্মপ্ৰকাশ কৰিব ৷ ভাৰতত জন্মগ্ৰহণ কৰা নাৰায়ণে 12 বছৰ বয়সত কাৰ্ডিফলৈ যায় ৷ পিচলৈ তেওঁ দক্ষিণ ৱেলছত থাকি অক্সফৰ্ড আৰু ষ্টেনফৰ্ড বিশ্ববিদ্যালয়ত অধ্যয়ন কৰে ৷
ছুয়েলা ব্ৰেভাৰমেন :
সমষ্টি: ফেৰেহাম আৰু ৱাটাৰলুভিল
পাৰ্টি: কনজাৰ্ভেটিভ পাৰ্টি
2022 চনৰ 25 অক্টোবৰৰ পৰা 2023 চনৰ 13 নৱেম্বৰৰ ভিতৰত গৃহ বিভাগৰ ৰাজ্যিক সচিব আছিল ছুৱেলা ব্ৰেভাৰমেন ৷ ইয়াৰ পূৰ্বে 2022 চনৰ 6 ছেপ্টেম্বৰৰ পৰা 2022 চনৰ 19 অক্টোবৰৰ ভিতৰত একে ভূমিকা পালন কৰিছিল তেওঁ ৷ 2020 চনৰ ফেব্ৰুৱাৰী আৰু 2022 চনৰ 6 ছেপ্টেম্বৰত সংসদীয় অধীনস্থ ৰাজ্যিক সচিব হিচাপেও কাৰ্যনিৰ্বাহ কৰিছিল ৷ 2015 চনৰ মে' মাহত ফেৰেহামৰ কনজাৰ্ভেটিভ সাংসদ হিচাপে নিৰ্বাচিত হয় ছুৱেলা ৷ ছুৱেলা ব্ৰেভাৰমেনৰ জন্ম হৈছিল 1980 চনৰ এপ্ৰিল মাহত ৷ তেওঁৰ পিতৃ-মাতৃ দুয়োজনেই ভাৰতীয় মূলৰ আছিল ৷
শিক্ষা : লণ্ডনৰ হিথফিল্ড স্কুলত শিক্ষা গ্ৰহণ কৰা ছুৱেলাই কেম্ব্ৰিজৰ কুইন্স কলেজত আইন অধ্যয়ন কৰে ৷ পেন্থেয়ন-ছৰবনৰ পেৰিছ 1 বিশ্ববিদ্যালয়ৰ পৰা আইনত স্নাতকোত্তৰ ডিগ্ৰী লাভ কৰে আৰু নিউয়ৰ্ক এটৰ্নী হিচাপে যোগ্যতা অৰ্জন কৰে ৷
ৰাজনৈতিক কেৰিয়াৰ : ছুৱেলা ব্ৰেভাৰমেনৰ আইনী কেৰিয়াৰে তেওঁক ব্ৰিটেইনৰ পৰা আমেৰিকালৈ লৈ যায়, লণ্ডন আৰু নিউয়ৰ্ক তেওঁ বাৰ পৰীক্ষাত উত্তীৰ্ণ হয়। তেওঁ ৰাজনীতিত থিয় হৈছিল, চৰকাৰৰ অধিবক্তা হিচাপে কাম লাভ কৰিছিল আৰু কনজাৰ্ভেটিভ প্ৰাৰ্থী হিচাপে থিয় দিছিল ৷
2015 চনৰ নিৰ্বাচনত তেওঁ এগৰাকী সাংসদ হিচাপে নিৰ্বাচিত হয় আৰু ইউৰোপীয় ইউনিয়ন, ইমিগ্ৰেচন, আইন-শৃংখলা সম্পৰ্কে তেওঁৰ মতামতৰ বাবে দ্ৰুততাৰে সুনাম গঢ়ি তুলিছিল ৷ নতুন আইন গৃহীত হোৱাৰ পিচত তেওঁ 2021 চনত মাতৃত্বকালীন ছুটি লোৱা প্ৰথম কেবিনেট মন্ত্ৰী হিচাপে ইতিহাস সৃষ্টি কৰিছিল ৷
প্ৰীতি পেটেল :
সমষ্টি: উইথাম
পাৰ্টি: কনজাৰ্ভেটিভ পাৰ্টি
প্ৰীতি পেটেলৰ জন্ম লণ্ডনত উগাণ্ডা-ভাৰতীয় পৰিয়ালত হৈছিল আৰু তেওঁ কিল বিশ্ববিদ্যালয় আৰু এচেক্স বিশ্ববিদ্যালয়ত অধ্যয়ন কৰিছিল ৷ ৰক্ষণশীল প্ৰধানমন্ত্ৰী মাৰ্গাৰেট থ্যাচাৰৰ দ্বাৰা অনুপ্ৰাণিত হৈ তেওঁ কনজাৰ্ভেটিভ পাৰ্টীত যোগদান কৰাৰ পূৰ্বে ৰেফাৰেণ্ডম পাৰ্টিক সমৰ্থন কৰিছিল ৷ ৰাজনীতিত প্ৰৱেশ কৰাৰ পূৰ্বে, তেওঁ জনসম্পৰ্ক পৰামৰ্শদাতা প্ৰতিষ্ঠান ৱেবাৰ শ্বেণ্ডৱিকত কাম কৰিছিল ৷
গুজৰাটী বংশোদ্ভূত ৰাজনীতিবিদগৰাকীয়ে 2019ৰ পৰা 2022 চনলৈ গৃহ সচিব হিচাবে কাৰ্যনিৰ্বাহ কৰিছিল ৷ কনজাৰ্ভেটিভ পাৰ্টিৰ সদস্য পেটেল 2010 চনৰ পৰা উইথামৰ সাংসদ হৈ আছে ৷
শিক্ষা: প্ৰীতিয়ে কিল বিশ্ববিদ্যালয়ত অৰ্থনীতি অধ্যয়ন কৰাৰ পূৰ্বে ৱাটফৰ্ডৰ এখন বিদ্যালয়ত পঢ়িছিল ৷ পৰৱৰ্তী সময়ত তেওঁ এচেক্স বিশ্ববিদ্যালয়ত স্নাতকোত্তৰ অধ্যয়ন কৰে ৷
লগতে পঢ়ক : কেইৰ ষ্টাৰমাৰ কোন ? তেওঁৰ বিজয়ে ব্ৰিটেইন-ভাৰত সম্পৰ্কত প্ৰভাৱ পেলাবনে ? - Labour Party leader Keir Starmer
প্ৰীত কৌৰ গিল :
সমষ্টি: বাৰ্মিংহাম এজবাষ্টন
পাৰ্টি: লেবাৰ পাৰ্টি
ইউ কেৰ প্ৰথম শিখ মহিলা সাংসদ প্ৰীত কৌৰ গিলৰ জন্ম হৈছিল 1972 চনৰ 21 নৱেম্বৰত ৷ প্ৰীত এগৰাকী ব্ৰিটিছ ৰাজনীতিবিদ ৷ 2020 চনৰ পৰা আন্তঃৰাষ্ট্ৰীয় উন্নয়নৰ কেবিনেট হিচাপে কাৰ্যনিৰ্বাহ কৰি আছে ৷ তেওঁ লেবাৰ আৰু কো অপাৰেটিভ দলৰ সদস্য আৰু 2017 চনৰ পৰা বাৰ্মিংহাম এজবাষ্টনত সাংসদ হিচাপে কাৰ্যনিৰ্বাহ কৰি আছে ৷
প্ৰীত কৌৰ গিলৰ জন্ম বাৰ্মিংহামৰ এজবাষ্টনত হৈছিল ৷ তেওঁৰ পিতৃ-মাতৃ দলজিৎ সিং শ্বেৰগিল আৰু কুলদীপ কৌৰ শ্বেৰগিল ভাৰতীয় ৷ তেওঁ লৰ্ডছউড গাৰ্লছ স্কুল আৰু বৰ্ণভিল কলেজত অধ্যয়ন কৰিছিল ৷ কলেজৰ সময়ছোৱাত, গিলে ছাত্ৰ সন্থাৰ সভাপতি হিচাপে কাৰ্যনিৰ্বাহ কৰিছিল ৷ গিলে সমাজবিজ্ঞানত প্ৰথম শ্ৰেণীৰ B.Sc সৈতে স্নাতক ডিগ্ৰী লাভ কৰে ৷ স্নাতক হোৱাৰ পিচত তেঁও ভাৰতৰ পথৰ শিশুৰ বাবে এজন ইজৰাইলীৰ সৈতে কাম কৰিছিল ৷ তেওঁ ৱালথাম ফৰেষ্ট আৰু বাৰ্মিংহামত শিশু সুৰক্ষাৰ ওপৰত গুৰুত্ব দি এগৰাকী সমাজকৰ্মী হিচাপে কাম কৰিছিল, য'ত তেওঁ 2010 চনৰ পৰা 2017 চনলৈ শিশু সেৱা প্ৰৱন্ধকৰ পদত অধিষ্ঠিত আছিল ৷
তেওঁ প্ৰথমবাৰৰ বাবে চেণ্ডৱেল মেট্ৰ'পলিটান বৰো কাউন্সিলৰ কাউন্সিলাৰ হিচাপে নিৰ্বাচিত হৈছিল ৷ 2016 চনত তেওঁ পুনৰ নিৰ্বাচিত হয়; তেওঁৰ কাৰ্যকাল শেষ হয় মে’ 2018ত ৷ পৰিষদৰ সদস্য হিচাপে তেওঁৰ কাৰ্যকালত, তেওঁ জনস্বাস্থ্য আৰু সুৰক্ষাৰ বাবে কেবিনেট সদস্য হিচাপে কাৰ্যনিৰ্বাহ কৰিছিল ৷
তনমনজিৎ সিং ধেচী :
সমষ্টি: স্ল'
পাৰ্টি: লেবাৰ পাৰ্টি
তনমনজিৎ সিং ধেচী শ্ল'ৰ সাংসদ আৰু 8 জুন 2017 ৰ পৰা নিৰন্তৰ ভাৱে এজন সাংসদ হৈ আছে ৷ তনমনজিৎ সিং ধেচীয়ে বাৰ্কশায়াৰত জন্মগ্ৰহণ কৰিছিল ৷ ন বছৰ বয়সত ইউ কেলৈ উভতি অহাৰ আগতে তেওঁ ভাৰতৰ পঞ্জাৱত প্ৰাথমিক শিক্ষাৰ লাভ কৰিছিল ৷ ইউনিভাৰ্চিটি কলেজ লণ্ডনত মেনেজমেণ্টৰ সৈতে গণিতৰ ওপৰত গুৰুত্ব দি উচ্চ শিক্ষা লাভ কৰিছিল তেওঁ, তাৰ পিচত অক্সফৰ্ড বিশ্ববিদ্যালয়ত তেওঁ প্ৰায়োগিক পৰিসংখ্যাত এম এছ চি সম্পূৰ্ণ কৰে ৷ তেওঁ দক্ষিণ এছিয়াৰ ইতিহাসৰ আৰু গ্ৰেট বৃটেইনৰ সৈতে ইয়াৰ সংযোগ বিষয়ৰ ওপৰত কেমব্ৰিজ বিশ্ববিদ্যালয়ত এমফিল সম্পূৰ্ণ কৰে ৷
তনমনজিৎ সিং ধেচীয়ে প্ৰথম পাগুৰি পিন্ধা শিখ হিচাপে যিকোনো ইউৰোপীয় দেশৰ সংসদ সদস্য হিচাপে নিৰ্বাচিত হৈ ইতিহাস সৃষ্টি কৰে ৷ তেওঁ 2017 ৰ সাধাৰণ নিৰ্বাচনত শ্ল'ৰ বাবে সাংসদ হিচাপে নিৰ্বাচিত হৈছিল ৷ 2019 চনত তেওঁ পুনৰ নিৰ্বাচিত হয়৷ তেওঁৰ ৰাজনৈতিক যাত্ৰা পূৰ্বেই আৰম্ভ হৈছিল যেতিয়া তেওঁ 2007 চনত গ্ৰেভচামত কাউন্সিলাৰ হিচাপে নিৰ্বাচিত হৈছিল আৰু অৱশেষত 2011 চনত মেয়ৰ হৈছিল ৷
লগতে পঢ়ক : পৰাজয় স্বীকাৰ ঋষি ছুনাকৰ ; কেইৰ ষ্টাৰমাৰ হ'ব পৰৱৰ্তী প্ৰধানমন্ত্ৰী - UK General Election 2024
