নিউজ ডেস্ক, 15 ছেপ্টেম্বৰ: দেশত বিকশিত যুঁজাৰু বিমান লাইট কম্বেট এয়াৰক্ৰাফ্ট (LCA) তেজসৰ আপডেট সংস্কৰণৰ প্ৰস্তুতি চলি থকাৰ সময়তে ভাৰতে থলুৱা ৫.৫ প্ৰজন্মৰ যুঁজাৰু বিমান নিৰ্মাণৰ পৰিকল্পনাৰে নিজৰ প্ৰতিৰক্ষা ক্ষমতাও বৃদ্ধি কৰিছে, যাৰ প্ৰ’ট’টাইপ ২০২৮ চনৰ ভিতৰত সাজু হোৱাৰ আশা কৰা হৈছে ।
অত্যাধুনিক প্ৰযুক্তিৰে দেশৰ সামৰিক শক্তিক শক্তিশালী কৰা এই প্ৰকল্পৰ বাবে ভাৰতীয় বায়ুসেনা (IAF) আৰু প্ৰতিৰক্ষা গৱেষণা আৰু উন্নয়ন সংস্থা (DRDO)ৰ মাজত হোৱা বৈঠকত আলোচনা কৰা হয় । ২০৩৫ চনৰ ভিতৰত AMCA-ৰ সামুহিক উৎপাদন আৰম্ভ হোৱাৰ সম্ভাৱনা আছে । ২০০ খন এনে উন্নত যুঁজাৰু বিমান প্ৰস্তুত কৰা হ’ব ।
Witnessed an aerial display during the Tarang Shakti Exercise in Jodhpur today. The Exercise will strengthen cooperation, coordination and trust among the friendly countries. Tarang Shakti underscores the growing stature of the Indian Armed Forces. ⁰
— Rajnath Singh (@rajnathsingh) September 12, 2024
Today’s landmark event is an… pic.twitter.com/P2Yil2FPL5
এক্সাৰচাইজ তৰংগ শক্তি-২৪ত উপস্থিত থকা এৰ’নটিকেল ডেভেলপমেণ্ট এজেন্সী বাংগালুৰুৰ প্ৰতিনিধি বাজী ৰাজপুৰোহিতে কয় যে থলুৱা ৫.৫ প্ৰজন্মৰ যুঁজাৰু বিমানখন এখন এডভান্সড মিডিয়াম কম্বেট এয়াৰক্ৰাফ্ট (AMCA) আৰু ইয়াত ইলেক্ট্ৰনিক পাইলটিং চিষ্টেমৰ সমান্তৰালভাৱে দুটা ইঞ্জিন থাকিব ।
AMCA হ’ব প্ৰায় ২৭ টন ওজনৰ আৰু যথেষ্ট পৰিমাণৰ অস্ত্ৰৰ বোজা কঢ়িয়াব পৰা এখন আক্ৰমণকাৰী বিমান । ৰাজপুৰোহিতে কয়, ‘‘ডিজাইন সাজু হৈছে । আমাৰ পৰিকল্পনা অনুসৰি যদি ইঞ্জিন উৎপাদন আগবাঢ়ি যায় তেন্তে ২০২৮ চনৰ ভিতৰত AMCA ৰ প্ৰ’ট’টাইপ উন্মোচন কৰা হ’ব । উন্নয়ন প্ৰক্ৰিয়াত সাত বছৰ সময় লাগিব পাৰে ।’’
AMCA ৰ আন এটা গুৰুত্বপূৰ্ণ বৈশিষ্ট্য হ’ল ই সম্পূৰ্ণৰূপে গোপন কনফিগাৰেচনত ক্ষেপণাস্ত্ৰ কঢ়িয়াই নিব পাৰে, যাৰ ফলত যুদ্ধৰ সময়ত বিমানখনৰ কাৰ্য ক্ষমতা আৰু ফলপ্ৰসূতা বৃদ্ধি পায় । AMCA প্ৰকল্পই দেশৰ বাবে বৃহৎ নিয়োগৰ সুযোগ আৰু বৃহৎ বাণিজ্যৰ সৃষ্টি কৰিব বুলি আশা কৰা হৈছে ।
LCA মাৰ্ক ২ যুঁজাৰু বিমান: ২০২৬ চনৰ মাৰ্চ মাহত উৰণ আৰম্ভ হ’বলগীয়া ৪.৫ প্ৰজন্মৰ LCA মাৰ্ক ২ যুঁজাৰু বিমানৰ জৰিয়তে ভাৰতৰ থলুৱা যুঁজাৰু বিমানৰ উন্নয়নে যথেষ্ট উত্থান লাভ কৰাৰ সম্ভাৱনা আছে । বৰ্তমানৰ জাগুৱাৰ, মিগ-২৯ আৰু মিৰাজ ২০০০ বিমানৰ বহৰৰ ঠাইত LCA মাৰ্ক ২ বিমান ব্যৱহাৰ কৰাৰ মনস্থ কৰিছে চৰকাৰে । উত্তম ৰাডাৰ হ’ব LCA মাৰ্ক ২ৰ প্ৰাথমিক চেন্সৰ, য’ত একাধিক থলুৱা উপাদান থাকিব ।
তৰংগ শক্তিৰ দ্বিতীয় পৰ্যায়ৰ অন্ত: ১৪ ছেপ্টেম্বৰ শনিবাৰে সমাপ্ত হোৱা বহুজাতিক আকাশী অনুশীলন ‘তৰংগ শক্তি ২০২৪’ৰ দ্বিতীয় পৰ্যায়ৰ অনুশীলন ভাৰতীয় বায়ুসেনাৰ দ্বাৰা পৰিচালিত বহুজাতিক বিমান অনুশীলনৰ অন্যতম বৃহৎ তৰংগ শক্তি অনুশীলন । অন্তিম দিনা সামৰণি অনুষ্ঠানত অংশগ্ৰহণ কৰে আঠখন দেশৰ বায়ুসেনা প্ৰধানে ।
ভাৰতৰ উপৰিও আমেৰিকা, গ্ৰীচ, ইউ এ ই, ছিংগাপুৰ, শ্ৰীলংকা, জাপান আৰু অষ্ট্ৰেলিয়াৰ বায়ুসেনাই ২৯ আগষ্টৰ পৰা ১৪ ছেপ্টেম্বৰলৈ যোধপুৰ বিমানঘাটিত চলি থকা এই অনুশীলনত অংশগ্ৰহণ কৰে ।
ভাৰত, আমেৰিকা, গ্ৰীচ, ইউ এ ই, অষ্ট্ৰেলিয়া, জাপান, ছিংগাপুৰ, আৰু শ্ৰীলংকাৰ বায়ুসেনাৰ জোৱানসকলে যোৱা ১২ দিনত ভাৰতৰ যুদ্ধ বিমান ছুখৈৰ প্ৰশিক্ষণৰ সময়ত আকাশৰ পৰা আকাশলৈ আৰু আকাশৰ পৰা স্থললৈ অনুশীলনত অংশগ্ৰহণ কৰিছিল ছুখৈ-৩০, তেজস আৰু হেলিকপ্টাৰ প্ৰচণ্ডই আকাশত ষ্টাণ্ট কৰে ।
প্ৰতিৰক্ষা মন্ত্ৰণালয়ে পূৰ্বে কৈছিল যে ‘‘তৰংগ শক্তি অনুশীলন ২০২৪’’ৰ লক্ষ্য হৈছে ভাৰতৰ মহাকাশ উদ্যোগক ৰপ্তানিৰ সুযোগ বিচাৰি উন্নীত কৰা আৰু বিদেশী মূল সঁজুলি নিৰ্মাতাৰ যোগান শৃংখলাবদ্ধভাৱে একত্ৰিত কৰা ।
লগতে পঢ়ক: দুৰ্ঘটনাত পতিত উপকূলৰক্ষী বাহিনীৰ হেলিকপ্টাৰ, সন্ধানহীন ৩ গৰাকী ক্ৰু - ICG Chopper Crashes
জামছেদপুৰত বিমান দুৰ্ঘটনাগ্ৰস্ত: সন্ধানহীন দুই পাইলট - Training Plane Crashes
