নেশ্যনেল ডেস্ক,১৭ অক্টোবৰ : বিহাৰত বিষাক্ত সুৰা সেৱন কৰি এতিয়ালৈ ২৭ গৰাকী লোকৰ মৃত্যু হোৱাৰ খবৰ পোৱা গৈছে । বুধবাৰে ছিৱান আৰু চাৰণ জিলাত সুৰা সেৱন কৰাৰ পাছতে কেইবাজনো লোকক চিকিৎসালয়ত ভৰ্তি কৰোৱা হৈছিল । প্ৰশাসনে ছিৱানত ৪ গৰাকী আৰু চাৰণৰ ছপ্ৰা চহৰত দুগৰাকী লোকৰ মৃত্যু নিশ্চিত কৰিছে যদিও সূত্ৰৰ মতে যোৱা ২৪ ঘণ্টাত দুয়োখন জিলাত প্ৰায় ২৭ গৰাকী লোকে প্ৰাণ হেৰুৱাইছে । সূত্ৰৰ মতে বিষাক্ত সুৰা সেৱন কৰা প্ৰায় ৪৯ গৰাকী লোকক চিকিৎসালয়ত ভৰ্তি কৰোৱা হৈছিল । তেওঁলোকৰ বহুতৰ অৱস্থা সংকটজনক । অৱশ্যে প্ৰশাসনে মৃত আৰু চিকিৎসাধীন লোকসকলৰ পৰিচয় এতিয়ালৈ প্ৰকাশ কৰা নাই ।
চিকিৎসালয় প্ৰশাসনৰ মতে, ছিৱানত ২৯ গৰাকী আৰু চাৰণত ১০ গৰাকী লোকৰ অৱস্থা সংকটজনক । একে সময়তে চাৰণৰ এজন আৰু ছিৱানৰ ৪ জনক সংকটজনক অৱস্থাত পাটনাৰ পিএমচিএইচলৈ প্ৰেৰণ কৰা হৈছে ।
जांच में कुल 04 व्यक्तियों की मृत्यु होने की पुष्टि की गई है एवं अन्य व्यक्तयों का ईलाज सदर अस्पताल सिवान में किया जा रहा है। मृत्यु का कारण ज्ञात करने हेतु शव का पोस्टमार्टम करवाया जा रहा है। स्थिती सामान्य है। अग्रिम कार्रवाई की जा रही है।
— SIWAN POLICE (@sp_siwan) October 16, 2024
.
.#digsaran#BiharPolice#Bihar
সুৰা ট্ৰেজেডীৰ তদন্ত প্ৰক্ৰিয়া
ইফালে চাৰণ প্ৰশাসনে গোচৰটোৰ তদন্তৰ বাবে এক বিশেষ তদন্তকাৰী দল গঠন কৰিছে । চাৰণৰ জিলা উপায়ুক্ত অমন সমীৰে কয় যে তেওঁলোকে মৰণোত্তৰ পৰীক্ষাৰ প্ৰতিবেদনৰ বাবে অপেক্ষা কৰি আছে । আৰক্ষীয়ে এতিয়ালৈকে দুজন লোকক গ্ৰেপ্তাৰ কৰিছে । উপায়ুক্তই কয়,"মৃতকৰ চিনাক্তকৰণ আৰু গোচৰটোৰ তদন্ত চলি আছে । এতিয়ালৈকে দুজন লোকক গ্ৰেপ্তাৰ কৰা হৈছে । ঘটনাৰ তদন্তৰ বাবে এটা এছআইটি দল গঠন কৰা হৈছে ।"
ইফালে, ঘটনাটোৰ পাছতে জিলা প্ৰশাসনে মাঘৰ আৰু অৰিয়া পঞ্চায়তৰ দুই চকীদাৰক নিলম্বন কৰিছে । উপায়ুক্তৰ মতে স্থানীয় আৰক্ষী থানাৰ বিষয়াসকলৰ বিৰুদ্ধেও বিভাগীয় ব্যৱস্থা লোৱা হ'ব । ২০১৬ চনৰ এপ্ৰিলত নীতিশ কুমাৰ চৰকাৰে বিহাৰত সুৰাৰ বিক্ৰী আৰু সেৱন নিষিদ্ধ কৰিছিল । বিহাৰ চৰকাৰে শেহতীয়াকৈ স্বীকাৰ কৰিছে যে ২০১৬ চনৰ এপ্ৰিলত ৰাজ্যখনত নিষিদ্ধ কৰাৰ পাছতো বিষাক্ত সুৰা সেৱনৰ ফলত ১৫০ৰো অধিক লোকৰ মৃত্যু হৈছে ।
मशरक थानान्तर्गत नशीले पदार्थ के सेवन से 02 व्यक्तियों कि हुई मृत्यु एवं 02 ईलाजरत रहने वाले मामले में प्रथम दृष्टया आसुचना संकलन एवं क्षेत्र में निगरानी रखने में विफलता पाने पर पुलिस अधीक्षक, सारण द्वारा स्थानीय चौकीदार एवं पंचायत बीट पुलिस पदाधिकारी को (1/2)
— SARAN POLICE (@SaranPolice) October 16, 2024
বিৰোধীৰ সমালোচনা
এই ঘটনাৰ পিছতে বিহাৰ চৰকাৰৰ বিৰুদ্ধে সৰৱ হৈ পৰিছে বিৰোধী দলসমূহ । বিৰোধী আৰজেডিয়ে নীতিশ কুমাৰ চৰকাৰক প্ৰশ্ন কৰিছে যে ৰাজ্যখনত নিষিদ্ধ হৈ থকাৰ পাছতো কেনেকৈ সুৰা উপলব্ধ হৈ আছে ।
আৰজেডিৰ নেতা মৃত্যুঞ্জয় তিৱাৰীয়ে চৰকাৰক সমালোচনা কৰি কয়, "বিষাক্ত সুৰা সেৱন কৰি মানুহে প্ৰাণ হেৰুৱাইছে । এইটো অতি দুখজনক আৰু চিন্তাৰ বিষয় যে বিহাৰত সুৰা নিষিদ্ধকৰণ আইন বলবৎ থকা স্বত্বেও, সুৰা উপলব্ধ । হোলী আৰু দেৱালীৰ সময়ত প্ৰতিবাৰেই বিষাক্ত সুৰাৰ ফলত মানুহৰ মৃত্যু কেনেদৰে হয় । ইয়াৰ বাবে এন ডি এ চৰকাৰ পোনপটীয়াকৈ দায়বদ্ধ । সুৰা মাফিয়াসকলে চৰকাৰৰ সুৰক্ষা লাভ কৰে । এন ডি এ চৰকাৰ এই বিষয়ক লৈ চিন্তিত নহয় ।"
লগতে পঢ়ক :ডিপথেৰিয়াৰ প্ৰাদুৰ্ভাৱত ৭ শিশুৱে প্ৰাণ হেৰুওৱাৰ পিচত ৰাজস্থানত বিশ্ব স্বাস্থ্য সংস্থাৰ দল
