নিউজ ডেস্ক, 11 ছেপ্টেম্বৰ: Assam Direct Recruitment Examination 2024 বা অসম প্ৰত্যক্ষ নিযুক্তি পৰীক্ষা 2024 বিভিন্ন শ্ৰেণীৰ বাবে একাধিক তাৰিখত অনুষ্ঠিত হ'ব । গ্ৰেড 3 পদৰ বাবে পৰীক্ষা 15, 22 আৰু 29 ছেপ্টেম্বৰত অনুষ্ঠিত হ'ব, আনহাতে গ্ৰেড 4 পদৰ পৰীক্ষা 20 আৰু 27 অক্টোবৰত অনুষ্ঠিত হ'ব । মুঠ খালী পদ 12,600 টা ৷ গ্ৰেড 3 পদৰ বাবে 7,600 টা খালী পদ আৰু গ্ৰেড 4 পদৰ বাবে 5,000 খালী পদ ধাৰ্য কৰা হৈছে ।
ADRE 2024: এডমিট কাৰ্ডৰ বিৱৰণ আৰু পৰীক্ষাৰ সময়সূচী
ক’ৰ পৰা ডাউনলোড কৰিব এডমিট কাৰ্ড
ইতিমধ্যে ৰাজ্যিক পৰ্যায়ৰ নিযুক্তি আয়োগে (SLRC) অসম প্ৰত্যক্ষ নিযুক্তি পৰীক্ষাৰ গ্ৰেড 3 পদৰ বাবে প্ৰৱেশ পত্ৰ মুকলি কৰিছে ।
পৰীক্ষাৰ বাবে আবেদন কৰা প্ৰাৰ্থীসকলে তেওঁলোকৰ হল টিকট/ প্ৰৱেশ পত্ৰ তলত দিয়া ৱেৱছাইটৰ পৰা ডাউনলোড কৰিব পাৰে,
অসম চৰকাৰৰ ৱেবছাইট : (https://assam.gov.in/)
অসম মাধ্যমিক শিক্ষা পৰিষদৰ ৱেবছাইট : (https://site.sebaonline.org/)
পৰীক্ষাৰ সময়সূচী :
এডিআৰই গ্ৰেড 3 পৰীক্ষা 2024- 15, আৰু 29 ছেপ্টেম্বৰত দিনৰ 10.30 বজাৰ পৰা 1.30 বজালৈ অসমৰ বিভিন্ন কেন্দ্ৰত অনুষ্ঠিত হ'ব ।
পৰীক্ষাৰ দিনা পৰীক্ষাগৃহত প্ৰৱেশৰ বাবে বৈধ এডমিট কাৰ্ডৰ সৈতে নিজৰ এখন ফটোগ্ৰাফ এখন লৈ যোৱাটো বাধ্যতামূলক ।
সংশোধিত পৰীক্ষাৰ ধৰণ আৰু পাঠ্যক্ৰম
অসম প্ৰত্যক্ষ নিযুক্তি পৰীক্ষা (ADRE) 2024 ৰ পৰীক্ষাৰ ধৰণ গ্ৰেড ৩ আৰু গ্ৰেড ৪ দুয়োটা পদৰ বাবে সংশোধন কৰা হৈছে। নতুনকৈ নিৰ্ধাৰিত পৰীক্ষাৰ ধৰণমতে এই পৰীক্ষা তিনিটা স্তৰত অনুষ্ঠিত হ’ব- স্নাতক, উচ্চতৰ মাধ্যমিক. আৰু উচ্চ মাধ্যমিক ৷
এই পৰীক্ষা ওএমআৰ (OMR) আধাৰিত ফৰ্মেটত অনুষ্ঠিত কৰা হ'ব, একাধিক-বিকল্প প্ৰশ্নৰ (MCQ) সৈতে। Reading Comprehension অংশটোৰ বাহিৰে পৰীক্ষাৰ বাকী প্ৰশ্নসমূহ অসমীয়া, বড়ো, বঙালী, ইংৰাজী আৰু হিন্দীত ভাষাত উপলব্ধ হ'ব।
বিভিন্ন পৰ্যায়ৰ বাবে পৰীক্ষাৰ আৰ্হি (Syllabus) তলত দিয়া ধৰণৰ:
স্নাতক পৰ্যায়ৰ পদসমূহ
| বিষয় | প্ৰশ্ন | নম্বৰ |
| সমাজ অধ্যয়ন (Social Studies) | 30 | 30 |
| সাধাৰণ জ্ঞান (General Knowledge) | 35 | 35 |
যৌক্তিক যুক্তি তথা মানসিক ক্ষমতা (Logical Reasoning and Mental Ability) | 20 | 20 |
পঠন বোধগম্যতা তথা ইংৰাজী ভাষা (Reading Comprehension and English Language) | 25 | 25 |
| মুঠ | 150 | 150 |
উচ্চতম মাধ্যমিক পৰ্যায়ৰ পদসমূহ
| বিষয় | প্ৰশ্ন | নম্বৰ |
| সমাজ অধ্যয়ন (Social Studies) | 30 | 30 |
| সাধাৰণ জ্ঞান (General Knowledge) | 35 | 35 |
যৌক্তিক যুক্তি তথা মানসিক ক্ষমতা (Logical Reasoning and Mental Ability) | 20 | 20 |
| সাধাৰণ গণিত (General Mathematics) | 35 | 35 |
| সাধাৰণ ইংৰাজী (General English) | 35 | 35 |
| মুঠ | 150 | 150 |
উচ্চ মাধ্যমিক পৰ্যায়ৰ পদসমূহ
| বিষয় | প্ৰশ্ন | নম্বৰ |
| সমাজ অধ্যয়ন (Social Studies) | 20 | 20 |
| সাধাৰণ জ্ঞান (General Knowledge) | 30 | 30 |
| সাধাৰণ গণিত (General Mathematics) | 30 | 30 |
| সাধাৰণ ইংৰাজী (General English) | 30 | 30 |
| পথ পৰিবহন (Road Transport) | 20 | 20 |
| মুঠ | 150 | 150 |
পৰীক্ষা সন্দৰ্ভত কেইটামান উল্লেখযোগ্য কথা:
- পৰীক্ষাটোত প্ৰতিটো প্ৰশ্নৰ বিপৰীতে কেৱল এটা শুদ্ধ উত্তৰৰ সৈতে একাধিক-বিকল্প থাকিব ।
- প্ৰতিটো অশুদ্ধ উত্তৰৰ বাবে ¼ বা .025 নেগেটিভ মাৰ্কিং থাকিব । 4 টা অশুদ্ধ দিলে 1 নম্বৰ কটা যাব ৷
- প্ৰতিটো পৰীক্ষাৰ বাবে প্ৰশ্নৰ মুঠ সংখ্যা হৈছে 150, সময়- সৰ্বাধিক তিনি ঘণ্টা ।
- প্ৰাৰ্থীসকলক পৰীক্ষাৰ বাবে কাৰ্যকৰীভাৱে প্ৰস্তুত চলোৱাৰ কাৰণে ৰাজ্যখনৰ ইতিহাস, সাহিত্য, ভূগোল, সাম্প্ৰতিক পৰিক্ৰমা, আৰু উল্লেখযোগ্য ব্যক্তিত্বৰ দৰে অসম-নিৰ্দিষ্ট বিষয়ৰ ওপৰত গুৰুত্ব দিবলৈ পৰামৰ্শ দিয়া হৈছে।
বাছনি প্ৰক্ৰিয়া
অসম প্ৰত্যক্ষ নিযুক্তি গ্ৰেড 3 আৰু গ্ৰেড 4 ৰ খালী পদৰ বাবে বাছনি প্ৰক্ৰিয়াত লিখিত পৰীক্ষা আৰু তাৰ পিছত সাক্ষাৎকাৰ বা দক্ষতা পৰীক্ষা অনুষ্ঠিত কৰা হ’ব । লিখিত পৰীক্ষাত যোগ্যতা অৰ্জন কৰা প্ৰাৰ্থীসকলক নিযুক্তিৰ নিৰ্দেশনা অনুসৰি পৰৱৰ্তী পৰ্যায়ৰ বাবে মাতি পঠিওৱা হ'ব ।
লগতে পঢ়ক: ৰাজ্য চৰকাৰৰ তৃতীয় আৰু চতুৰ্থ বৰ্গৰ পদৰ পৰীক্ষাৰ দিন ঘোষণা - ADRE Exam Date
