دہلی۔ممبئی انڈسٹریل کوریڈور پروجیکٹ Delhi-Mumbai Railway Corridor Project سے متاثر کسان زمین کے حصول کے نئے قانون کے تمام فوائد کا مطالبہ کر رہے ہیں۔ ان مطالبات کے تعلق سے دادری کے پلہ گاؤں میں گزشتہ سات دنوں سے دھرنا جاری ہے۔
اس تعلق سے گریٹر نوئیڈا اتھارٹی اور ضلع انتظامیہ سے بات چیت ہوگی جبکہ تحریک کے لیے حکمت عملی تیار کرنے کے لیے پیر کو پانچ گاؤں کی پنچایت بلائی گئی ہیں۔
کن مطالبات کے حوالے سے تحریک چل رہی ہے؟
یہ تحریک کسان ادھیکار یووا روزگار آندولن کی کال پر چل رہی ہے۔ جس میں کسان نئے لینڈ ایکوزیشن ایکٹ 2013 کے مطابق مارکیٹ ریٹ سے 4 گنا معاوضہ کا مطالبہ کر رہے ہیں۔ اس کے علاوہ کُل ایکوائر کی گئی اراضی میں سے 20 فیصد ڈیولپڈ پلاٹ اور تمام نوجوانوں کے لیے روزگار کی مانگ ہے نیز کسانوں کی بستیوں کو جوں کا توں چھوڑنے اور کسانوں کے ساتھ آباد کاری کے تمام فوائد، بے زمین اور غریب خاندانوں کو دینے کا مطالبہ ہے۔
اتھارٹی کا کام روکنے کی وارننگ
کسانوں نے 13 دسمبر کو کلکٹریٹ اور 17 دسمبر کو گریٹر نوئیڈا اتھارٹی کا گھیراؤ کیا تھا۔ جس کے بعد افسران نے 20 یا 21 دسمبر کو گریٹر نوئیڈا اتھارٹی کے سی ای او اور ڈسٹرکٹ مجسٹریٹ کے ساتھ بات چیت کا یقین دلایا تھا۔
اب کسانوں نے خبردار کیا ہے کہ اگر ان کے مطالبات کو جلد پورا نہیں کیا گیا تو گریٹر نوئیڈا اتھارٹی کے ترقیاتی کاموں کو روک دیا جائے گا۔