آخری مرحلے کی ووٹنگ سے قبل بھانگوڑ میں خونی جھڑپیں،متعدد افراد زخمی (etv bharat)
جنوبی24 پرگنہ: لوک سبھا انتخابات کے آخری مرحلے کی ووٹنگ سے محض چند گھنٹے قبل جنوبی 24 پرگنہ کے بھانگوڑ اسمبلی کے بھنارڈ علاقے میں سیاسی جماعتوں کے درمیان تصادم سے علاقے میں سنسنی پھیل گئی۔
نامعلوم شرپسندوں نے حکمراں جماعت ترنمول کانگریس کے لیڈروں اور کارکنان کو نشانہ بناتے ہوئے بموں سے حملہ کیا۔ترنمول کانگریس نے آئی ایس ایف پر مبینہ حملے کا الزام لگایا۔
ذرائع کے مطابق جنوبی 24 پرگنہ کے بھانگوڑ اسمبلی کے شمالی کاشی پور تھانہ کے تحت بنیارا علاقے میں نامعلوم شرپسندوں نے بموں سے حملہ کردیا۔اس حملے میں حکمراں جماعت ترنمول کانگریس کے کئی رہنما اور کارکنان زخمی ہوگئے۔علاقے کے ترنمول لیڈر رفیق خان پارٹی پروگرام مکمل کرکے کارکنوں کے ساتھ گھر لوٹ رہے تھے تو ان پر بموں سے حلہ کیاگیا۔