شادی بھاگیہ، شادی محل اسکیموں کو دوبارہ شروع کرنے کا مطالبہ

Congress Leader on Minority: بیدر ضلع کے سینیئر کانگرس لیڈر ڈاکٹر مقصود چندا نے میڈیا سے بات کرتے ہوئے ریاست میں شادی بھاگیہ، شادی محل اسکیموں کو دوبارہ شروع کرنے کا مطالبہ کیا۔ ان کا کہنا ہے کہ مسلمانوں نے ووٹ دے کر اپنا کام کر دیا ہے اور اب کانگریس کی قیادت والی ریاستی حکومت کی وعدہ نبھانے کی باری ہے۔

بیدر:ریاست کرناٹک کے بیدر ضلع کے سینیئر کانگرس لیڈر ڈاکٹر مقصود چندا نے میڈیا سے بات کرتے ہوئے کہا کہ ریاست کرناٹک کی عوام نے بی جے پی کی حکومت کو ختم کرنے اور ریاست میں امن و امان کو برقرار رکھنے کے لیے کانگریس کو عوام نے اقتدار میں لایا ہے۔ اب کانگرس پارٹی کے ذمہ داران کا یہ اولین فریضہ ہے کہ ریاست میں بسنے والے تمام مذاہب کے لوگوں کا ہر ممکن تحفظ کرتے ہوئے ایک کامیاب حکمرانی کی مثال قائم کریں۔

ڈاکٹر مقصود چندا نے بالخصوص مسلمانوں کے حوالے سے بات کرتے ہوئے کہا کہ ریاستی حکومت کو چاہیے کہ وہ انے والے بجٹ میں خصوصا مسلمانوں کو مستحکم بنانے کے لیے منصوبہ بندی کی جائے۔ سابقہ بی جے پی حکومت نے اقلیتوں کے ساتھ جو متعصبانہ ذہن کی وجہ سے جن اسکیموں کو بند کر دیا تھا ان اسکیموں کو پھر سے شروع کریں، بالخصوص شادی بھاگیہ اور شادی محل اسکیموں کو دوبارہ شروع کریں۔

انہوں نے کہا کہ شادی بھاگیہ اسکیم جس کے تحت کانگرس حکومت میں 50 ہزار روپے دیے جاتے تھے، اس بار ہماری حکومت سے مطالبہ ہے کہ پڑوسی ریاست کی طرح ریاست کرناٹک میں بھی لڑکیوں کی شادی کے لیے ایک لاکھ روپے دیے جائیں۔ وہ اضلاع اور ان کے تعلقہ جات جہاں پر شادی محل نہیں ہیں، ایسے علاقوں میں شادی محل اسکیم شروع کرتے ہوئے اقلیتوں کے لیے بھی بہتر سہولت پہنچانے کا کام کریں۔