گلبرگہ کے کانگریس کے امیدوار رادھا کرشنا دوڈمنی کا شاندار استقبال - Congress candidate in Gulbarga

Congress Candidate Radhakrishna Doddamani in Gulbarga: حلقہ پارلیمان گلبرگہ کے کانگریس کے امیدوار رادھا کرشنا دوڈمنی الیکشن ٹکٹ حاصل کرنے کے بعد پہلی مرتبہ گلبرگہ آمد پر شاندار استقبال کیا گیا۔

گلبرگہ:ریاست کر‌ناٹک میں 2024 حلقہ پارلیمان انتخابات کی تیاریاں زوروں پر ہیں۔ اس موقع پر گلبرگہ حلقہ پارلیمان سے کانگریس پارٹی کی جانب رادھا کرشنا دوڈمنی کانگریس کے امیدوار ہیں۔ اس موقع پر شہر کے نگر یشور اسکول گنج سے جلوس کی شکل میں انہیں کانگریس دفتر تک لیجایا گیا۔ گلبرگہ جنوب کے رکن اسمبلی شری الم پربوپاٹل نے کہا گلبرگہ حلقہ ہمیشہ سے کانگریس پارٹی کا گڑھ مانا جاتا ہے۔ یہاں سے کئ مرتبہ کانگریس پارٹی کے قومی صدر ڈاکٹر ملکارجن کھرگے کو کامیابی حاصل ہوئی ہے اور انھوں اس حلقہ میں کئی ترقیاتی کام‌کئے ہیں۔ اس بار ڈاکٹر ملکارجن کھرگے کے داماد رادھا کرشنا کو کانگریس پارٹی نے ٹکٹ دیکر اپنا امیدوار بناکر میدان میں اتارا ہے۔
یہ بھی پڑھیں:

رادھا کرشنا ہمیشہ سے ڈاکٹر ملکارجن کھرگے کے ساتھ رہ کر کام‌کیا ہے۔ یہ ایک خاموش خدمات گزار ہیں اور ان کا تعلق ہر مذہب کے عوام سے رہا ہے۔ اس مرتبہ 2024 حلقہ پارلیمان انتخابات میں رادھا کرشنا کو ضرور کامیابی حاصل ہوگی ۔اس موقع پر کانگریس پارٹی آفس میں جلسہ عام منعقد ہوا۔