گاندربل میں کوڑھ بیماری کا عالمی دن منایا گیا

گاندربل میں کوڑھ بیماری کے عالمی دن کے موقعے پر ٹاؤن ہال گاندربل میں محکمہ صحت کی جانب سے تقریب کا اہتمام کیا گیا۔ اس تقریب میں مہمان خصوصی کی حیثیت سے ایڈیشنل ڈپٹی کمشنر گاندربل گلزار احمد خان نے شرکت کی۔

گاندربل:گاندربل میں کوڑھ بیماری کا عالمی دن منایا گیا۔ کوڑھ بیماری کے عالمی دن کے موقعے پر ٹاؤن ہال گاندربل میں محکمہ صحت کی جانب سے ایک شاندار تقریب کا اہتمام کیا گیا جس میں ایڈیشنل ڈپٹی کمشنر گاندربل گلزار احمد خان مہمان خصوصی کی حیثیت سے موجود رہے۔ تقریب کا انعقاد جذام کے مرض اور اس کی روک تھام کے بارے میں بیداری پیدا کرنے کے لیے کیا گیا تھا، جس کا مقصد 2027 تک جذام کے خاتمے کے لیے تمام اسٹیک ہولڈرز کو صحت اور خاندانی بہبود کی وزارت کی طرف سے جاری کردہ رہنما خطوط کے مطابق آگاہ کرنا تھا۔

تقریب کا آغاز خطبہ استقبالیہ سے کیا گیا اور اس افتتاحی سیشن میں سی ایم او گاندربل ڈاکٹر افروزہ شاہ نے مہمانوں کا استقبال کیا، جنہوں نے اس دن کی اہمیت اور قومی جذام کے خاتمے کے پروگرام کے اغراض و مقاصد پر روشنی ڈالی۔ اس موقع پر صحت کی دیکھ بھال کرنے والے اہلکاروں کی کاوشوں کو سراہتے ہوئے، انہوں نے ان پر زور دیا کہ وہ فعال نگرانی میں اضافہ کریں اور اس بات کو یقینی بنائیں کہ وہ کوڑھ بیماری کے کسی بھی مریض کا پتہ لگا کر اس کا علاج و معالجہ کرائیں۔

اس موقع پر اے ڈی سی گاندربل گلزار احمد خان نے این ایل ای پی کے تحت اہداف حاصل کرنے کے لیے تمام اسٹیک ہولڈرز کے کردار اور ذمہ داریوں پر روشنی ڈالی۔ انہوں نے اس بیماری سے لگنے والے داغ کو ختم کرنے اور اس بات کو یقینی بنانے پر بھی زور دیا، کہ رہنما خطوط کے مطابق تمام مستحقین کا مناسب خیال رکھا جائے۔ عہد کی تقریب کی قیادت بھی کی جس میں تمام اسٹیک ہولڈرز نے شرکت کی۔ تقریب میں شہدا کو خراج و تحسین پیش کرنے کے لئے حاضرین نے دو منٹ کی خاموشی بھی اختیار کی۔

اس موقع پر ڈاکٹر سفینہ مشتاق، ڈسٹرکٹ ایپیڈیمولوجسٹ، این سی ڈی اور مسٹر بلال احمد، سماجی کارکن نے بھی خطاب کیا۔ ڈاکٹر سفینہ نے شرکا کو بیماری کے بارے میں آگاہ کیا، اسکریننگ ماڈیول اور علاج کے پروٹوکال مسٹر بلال نے اس کے خاتمے اور اس سے منسلک ممنوعہ کو ختم کرنے میں اپنا کردار ادا کرنے کے لیے عام لوگوں کے کردار پر روشنی ڈالی۔

اس موقعے پر ڈسٹرکٹ سوشل ویلفیئر افسر گاندربل، ایگزیکٹیو افسر میونسپل کونسل گاندربل، پروجیکٹ افسر آئی سی ڈی ایس گاندربل، میڈیکل سپرنٹنڈنٹ ڈی ایچ گاندربل، میڈیکل سپرنٹنڈنٹ، ایس ڈی ایچ، ڈسٹرکٹ امیونائزیشن افسر گاندربل، تمام بلاک میڈیکل افسراں اور این ایل ای پی پروگرام سے وابسطہ فیلڈ ورکرز بھی موجود تھے۔

معززین نے مستحقین میں امدادی کٹس بھی تقسیم کیے، جو پہلے ہی زیر علاج ہیں۔ تقریب کے اختتام سے قبل اس پروگرام اور تقریب کو کامیاب بنانے کے لیے تمام افسران و اہلکاروں کی کاوشوں کی سراہنا کی گئی اور ان کی حوصلہ افزائی کے لیے انہیں ضروری اسناد سے نوازا گیا۔

پروگرام کے اختتام کے بعد اے ڈی سی گاندربل کی قیادت میں ایک ریلی ٹاؤن ہال سے دودرہامہ چوک گاندربل تک نکالی گئی جس میں تقریب میں موجود اشخاص کے علاوہ بہت سارے لوگوں نے بڑھ چڑھ کر حصہ لیا اور اس بیماری سے چہرے پر لگنے والے داغ کے بارے میں اور اس سے ضروری احتیاط برتنے کے بارے میں جانکاری دی گئی۔

مجموعی طور پر ٹاؤن ہال گاندربل میں انسداد جذام کے قومی دن کی تقریب سرکاری افسران/ اہلکاروں، صحت کی دیکھ بھال کرنے والے پیشہ ور افراد اور کمیونٹی کے درمیان جذام کے خاتمے اور متاثرہ افراد کے لیے بہتر صحت کی دیکھ بھال کو یقینی بنانے کے لیے مل کر کام کرنے کے لیے ایک پلیٹ فارم واگذار کیا گیا۔