اننت ناگ کے سیمتھن میں محکمہ آبپاشی اور جیولوجی مائننگ کے خلاف احتجاج - protesting against the I And FC

ضلع اننت ناگ کے سیمتھن میں مقامی باشندوں نے محکمہ آبپاشی اور جیولوجی مائننگ کے خلاف احتجاج کیا۔انہوں نے کہاکہ رواں برس کسانوں کو نہر کے ذریعہ کھیتوں تک پانی فراہم کرنے کے لیے خود بلڈوزر کرایہ پر لینا پڑا۔ حالانکہ مقامی کسانوں نے کئی بار یہ مسلہ متعلقہ محکمہ کی نوٹس میں لایا تاہم انہوں نے لوگوں کی پریشانیوں کو دور کرنے میں کبھی کوئی دلچسپی نہیں دیکھائی

اننت ناگ:ضلع اننت ناگ کے سیمتن کے باشندوں نے محکمہ آبپاشی اور جیولوجی مائننگ کے خلاف احتجاج کرتے ہوئےکہا کہ مقامی باشندوں کی ذرائع معاش زراعت پر منحصر ہےلیکن محکمہ آبپاشی اور جیولوجی مائننگ کی عدم توجہی کے سبب صورتحال اور زیادہ سنگین ہوتی جا رہی ہے۔غیر مناسب آبپاشی کی وجہ سے فصلوں برباد ہو رہیں ہیں۔

انہوں نے مزید کہاکہ آمدنی بھی کم ہوتی جا رہی ہے۔مقامی باشندوں کو بڑی دشواریوں کا سامنا کرنا پڑ رہا ہے۔مقامی باشندوں نے محکمہ آبپاشی پر لاپرواہی کا الزام لگایا۔مقامی باشندوں نے آبپاشی کے ڈھانچے کو مزید بہتر بنانے کا مطالبہ کیا۔محکمہ کی جانب سے اگر جلد سے جلد سے حالات کو بہتر نہیں بنائے گے تو ہماری پریشانیوں میں مزید اضافہ ہو سکتا ہے۔

سیمتھن کے باشندوں کا کہنا ہے کہ انہوں نے اپنے محدود وسائل کا استعمال کرتے ہوئے نہریں بحال کرنے کا کام خود سنبھال لیا ہے۔ تاہم مقامی سطح پر کوشش پائیدار حل نہیں ہے۔متعلقہ محکموں سے فوری کارروائی کا مطالبہ کر رہے ہیں تاکہ ان کے کھیتوں میں سینچائی کے لئے پانی کی نکاسی کی کو یقینی بنایا جا سکے۔

اس کے علاوہ مقامی لوگوں نے I&FC اور جیولوجی مائننگ محکموں سے مواصلات نظام کو بہتر بنے کا مطالبہ کیا۔ ان کا خیال ہے کہ محکمہ کی سنجیدگی سے اٹھائے گئے اقدامات کے باعث مقامی باشندوں کا مسئلہ حل ہو سکتا ہے۔