لرو جاگیر ترال میں سڑک کی خستہ حالی سے عوام پریشان
ترال( پلوامہ) سڑکوں کی خستہ حالی کو دور کرنے کے لیے اقدامات کا دعویٰ اگرچہ سرکاری انتظامیہ کی جانب سے بار بار کیا جاتا ہے، تاہم جنوبی کشمیر کے ترال میں واقع لروجاگیر کی آبادی سڑک کی خستہ حالی کو لیکر سراپا احتجاج ہے۔ لوگ کی سڑک کی تعمیر کا بار بار مطالبہ کرتے ہیں لیکن بدقسمتی سے اس حوالے سے کوئی پیش رفت نہیں ہوئی۔
مقامی لوگوں کے مطابق لرو جاگیر ترال سے گورنمنٹ مڈل سکول تک جانے والی اندرونی رابطہ سڑک انتہائی خستہ حالی کی شکار ہوگئی ہے۔ مقامی لوگوں نے بتایا کہ وہ پچھلے کئی برسوں سے رابطہ سڑک پر تجدید مرمت اور میکڈم بچھانے کی مانگ کر رہے ہیں، لیکن ابھی تک ان کی کوئی شنوائی نہیں ہوئی۔