بانڈی پورہ میں ماہی گیروں کے لئے مفت طبی کیمپ کا اہتمام - medical camp In Bandipora

ضلع بانڈی پورہ کے لہڑول پورہ گاوں میں سی آر پی ایف کی جانب سے مفت طبی کیمپ کا اہتمام کیا گیا۔ ماہی گیروں کی ایک بڑی تعداد نے طبی کیمپ میں شرکت کی

بانڈی پورہ: کشمیر کے بانڈی پورہ ضلع کے لہڑوال پورہ گاؤں کے ماہی گیر برادری نے منگل کو سنٹرل ریزرو پولیس فورس (سی آر پی ایف) کے 3 بٹالین کی جانب سے پنے گاؤں میں مفت طبی کیمپ منعقد کرنے پر شکریہ ادا کیا۔

مقامی باشندوں نے میڈیا سے بات کرتے ہوئے کہا کہ ان کے گاؤں میں بنیادی طبی سہولیات میسر نہیں ہیں جس کی وجہ سے وہ ایک گولی خریدنے کے لیے کئی کلومیٹر کا سفر طے کرنے پر مجبور ہیں۔

نذیر احمد نام کے ایک مقامی باشندہ نے بتایا کہ اس میڈیکل کیمپ سے ہمارے لیےایک امید پیدا ہوگئی ہے۔کیمپ میں موجود ڈاکٹروں نے ہماری اچھی طرح سے جانچ پڑتال کرنے کے علاوہ ہمیں مفت ادویات دی گئیں ۔

انہوں نے یہ بھی کہا کہ ان علاقوں میں لوگوں کو بنیادی طبی سہولتیں میسر نہیں ہیں، دہلیز پر اس طرح کے فری میڈیکل کیمپ ان کے لیے بغیر کسی دقت کے علاج کروانے کا موقع فراہم کرتے ہیں

مہندر کمار نے میڈیا سے بات کرتے ہوئے کہاکہ ہم ضلع بانڈی پورہ میں دور دراز علاقوں کے لوگوں کو بنیادی طبی سہولیات فراہم کرنے کے لیے پرعزم ہیں۔ آنے والے مہینوں میں دور دراز علاقوں میں اس طرح کے مزید طبی کیمپ منعقد کریں گے۔