پلوامہ میں موسم کی پہلی برفباری، لوگوں کے چہروں پر مسکراہٹ

ضلع پلوامہ کے بالائی علاقوں میں موسم کی پہلی برفباری نے ضلع میں طویل خشکی کا خاتمہ کرکے لوگوں کے چہروں پر مسکراہٹیں بکھیر دیں۔

پلوامہ : جنوبی کشمیر کے ضلع پلوامہ میں پچھلے کئی مہینوں سے طویل خشک موسم دیکھنے میں آیا ہے جس نے ضلع میں باغبانی اور زراعت کے شعبے کو متاثر کیا ہے۔ طویل خشک موسم کی وجہ سے وادی کے مختلف علاقوں میں پینے کے پانی کا شدید بحران بھی دیکھنے میں آیا کیونکہ وادی میں پانی کے بڑے وسائل سوکھ گئے تھے۔

ضلع پلوامہ کے بالائی علاقوں میں موسم کی پہلی برفباری ہوئی جبکہ میدانی علاقوں میں ہلکی بارش ہوئی جس سے ضلع میں طویل خشکی ختم ہوگئی۔ وہی ضلع پلوامہ کے سنگروانی علاقہ میں لوگوں کو سردیوں کے موسم میں پینے کے پانی، بجلی کی سہولیات اور طبی سہولیات کے حوالے سے بہت سی مشکلات کا سامنا کرنا پڑتا ہے۔

علاقہ کے ایک مقامی زاہد احمد نے بتایا کہ موسموں کی برف باری لوگوں کے چہروں پر مسکراہٹ لاتی ہے کیونکہ علاقے کے لوگوں کی اکثریت باغبانی اور زراعت کے شعبے سے وابستہ ہے۔ انہوں نے کہا کہ سردیوں کے دوران علاقے کو بجلی، پینے کے پانی کی سہولیات اور طبی سہولیات کے حوالے سے بہت سی مشکلات کا سامنا کرنا پڑتا ہے اور ضلع انتظامیہ پلوامہ سے اپیل کی کہ وہ ضلع کے بالائی علاقوں کے لوگوں کو درپیش مسائل کی طرف توجہ دیں۔ علاقہ کے لوگوں نے ضلع انتظامیہ پلوامہ سے اپیل کی کہ وہ علاقہ کے لوگوں کو درپیش مسائل کا ازالہ کریں۔