'ఐదేళ్లు కొనసాగుతా.. రెండు ప్రపంచకప్​లలో ఆడతా'

'వయసు పెరిగేకొద్దీ ఎవరికైనా అలుపొస్తుంది. కానీ నాకు మాత్రం ఊపు వస్తుంది' అని అంటున్నాడు వెస్టిండీస్​ విధ్వంసకర బ్యాట్స్​మన్​ క్రిస్​గేల్​. నాలుగు పదుల వయసు దాటినా.. తనలో ఏమాత్రం సత్తువ తగ్గలేదని చెబుతున్నాడు. మరో ఐదేళ్ల పాటు క్రికెట్​లో కొనసాగుతానని ఇటీవలే ఓ ఇంటర్వ్యూలో స్పష్టం చేశాడు.

మరో ఐదేళ్ల వరకు రిటైర్మెంట్​ తీసుకునే ప్రసక్తే లేదంటున్నాడు వెస్టిండీస్​ విధ్వంసకర బ్యాట్స్​మన్ క్రిస్​గేల్​. దుబాయిలో జరుగుతోన్న 'అల్టిమేట్​ క్రికెట్​ లీగ్(యూకేసీ)'​ సందర్భంగా తన రిటైర్మెంట్​పై స్పష్టతనిచ్చాడు.

క్రిస్​ గేల్

"ప్రస్తుతానికి రిటైర్మెంట్​ ప్రకటించే ఉద్దేశం లేదు. మరో ఐదేళ్లు ఆడగలనని భావిస్తున్నా. కాబట్టి 45ఏళ్లలోపు ఎట్టిపరిస్థితుల్లో విరమించేది లేదు. ఇంకో రెండు ప్రపంచకప్​ల వరకు ఆడతా. క్రికెట్​లో యూకేసీ ఒక కొత్త, ఉత్సాహవంతమైన ఫార్మాట్​. అందరికీ తప్పకుండా నచ్చుతుంది."

-క్రిస్​ గేల్, వెస్టిండీస్ బ్యాట్స్​మన్

ఇండియన్​ ప్రీమియర్​ లీగ్​ 13వ సీజన్​లో క్రిస్​ గేల్​ బ్యాట్​తో దుమ్ములేపి.. కేవలం 7మ్యాచ్​ల్లో 288 పరుగులు చేశాడు. మరోవైపు వయసు అనేది కేవలం సంఖ్య మాత్రమే అంటున్నాడు యూనివర్సల్​ బాస్.

క్రిస్​ గేల్

ఇదీ చూడండి:హిట్​మ్యాన్ రోహిత్ శర్మకు వైస్ కెప్టెన్సీ