బాలీవుడ్ దిగ్గజ నటుడుఅమితాబ్‌ బచ్చన్ సాంకేతికతను అందిపుచ్చుకోవడంలో యువ నటులకు ఏ మాత్రం తీసిపోరు. అభిమానులతో తన మనసులో మాట పంచుకునేందుకు ఏప్రిల్‌ 17, 2008న బ్లాగ్ ప్రారంభించారు. ఈ బ్లాగ్ కు 11 ఏళ్లు నిండిన సందర్భంగా ట్విట్టర్ ద్వారా అభిమానులకు ధన్యవాదాలు తెలిపారు. అమితాబ్ ట్విట్టర్ ఖాతాలోనూ చురుగ్గా ఉంటూ 36.9 మిలియన్ల ఫాలోవర్లను సంపాదించుకున్నారు.
" ఏప్రిల్‌ 17, 2008న ప్రారంభమైన ఈ ప్రయాణంలో విరామం, విసుగు లేకుండా ప్రతి రోజు మీ ప్రేమ పొందినందుకు మీకు నమస్కరిస్తున్నా’’
- అమితాబ్ బచ్చన్ , ప్రముఖ బాలీవుడ్ నటుడు