ఏప్రిల్ 24న ఇండోనేసియాలోని జకార్తాలో ఆసియాన్ దేశాల సదస్సు జరగనుంది. మయన్మార్లో నెలకొన్న రాజకీయ సంక్షోభంపై చర్చించేందుకు సమావేశమవుతున్నట్లు ఇండోనేసియా అధ్యక్షుడు జోకో విడోడో సన్నిహిత వర్గాలు తెలిపాయి. 10 సభ్య దేశాల అధినేతలందరూ పాల్గొనే అవకాశం ఉన్నట్లు వెల్లడించాయి.
మయన్మార్లో సైనిక ప్రభుత్వ మారణకాండలో దాదాపు 700లకుపైగా పౌరులు మరణించారు. మయన్మార్లో సైన్యం తిరుగుబాటు చేసిన తర్వాత ఘర్షణల్లో వందల మంది చనిపోయిన క్రమంలో ఆసియన్ సదస్సుకు పిలుపునిచ్చారు విడోడో. ఈ క్రమంలో భేటీ అవుతున్నట్లు తెలుస్తోంది.