వివిధ దశల్లో ఎదురయ్యే ఆర్థిక అవసరాలను తట్టుకునేందుకు వీలుగా బీమా రక్షణ, పొదుపు కలిసి ఉండే పాలసీని ఎక్సైడ్ లైఫ్ ఇన్సూరెన్స్ అందుబాటులోకి తెచ్చింది. మూడేళ్ల వయసు నుంచి 60 ఏళ్ల వయసు వారి వరకూ ఈ పాలసీని ఎంచుకునేందుకు అర్హులు. ఇది నాన్ లింక్డ్, నాన్ పార్టిసిపేటింగ్ లైఫ్ ఇన్సూరెన్స్ పాలసీ. రెండు రకాలుగా అందుబాటులో ఉంది.
'ఇన్కం' ఐచ్ఛికాన్ని ఎంచుకున్నప్పుడు.. ఆరేళ్లపాటు ప్రీమియం చెల్లించాల్సి ఉంటుంది. ఆ తర్వాత 30 ఏళ్ల దాకా హామీతో కూడిన ఆదాయాన్ని అందుకోవచ్చు. మెచ్యూరిటీ వ్యవధి తర్వాత.. పాలసీదారుడికి చెల్లించిన ప్రీమియం మొత్తం చేతికి అందుతుంది. క్రమం తప్పకుండా అదనపు ఆదాయం రావాలని కోరుకునే వారికి ఇది ఉపయోగకరంగా ఉంటుంది. పిల్లల చదువులు, వారి వివాహంలాంటి ఖర్చులను తట్టుకునేందుకు ఇది సహాయపడుతుంది.