విశాఖలో మెరిసిన 'జక్కన్న' బ్యూటీ.. VRUMM ట్రావెల్​ యాప్​ ప్రారంభం

MANNARA CHOPRA AT VISAKHA : బాలీవుడ్ అందాల భామ, సినీ తార మన్నార చోప్రా విశాఖలో సందడి చేశారు. విశాఖ వీఎమ్​ఆర్​డీఏ ఏరినాలో జరిగిన 'VRUUM ట్రావెల్ యాప్' వేడుక ప్రారంభ కార్యక్రమానికి ఆమె ముఖ్య అతిథిగా హాజరయ్యారు. VRUUM ట్రావెల్ యాప్ ప్రయాణికుల మన్ననలు పొందాలని మన్నార చోప్రా ఆకాంక్షించారు. కేవలం వ్యాపార దృక్పథంతో కాకుండా ప్రయాణికులకు, డ్రైవర్​లకు మేలు జరిగే విధంగా ఈ యాప్​ను రూపొందించారని.. తప్పక విజయవంతం అవుతుందని ఆమె అన్నారు. తెలుగు ప్రేక్షకులు చూపే ఆదరణ గొప్పదని మన్నార అన్నారు. డాన్స్​లతో ప్రేక్షకులను మన్నార అలరించారు. బాలీవుడ్​ భామను చూడటానికి అభిమానులు, ప్రేక్షకులు పెద్ద ఎత్తున తరలివచ్చారు. 2016లో విడుదలైన జక్కన్న సినిమాలో సునీల్​ సరసన హీరోయిన్​గా నటించారు.

విశాఖపట్నం కేంద్రంగా ప్రారంభమైన VRUMM ట్రావెల్ యాప్ సమష్టి కృషితో అంచెలంచెలుగా వివిధ ప్రాంతాలకు విస్తరిస్తుందని.. ఇప్పటికే విదేశాల్లో విశేషమైన సేవలందిస్తున్న VRUMM యాప్​ను విశాఖ తో పాటు ఇతర ప్రాంతాల ప్రయాణికులు కూడా సద్వినియోగం చేసుకోవాలని యాప్ సీఈఓ సృజన పైడి చెప్పుకొచ్చారు.