'నాడు తండ్రిని హత్య చేశారన్నారు... నేడు సన్మానం చేశారు'

ముఖ్యమంత్రి జగన్ ను.. పారిశ్రామికవేత్త ముఖేష్ అంబానీ కలవడంపై రాష్ట్ర కాంగ్రెస్ కార్యనిర్వాహక అధ్యక్షుడు తులసిరెడ్డి స్పందించారు. గతంలో.. వైఎస్ రాజశేఖరరెడ్డి మరణానికి కారణమైన విమాన ప్రమాదంలో.. అంబానీపై జగన్ ఆరోపణలు చేసిన విషయాన్ని గుర్తు చేశారు. అలాంటి జగన్.. ఇప్పుడు అంబానీకి సన్మానం చేయడం ఏంటని ప్రశ్నించారు.

ముఖేష్ అంబాని, సీఎం జగన్ భేటీపై రాష్ట్ర కాంగ్రెస్ కార్యనిర్వాహక అధ్యక్షుడు తులసిరెడ్డి తీవ్ర వ్యాఖ్యలు చేశారు. దివంగత ముఖ్యమంత్రి రాజశేఖర్ రెడ్డి హెలికాప్టర్ ఘటన ప్రమాదం కాదు రిలయన్స్ సోదరులు, కాంగ్రెస్ చేసిన హత్య అంటూ జగన్, ఆయన సంబంధించిన మీడియా ప్రచారం చేసిందన్నారు. అప్పుడు రిలయన్స్ టవర్లు, పెట్రోల్ బంకులపై దాడులు జరిగాయన్నారు. నాడు తన తండ్రిని చంపారని ఆరోపణలు చేసి ఇప్పుడు సన్మానాలు చేయటం వెనుక ఆంతర్యమేమిటో ప్రజలు చెప్పాలని డిమాండ్ చేశారు.

ఇవీ చూడండి-ముఖ్యమంత్రి జగన్‌తో ముకేశ్‌ అంబానీ భేటీ