వ్యక్తి హత్య కేసులో యూపీకి చెందిన నలుగురి అరెస్టు

కడపలో ఈనెల 1న జరిగిన వ్యక్తి హత్య కేసులో పోలీసులు ఉత్తరప్రదేశ్​కు చెందిన నలుగురిని అరెస్టు చేశారు. నిందితులకు న్యాయస్థానం రిమాండు విధించిందని డీఎస్పీ సూర్యనారాయణ తెలిపారు. డబ్బుల కోసం జరిగిన వివాదమే ఈ హత్యకు కారణమని పోలీసులు పేర్కొన్నారు.

కడప జిల్లాలో ఈనెల 1న జరిగిన ఇంతియాజ్​ అనే వ్యక్తి హత్య కేసును పోలీసులు ఛేదించారు. ఈ కేసులో ఉత్తరప్రదేశ్​కు చెందిన నలుగురు నిందితులను అరెస్టు చేశారు. ఉత్తరప్రదేశ్​కు చెందిన జోగి అమీర్ అలీ, జోగి అదిల్, జోగి సుహైల్, జోగి సునేద్ అనే నలుగురు అన్నదమ్ములు బతుకుదెరువు కోసం కడపకు వచ్చి చికెన్ సెంటర్లో పనిచేసేవారు. వీరంతా నకాష్ వీధిలో ఓ ఇళ్లు అద్దెకు తీసుకుని నివసించేవారు. కడప నగరానికి చెందిన ఇంతియాజ్ అనే వ్యక్తి సైతం అదే చికెన్ సెంటర్లో పనిచేసేవాడు. ఉత్తరప్రదేశ్​కు చెందిన నలుగురూ డబ్బులు బాగా సంపాదిస్తున్నారనే దురాశతోఇంతియాజ్ రోజు తాగి వచ్చి డబ్బులు ఇవ్వాలని ఆ నలుగురినీ బెదిరించేవాడు. విసిగిపోయిన నలుగురు అన్నదమ్ములు ఎలాగైనా ఇంతియాజ్​ను హత్య చేయాలని పథకం వేశారు. ఈనెల 1న రాత్రి తమ ఇంటికి ఇంతియాజ్​ను పిలిచారు. ఇంతియాజ్​కు మద్యం తాగించి చపాతీలు చేసే కర్రతో తలపై బలంగా బాది హత్య చేసి పారిపోయారు. ఈ మేరకు కేసు వివరాలను వెల్లడించిన డీఎస్పీ సూర్యనారాయణ నిందితులకు న్యాయస్థానం రిమాండు విధించిందని తెలిపారు.

ఇదీ చదవండీ: