వివేకా హత్య కేసు: కడపలో సీబీఐ విచారణ ప్రారంభం

వైఎస్ వివేకా హత్యకేసుకు సంబంధించి సీబీఐ విచారణ నేటి నుంచి కడపలో ప్రారంభమైంది. అనుమానితులగా ఉన్న ఆరుగురి వ్యక్తులను అధికారులు ప్రశ్నిస్తున్నారు.

వైఎస్ వివేకానంద రెడ్డి హత్య కేసుకు సంబంధించిన సీబీఐ విచారణ కడపలో ప్రారంభమైంది. నిన్నటి వరకు పులివెందులలోని వైఎస్ వివేకానంద రెడ్డి నివాసంలో సీబీఐ అధికారులు విచారణ చేపట్టిన విషయం తెలిసిందే. ఈ రోజు నుంచి కడపలోని కేంద్ర కారాగారంలో ఉన్న అతిథిగృహం, ఆర్ అండ్ బి అతిథి గృహంలో సీబీఐ అధికారులు విచారణ చేపట్టారు. హత్య కేసుకు సంబంధించి అనుమానితులుగా ఉన్న ఆరుగురిని విచారిస్తున్నారు. వీరిలో ఎస్పీ హోదా ఉన్న ఓ మహిళ ఉండటం గమనార్హం. అనుమానితుల నుంచి సీబీఐ అధికారులు కీలక సమాచారం రాబట్టినట్టు తెలుస్తోంది.

ఇదీ చదవండి:నిర్వాసితుల పోరాటానికి తెదేపా, భాజపా నేతల మద్దతు