కడపలో ఉత్కంఠగా సాగుతున్న జాతీయ వాలీబాల్ పోటీలు
కడప జిల్లా రాజంపేటలో జాతీయ వాలీబాల్ పోటీలు ఉత్సాహంగా సాగుతున్నాయి. దేశం నలుమూలల నుంచి వచ్చిన వివిధ రాష్ట్రాల వాలీబాల్ క్రీడాకారులు విజయమే లక్ష్యంగా బరిలోకి దిగుతున్నారు. ప్రత్యర్థి జట్టును ఓడించేందుకు వ్యూహాలతో రంగంలోకి అడుగేస్తున్నారు. నువ్వా-నేనా అన్నట్లు ఉత్కంఠభరితంగా పోటీలు సాగుతున్నాయి. ఈ పోటీలను తిలకించేందుకు క్రీడాభిమానులు పెద్దసంఖ్యలో తరలి వస్తున్నారు. కేకలు వేస్తూ క్రీడాకారులను ప్రోత్సహిస్తున్నారు.